قاسىموۆ قالمۇحانبەت نۇرمۇحانبەت ۇلى - ٴومىربايان|04 قاراشا 2016، 15:44
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاسىموۆ قالمۇحانبەت نۇرمۇحانبەت ۇلى

1957 جىلى الماتى وبلىسى يلينكا اۋدانىنىڭ دميتريەۆكا اۋلىندا دۇنيەگە كەلگەن. ٴبىلىمى جوعارى، 1979 جىلى س.كيروۆ اتىنداعى قازاق مەملەكەتتىك ۋنيۆەرسيتەتىنىڭ زاڭ فاكۋلتەتىن بىتىرگەن، ماماندىعى «زاڭگەر». ميليسيا گەنەرال-مايورى.

1979 جىلدان باستاپ – تەرگەۋشى، اعا تەرگەۋشى، تەرگەۋ ٴبولىمىنىڭ باستىعى، الماتى وبلىسى ٴىىب يلينكا ىشكى ىستەر ٴبولىمى باستىعىنىڭ ورىنباسارى.
1988 جىلدان باستاپ – الماتى وبلىسى ٴىىب-نىڭ قوعامدىق قاۋىپسىزدىك ٴبولىمى باستىعىنىڭ ورىنباسارى.
1989 جىلدان باستاپ – الماتى وبلىسى ٴىىب قاپشاعاي ٴىىب-نىڭ باستىعى.
1992 جىلدان باستاپ – الماتى وبلىسى ٴىىب كريمينالدىق ميليسيا باسقارماسىنىڭ باستىعى، الماتى وبلىسى ٴىىب باستىعىنىڭ ٴبىرىنشى ورىنباسارى.
1997 جىلدان باستاپ – الماتى قالاسىنىڭ ىشكى ىستەر باس باسقارماسىنىڭ باستىعى.
2003 جىلدان باستاپ - الماتى وبلىسى ىشكى ىستەر باس باسقارماسىنىڭ، ىشكى ىستەر دەپارتامەنتىنىڭ باستىعى.
2005 جىلدان باستاپ – قازاقستان رەسپۋبليكاسىنىڭ ىشكى ىستەر ٴبىرىنشى ۆيسە-مينيسترى، ۆيسە-مينيسترى.
2009 جىلدان باستاپ – شىعىس قازاقستان وبلىسى ىشكى ىستەر دەپارتامەنتىنىڭ باستىعى.
2011 جىلدىڭ ٴساۋىر ايىنان باستاپ قازاقستان رەسپۋبليكاسىنىڭ ىشكى ىستەر ٴمينيسترى.
مىناداي مەملەكەتتىك ناگرادالارمەن ماراپاتتالعان:
ٴ2-شى دارەجەلى «دانق» وردەنىمەن، «استانا» مەدالىمەن
"ۇلتتىق قاۋىپسىزدىكتى قامتاماسىز ەتۋدەگى ۇلەسى ٴۇشىن"، "قۇقىق ٴتارتىبىن قامتاماسىز ەتۋدە ۇزدىك شىققانى ٴۇشىن"، "قازاقستان كونستيتۋسياسىنا 10 جىل"، "قازاقستان رەسپۋبليكاسى ىشكى ىستەر ورگاندارىنىن ارداگەرى"، "قازاقستان رەسپۋبليكاسىنىڭ پارلامەنتىنە 10 جىل" مەرەيتوي مەدالدارىمەن، «ٴىىم-نىڭ ەڭبەك سىڭىرگەن قىزمەتكەرى»
ۇيلەنگەن، ٴۇش بالا تاربيەلەۋدە، جەتى نەمەرەسى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي