BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«شاكارىم» جايلى كىتاپ قىتاي تىلىنە اۋدارىلدى

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى، قر ۇعا اكادەميگى ەرلان سىدىقوۆتىڭ «شاكارىم» اتتى تانىمدىق-عۇمىرباياندىق كىتابى قىتاي تىلىندە جارىق كوردى، دەپ حابارلايدى baq.kz ٴتىلشىسى.

قىتايلىق وقىرماندارعا قازاقستان زەرتتەۋ ورتالىعىنىڭ اشىلۋى كەزىندە تانىستىرىلعان ەڭبەك بۇعان دەيىن قازاق، ورىس، تۇرىك، اعىلشىن تىلدەرىندە باسىلعان. ەندى مىنە، سيان ۋنيۆەرسيتەتىنىڭ ٴتىل مامانى لي سىچاننىڭ اۋدارماسىمەن اسپان استى ەلىنىڭ وقىرماندارىنا جول تارتىپ وتىر.

اۆتور ەڭبەگىندە شاكارىم قۇدايبەردى ۇلىن تاريحي، ازاماتتىق جانە عىلىمي تۇرعىدان قاراستىرىپ، پۋبليسيستيكالىق، فيلوسوفيالىق ەڭبەكتەرىنە جاڭاشا باعا بەرگەن.

«قىتاي وقىرمانى بۇل كىتاپتان كوپ نارسە ولجالايدى دەپ ويلايمىن. الداعى ۋاقىتتا شاكارىم پوەزياسىن جولما-جول قىتاي تىلىنە اۋدارۋعا قول جەتكىزسەك، ٴتىپتى جاقسى بولار ەدى»، - دەيدى تاريح عىلىمىنىڭ دوكتورى تۇرسىنحان زەكەن ۇلى.

ال ونەرتانۋشى ا.تايزەنحاۋزەن «بۇل كىتاپ اقىن، فيلوسوف، پەداگوگ شاكارىمنىڭ بۇكىل عۇمىرىن قامتيدى. مۇندا اقىننىڭ ٴومىربايانىنان بولەك، ۇلت تاريحى جاتىر» دەگەن پىكىرىن ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي