BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساكەن سەيفۋللين مۋزەيىنىڭ سايتى ىسكە قوسىلدى

استاناداعى ساكەن سەيفۋللين مۇراجايىنىڭ اشىلعانىنا بيىل 30 جىل تولادى. وسىعان وراي مۋزەي باسشىلىعى ٴبىرقاتار ٴىستى قولعا الىپ جاتىر، دەپ حابارلايدى baq.kz اقپارات اگەنتتىگى.

1988 جىلى قۇرىلعان مۋزەيگە ٴبىر كەزدە ەلباسى نۇرسۇلتان نازاربايەۆتىڭ ٴوزى كەلىپ، قازاق حالقىنىڭ داڭقتى ۇلى جايلى جىلى ىلەبىزىن بىلدىرگەن بولاتىن.

بۇگىن مۋزەيدىڭ رەسمي سايتى تانىستىرىلىپ، وسى سالا بويىنشا اتقارىلىپ جاتقان ىستەر تالقىلاندى.

شاعىن عانا سايتتا ازىرگە 6 ايدار بەكىتىلگەن. وندا مۋزەي تاريحى، كورمە زالدار، مۇراجاي قىزمەتكەرلەرى جانە فوتو-ۆيدەو مۇراعات جيناقتالعان.

«بۇل مۋزەيدىڭ قازىرگى مۇمكىندىگىنە وراي جاساقتالدى. الداعى ۋاقىتتا تولىقتىرىلىپ، كولەمى كەڭەيتىلىپ وتىراتىن بولادى. سايت ازىرگە مەملەكەتتىك تىلدە عانا وقىرمانعا جول تارتتى. بولاشاقتا باسقا دا تىلدەرگە اۋدارىلىپ شىعاتىن بولادى» - دەيدى مۋزەي ديرەكتورىنىڭ ورىنباسارى گۇلنازيا يبرايەۆا.

ارنايى تانىستىرىلىمعا جۋرنليستەر، بلوگەرلەر جانە جاس اقىن-جازۋشىلار قاتىستى.

سايتتىڭ ٴالى دە تولىقتىرا تۇسەتىن، ٴالى دە ناقتىلاي تۇسەتىن تۇستارىنا توقتالعان قاتىسۋشىلار، «ساكەنتانۋ»، «ساكەن مۇراسى»، «ٴان قاناتىندا» ت.ب. ايدارلار قوسۋ كەرەكتىگىن ايتتى.

سونىمەن قاتار، قازىرگى ۋاقىتتا كونتەنت جيناۋ ٴۇشىن سايت دومەنىنىڭ كۇردەلى بولماۋى كەرەكتىگىن ەسكەرىپ، http://seifullinmuseum.kz دومەنىن اۋىستىرۋ كەرەكتىگى ايتىلدى.

«الداعى ۋاقىتتا بۇل ولقىلىقتاردىڭ بارلىعىن ەسكەرەمىز دەگەن ويدامىن. ساكەننىڭ كىتاپتارىن، ساكەنتانۋشىلاردىڭ ەڭبەكتەرىن جانە ساكەن اندەرىنىڭ اۋديو-ۆيدەو نۇسقالارىن وسى سايتتان تابا الاسىزدار. سايتتا مۋزەيدىڭ جۇمىس ىستەيتىن ۋاقىتى، مۋزەيگە قاتىستى جاڭالىقتار قامتىلعان. بولاشاقتا 3d ەكسكۋرسيا جاساۋدى دا جوسپارلاپ وتىرمىز» دەيدى سايت ٴادمينى قابيدەن قۋانىشباي.

بۇل ەڭ اۋەلى استانادان وزگە قالالارداعى، وزگە ەلدەردەگى ساكەنتانۋشىلار ٴۇشىن تاپتىرمايتىن اقپارات كوزى بولارى ٴسوزسىز. 30 جىلدىقتا قولعا العان ٴىس يگىلىكتى بولىپ، سايت وقىرماندارى كوپ بولسىن!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي