BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا ۇلت مۇراسىن قادىرلەۋگە شاقىرعان شارا ٴوتتى 

فوتو: Нұржас Жақсыбай

بۇگىن قر ۇلتتىق مۋزەيىندە استانا قالاسىنىڭ 20 جىلدىق مەرەيتويى اياسىندا «حالىق قازىناسى» عىلىمي زەرتتەۋ ينستيتۋتىنىڭ ۇيىمداستىرۋىمەن «ۇلتتىڭ ۇلى مۇراسىن قادىرلەيىك» اتتى ٴىس-شارا ٴوتتى، دەپ حابارلايدى baq.kz ٴتىلشىسى.

شارانىڭ ماقساتى – بۇگىندە ۇمىت بولىپ، كوپتىڭ كوڭىلىنەن شىققان ۇلتتىق قۇندىلىقتاردى ناسيحاتتاۋ. ۇرپاقتان ۇرپاققا امانات بولعان حالىق قازىنالارىنىڭ ۇلگىسىن كوپكە كورسەتۋ ٴۇشىن اتالعان شاراعا تۇركىستان وبلىسى سارىاعاش قالاسىنىڭ «دومالاق انا» اجەلەر توبى قاتىستى.

«ٴبىزدىڭ بۇگىنگى شاراعا كەلۋدەگى باستى ماقساتىمىز ەلباسىنىڭ «رۋحاني جاڭعىرۋ» باعدارلاماسىنىڭ اياسىندا ۇلتتىق ٴسالت-داستۇرىمىزدى، ادەت-عۇرىپتارىمىزدى جاڭعىرتۋ، جاستاردى ولاردى دارىپتەۋگە شاقىرۋ. ۇمىتىلىپ بارا جاتقان ٴسالت-داستۇر وتە كوپ شىندىعىندا. جاستاردى سولارمەن تانىستىرۋ»، - دەيدى «دومالاق انا» اجەلەر توبىنىڭ مۇشەسى روزا رىسبەكوۆا.

قازىرگى تاڭدا ۇمىت بولا باستاعان سالت-داستۇرلەر، ادەت-عۇرىپتار، قولدانىستان شىققان شەبەر قولداردىڭ بۇيىمدارى مەن بۇرىن-سوڭدى ەستىلمەگەن حالىق اندەرى، سونىمەن قاتار ىرىم-تيىمداردى جاڭعىرتۋ - بۇگىنگى قوعامنىڭ باستى مىندەتى. وسى ورايدا ۇلى دالادا ٴومىر سۇرگەن حالىقتىڭ مادەني ساباقتاستىعى، ونىڭ عاسىردان عاسىرعا اۋىسقان بۇگىنگى كورىنىسى، تۇرلەنگەن ٴسالت-داستۇردىڭ وزىق ۇلگىسى مەن وزەگى ساقتالعان ادەت-عۇرپى، ٴداستۇرلى ونەر مەن تابيعات پەن عالامعا قاتىستى ٴىلىمى، قولونەر تۇرلەرى ۇسىنىلدى.

شارا بارىسىندا قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ «رۋحاني جاڭعىرۋ: بولاشاققا باعدار» اتتى باعدارلاماسىن نەگىزگە الا وتىرىپ، رۋحاني مۇرالارىمىزدى زەرتتەۋ، ساقتاۋ مەن جاڭعىرتۋ بويىنشا كورمە، شەبەرلىك ساباقتار، «ۇمىت قالعان اندەر» كونسەرتتىك باعدارلاماسى، «ٴداستۇرىڭدى ساقتاي ٴبىل» ساحنالىق قويىلىم ۇيىمداستىرىلدى.

ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي