باتىر باۋىرجان ٴوزى قولدانعان ماۋزەردى كىمگە قالدىرعان؟ - جادىگەر|18 تامىز 2017، 13:56
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باتىر باۋىرجان ٴوزى قولدانعان ماۋزەردى كىمگە قالدىرعان؟

باتىر باۋىرجان مومىش ۇلى 1965 جىلى يالتادا جازعان وسيەت حاتىندا ٴوزىنىڭ تۇتىنعان بىرنەشە زاتتارىن جامبىل وبلىستىق مۋزەيىنە قالدىرعانىن ايتقان. ونىڭ ىشىندە باتىردىڭ فوتوسۋرەتتەرى، كۇندەلىكتى ومىردە پايدالانعان ىدىستارى، كىتاپتارى، تەمەكى تارتاتىن مۇشتەگى، كارتاسى مەن داپتەرى جانە ماۋزەرى بولعان، دەپ حابارلايدى baq.kz اقپارات اگەنتتىگى.

بۇگىنگى تاڭدا بۇل زاتتار جامبىل وبلىستىق تاريحي-ولكەتانۋ مۋزەيىنىڭ «جامبىلدىقتار – ۇلى وتان سوعىس جىلدارىندا» اتتى زالىندا باۋىرجان مومىش ۇلىنىڭ جەكە زاتتارى ەكسپوزيسياسىنان ورىن العان.

«بۇل مۋزەيدە باتىردىڭ ماۋزەرى بۇگىنگە دەيىن ساقتالعان. جادىگەردە «ماۋزەر پولكوۆنيكا باۋىرجانا مومىشۋلى» دەگەن جازۋ بار. بار ٴومىرىن اسكەري قىزمەتكە ارناپ، ۇلى وتان سوعىسىنا قاتىسقان داڭقتى قولباسشى بۇل ماۋزەردى سول وتتى جىلدارى پايدالانىپ، كەيىننەن كوزىنىڭ تىرىسىندە اۋليەاتا مۋزەيىنە تاپسىرعان. باۋىرجان مومىش ۇلى ٴبىر كەلگەنىندە وبلىستىق مۋزەيگە ٴوزىنىڭ قىلىشى مەن دومبىراسىن دا سىيلايتىنىن ايتقان. وكىنىشىكە قاراي، الدەبىر كىسىدەن بەرىپ جىبەرگەن قۇندى جادىگەرلەر سول كۇيى مۇندا جەتپەگەن. ەگەر قۇندى قازىنا جامبىل جەرىنە جەتىپ، مۋزەي تورىنەن ورىن العاندا جۇرتشىلىق بۇگىندە تاعى ٴبىر تاعدىرلى جادىگەردىڭ كۋاگەرى بولار ەدى»، - دەيدى جامبىل وبلىستىق تاريحي-ولكەتانۋ مۋزەيى عىلىمي ەكسپوزيسيالىق جۇمىس جانە قوردى ەسەپكە الۋ ٴبولىمىنىڭ مەڭگەرۋشىسى ٴمولدىر قىزداربەكوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي