BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانا كۇنىنە وراي ماقتاارال اۋدانىندا ەكى مەكتەپ پايدالانۋعا بەرىلەدى

استانا كۇنىنە وراي ماقتاارال اۋدانىندا ٴتورت نىسان ەل يگىلىگىنە بەرىلەدى. ولاردىڭ ەكەۋى مەكتەپ، بىرەۋى بالاباقشا، بىرەۋى مۇگەدەك بالالاردى وڭالتۋ ورتالىعى، دەپ حابارلايدى baq.kz اقپارات اگەنتتىگى.

سونداي-اق، ەلوردامىز استانا قالاسىنا 44 توننا اۋىل شارۋاشالىعى ونىمدەرى جونەلتىلەتىن بولادى. وسىعان وراي اۋدان اكىمدىگىنىڭ اپپارات وتىرىسى ٴوتتى. جيىندا بۇدان وزگە ماقتا زيانكەستەرىنە قارسى كۇرەس جۇمىستارىن كۇشەيتۋ، مەكتەپتەردىڭ قىسقا ازىرلىگى جانە «قاۋىن فەست» فەستيۆالىنە دايىندىق جۇمىستارى پىسىقتالدى.

جيىندا اۋدان اكىمى جامانتاي بەيسەنبايەۆ استانا كۇنىنە وراي ەل يگىلىگىنە بەرىلەتىن نىساندارداعى دايىندىق جۇمىستارىن نازاردا ۇستاۋدى ەسكەرتتى. سونداي-اق، مەرەكە كۇندەرى قوعامدىق ٴتارتىپتى كۇشەيتۋدى جانە تازالىق ماسەلەسىنە كوڭىل بولۋگە شاقىردى.

«استانا كۇنىنە وراي اۋدانىمىزدا 4 نىسان پايدالانۋعا بەرىلەتىن بولادى. وسىعان وراي دايىندىق جۇمىستارىن تاعى ٴبىر پىسىقتاپ الۋىمىز قاجەت. سونىمەن قاتار، استانا قالاسىنا جونەلتىلەتىن اۋىل شارۋاشىلىعى ونىمدەرىنىڭ ساپاسىنا ٴمان بەرۋدى تاپسىرامىن. بۇگىندە بارلىق ونىمدەرىمىز ٴپىسىپ، جەتىلدى. قاۋىن، قاربىز، تاعى دا باسقا كوكونىس تۇرلەرىنىڭ ٴونىم كولەمى جىلداعىدان جوعارى بولىپ وتىر. سوندىقتان استانا قالاسىنا بارىپ، ٴوز ونىمدەرىن ساۋدالاعىسى كەلەتىندەرگە تاسىمال جاعىنان ياعني تەحنيكامەن قامتامىسىز ەتىپ بەرۋگە ٴتيىسپىز»، - دەدى اۋدان اكىمى.

جيىندا تاعى ٴبىر ماڭىزدى ماسەلە – ماقتا زيانكەستەرىنە قارسى كۇرەس شارالارىنىڭ بارىسى تالقىلاندى. بۇگىندە اۋداندا ماقتا داقىلىنىڭ ٴوسۋ قارقىنى جامان ەمەس. ەندىگى ماسەلە – اعىن سۋمەن قامتاماسىز ەتۋ بولىپ وتىر. وسى جايتتارعا توقتالعان اۋدان اكىمى الداعى 5-10 شىلدە كۇندەرى اۋدان شارۋالارىنا قاجەتتى 100 تەكشە مەتر اعىن سۋ بەرىلەتىندىگىن ايتتى. ٴبىر ايعا جۋىق ۇزدىكسىز بەرىلەتىن اعىن سۋدى ٴتيىمدى ٴارى ۇنەمدى نەگىزدە پايدالانعان ٴجون.

بۇدان بولەك جيىندا اۋدانداعى ەگىستىك جەرلەردى سيفرلاندىرۋ ماسەلەسى دە ٴسوز بولدى. ٴقازىردىڭ وزىندە اۋدان كولەمىندەگى سۋارمالى جەرلەردىڭ 56،5 پايىزى ەلەكتروندى كارتاعا ەنگىزىلىپ ۇلگەرگەن. ياعني بۇل 76 مىڭ گەكتاردان استام ەگىستىك جەردى قۇرايدى.

اپپارات وتىرىسىندا مەكتەپتەردىڭ قىسقا دايىندىق جۇمىستارىن كۇشەيتۋ ماسەلەسى دە نازاردان تىس قالعان جوق. سونىمەن قاتار الداعى تامىز ايىندا ۇيىمداستىرىلاتىن «قاۋىن فەست» فەستيۆالىنە دايىندىق جۇمىستارى تالقىلاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي