BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانا الەم اقىندارىنىڭ كوزىمەن

فوتو: ашық дереккөзден

قازاقستان استاناسىنىڭ 20 جىلدىعىن مەرەكەلەۋ قۇرمەتىنە 30 تامىزدا استانادا «اق وردالى استانا» حالىقارالىق پوەزيا كەشى وتەدى، دەپ حابارلايدى baq.kz اقپارات اگەنتتىگى.

بۇل شاراعا تانىمال وتاندىق اقىندار مەن الەمدىك دەڭگەيدەگى بىلىكتى اقىندار قاتىسادى. كوپتەگەن شەت ەلدىك تانىمال اقىن جازۋشىلاردا اتالمىش شاراعا ٴوز ۇلەستەرىن قوسپاق.

اتالمىش شىعارماشىلىق كەشكە فينليانديالىق اقىن، ەسسەشى، سلاۆيان، ورىس ادەبيەتىنىڭ اۋدارماشىسى يۋككا ماللينەن، اقىن، جەتپىس كىتاپتىڭ اۆتورى، شانحاي ۋنيۆەرسيتەتىنىڭ پروفەسسورى وۋيانگ يۋ، فرانسۋز جازۋشىسى، پۋبليسيست جانە اۋدارماشى، پروزاشى تەرري مارينياك، اقىن، باسپاگەر، سۋرەتشى مالگوجاتا ماحلەۆسكايا، اقىن، باسپاگەر گاگيك داۆتيان، اقىن ليۋبوۆ كراساۆينا، اقىن، پروزاشى، سىنشى، «ليتەراتۋرنىي گازەتى» اتتى گازەتتىڭ باس رەداكتورى ماكسيم زامشەۆ، اقىن سەرگەي مناساكانيان، اقىن، اۋدارماشى ميحايل سينەلنيكوۆ قاتىسادى.

«قازاق دالاسى قاي عاسىردا دا الەم تاريحشىلارى، مادەنيەتتانۋشىلار، اقىندار مەن عالىمدار ٴۇشىن تاڭعاجايىپ كەڭىستىك – التىن ساندىق ىسپەتتى بولعان. كونە قالالارىمىز – تاراز بەن ٴسۇياب، فاراب پەن ياسى جونىندە قالام تارتپاعان، جىرىنا وزەك، جازباسىنا ارقاۋ قىلماعان شايىرلار مەن حاكىمدەر نەكەن-ساياق. تاۋەلسىزدىك العاننان كەيىنگى جىلدارى جاڭا قازاقستان الەم عالىمدارىنىڭ، ٴدىن باسىلارىنىڭ، ساياساتتانۋشىلاردىڭ پىكىرلەسۋ الاڭىنا اينالدى. قر مادەنيەت جانە سپورت مينيسترلىگىنىڭ «استانا – الەم اقىندارى كوزىمەن» اتتى اۋقىمدى ٴىس-شاراسى الەم قالامگەرلەرى مەن ەل قالامگەرلەرى اراسىندا التىن كوپىر بولاتىندىعىمەن قۋانتادى. استانانى جىرلاۋ – قازاق ەلىنىڭ وتكەنى مەن بۇگىنىن، جارقىن كەلەشەگىن، ونىڭ اسقاق ارماندارى مەن اسىل مۇراتتارىن جىرلاۋ. وسى تۇرعىدان كەلگەندە بۇل ٴىس-شارا مادەني وقيعا بولعالى تۇر دەپ سانايمىن»، - دەيدى «دارىن» مەملەكەتتىك جاستار سىيلىعىنىڭ لاۋرەاتى، اقىن ەرلان ٴجۇنىس.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي