BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلورداداعى تاريحي نىسانداردىڭ «كيەلى استانا» اتتى كارتاسى جاسالماق

فوتو: yvision.kz

ەلوردا اكىمدىگىندە قالا اكىمىنىڭ ورىنباسارى ەرمەك امانشايەۆتىڭ توراعالىعىمەن «رۋحاني جاڭعىرۋ» باعدارلاماسىنىڭ جۇزەگە اسۋى بويىنشا جينالىس ٴوتتى. باعدارلاما جوبالارىنىڭ ٴبىرى – قازاقستان استاناسىنىڭ تاريحي-مادەني مۇرالارىن بىرىكتىرەتىن «كيەلى استانا» كارتاسى بولماق. ەرمەك امانشايەۆ استانا ولكەسىندە كونە تۇرىك كەزەڭىنە جاتاتىن ارحەولوگيالىق نىساندار بارىن ايتتى. بۇل بارلىق ەسكەرتكىشتەر «كيەلى كارتاعا» ەنۋى كەرەك جانە تاريحي-مادەني مۇرالاردى تەرەڭىنەن زەرتتەۋ ٴۇشىن جۇمىس توبى قۇرىلۋى ٴتيىس. ونىڭ قۇرامىندا ٴبىزدىڭ عالىمدار، ارحەولوگتار، تاريحشىلار، ۇكىمەتتىك ەمەس جانە جاستار ۇيىمدارىنىڭ وكىلدەرى بولادى، دەپ حابارلايدى baq.kz اقپارات اگەنتتىگى ەلوردا اكىمدىگىنىڭ ٴباسپاسوز قىزمەتىنە سىلتەمە جاساپ.

ەلوردا اكىمىنىڭ ورىنباسارىنىڭ سوزىنشە، «كيەلى استانا» ەلوردا ٴومىرىنىڭ بىرنەشە كومپونەنتتەرىن بىرىكتىرەدى.

«كيەلى استانا» – بۇل ٴبىر جاعىنان، ولكە تاريحىن زەرتتەۋدىڭ باعا جەتپەس كوزى، ەكىنشىدەن، ٴوز جەرىنە، ەلورداسىنا دەگەن سىيلاستىق پەن پاتريوتتىق سەزىمنىڭ قالىپتاسۋىنا نەگىز بولادى. ۇشىنشىدەن، تۋريستىك كلاستەردىڭ كرەاتيۆتى قۇرامى بولۋى كەرەك»، - دەدى ەرمەك امانشايەۆ.

اكىمنىڭ ورىنباسارى «رۋحاني جاڭعىرۋ» باعدارلاماسى بويىنشا جۇمىستاردى جانداندىرۋ قاجەتتەلىگى تۋرالى ايتىپ، باعدارلامادا كورسەتىلگەن بارلىق باعىتتاردى جۇزەگە اسىرۋعا ارنالعان شارالاردى بەلگىلەدى.

مۇنداي شارالاردىڭ ىشىندە «بوزوق» قالاشىعىنا مادەني-عىلىمي ەكسپەديسيا جاساۋ، جاس ولكەتانۋشىلاردىڭ قالالىق سلەتى مەن فورۋمى، ٴبىلىم مەكەمەلەرىندە «تۋعان جەر – رۋحاني جاڭعىرۋ» تاقىرىبىندا سىنىپ جانە كۋراتورلىق ساعاتتار وتكىزۋ سياقتى جۇمىستار بار.

سونىمەن قاتار جينالىستا استانانىڭ جاس پاتريوتتار كلۋبى مەن قالانىڭ «رۋحاني جاڭعىرۋ» شىعارماشىلىق ينتەلليگەنسياسىنىڭ كەڭەسىن قۇرۋ ايتىلدى. توپ قۇرامىندا مادەنيەتتانۋشىلار، تاريحشىلار، ونەر قايراتكەرلەرى، ارحەولوگتار، جانە قالانىڭ تالانتتى، جاسامپاز جاستارى بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي