BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇگىن – وليمپيادا چەمپيونى بەكزات ساتتارحانوۆتىڭ تۋعان كۇنى

بۇگىن – قازاقستان رەسپۋبليكاسىنىڭ ەڭبەك سىڭىرگەن سپورت شەبەرى، سيدنەيدە وتكەن xxvii وليمپيادانىڭ بوكستان چەمپيونى بەكزات ساتتارحانوۆ سەيىلحان ۇلىنىڭ دۇنيەگە كەلگەن كۇنى.

قازاقتىڭ ماڭدايىنا سىيماي كەتكەن ٴدۇلدىلدىڭ ومىردەن وتكەنىنە دە 17 جىلدىڭ ٴجۇزى بولىپتى. الايدا الاش ەلىن الەمگە پاش ەتكەن سپورتشى بەكزاتتى جۇرت ەسىنەن شىعارعان ەمەس.

ول 1980 جىلى 4 ساۋىردە تۇركىستان قالاسىنداعى قاراپايىم وتباسىندا دۇنيەگە كەلگەن. بەكزات – اكەسى سەيىلحان مەن اناسى سىرلىكۇلدىڭ كەنجە بالاسى. ساتتارحانوۆتاردىڭ بەكزاتتان وزگە مەكتەپ قابىرعاسىنداعى سپورتتىق باسەكەلەردە وزا شاپقان ٴۇش ۇلى بولدى. باعدات، بولات، ماقسات ەسىمدى بالالارى دا سپورتتى سەرىك ەتكەن ەكەن. بالا كەزىندە وتە نازىك، اۋرۋشاڭ، ٴالجۋاز بولعان بەكزاتتان اتاعى جەر جۇزىنە جايىلاتىن داڭقتى بوكسشى شىعادى دەپ ەشكىم ويلاماسا كەرەك.

العاشىندا ٴوزىن-وزى قورعاپ ۇيرەنسىن دەگەن ويمەن اتا-اناسى بەكزاتتى كۇرەس ۇيىرمەسىنە قاتىستىرادى. الايدا كۇرەسكە ىنتاسى بولماي، ەكىنشى جاعىنان كۇرەسپەن اينالىسۋ بويدىڭ ٴوسۋىن تەجەيتىنىن ۇعىپ ۇيىرمەگە بارماي، بىردەن بوكسقا بەت بۇرادى. 1986-1996 جىلدار ارالىعىندا اباي اتىنداعى مەكتەپ-ينتەرناتتا، كەيىن جۇمابەك ەدىلبايەۆ اتىنداعى №18 ورتا مەكتەپتە وقيدى. 1995 جىلى العاش رەت بوكس ۇيرىمەسىنە جازىلىپ، بالالار باپكەرى نۇرلان جۇمابايەۆتان ٴتالىم الا باستايدى. اتا-اناسى مەن تۋىستارى بەكزاتتىڭ بوكسقا دەگەن ىنتاسىن بايقاعانىمەن، مۇنى جاي، وتپەلى كەزەڭ دەپ ويلاعان. ٴبىراق ول بوكسپەن شۇعىلدانعانىنا ٴبىر جىل تولماستان رەسپۋبليكالىق سايىستىڭ جەڭىمپازى اتانىپ، بىلعارى قولعاپتى بەكەر كيمەگەنىن دالەلدەيدى. بەكزاتتىڭ بويىندا بالا كۇنىنەن بەرى بايقالاتىن ٴبىر قاسيەت بولعان.

ول ٴوزىن جەڭگەن بوكسشىدان مىندەتتى تۇردە ەسە قايتارۋدى ماقسات تۇتادى ەكەن. بەكزات زاڭ سالاسى ماماندىعىن يگەرگەن. الدىمەن مۇحتار اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ دەنە شىنىقتىرۋ فاكۋلتەتىنە ٴتۇسىپ، كەيىن تۇركىستان قالاسىنداعى قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ زاڭ فاكۋلتەتىن ٴتامامداعان. بەكزات بوكستا سەرىك قوناقبايەۆتى ۇلگى تۇتقان. 1980 جىلى ماسكەۋ وليمپياداسىنىڭ فينالىندا سەرىك قوناقبايەۆ جۇدىرىقتاسقان ساتتە بەكزات بەسىكتە جاتقان ٴسابي ەدى. اناسى سىرلىكۇل ساتتارحانوۆانىڭ سەرىك قوناقبايەۆ سەكىلدى بەكزات تا چەمپيون بولسىن دەگەن ۇلكەن ارمانى بولعان. بەكزات كەيىن انا ارمانىن ورىندايدى دا. ول سيدنەيدەگى جەڭىسىن تۇركىستان قالاسىنىڭ 1500 جىلدىعىنا تارتۋ ەتەتىندىگىن ايتقان.

بەكزات – 18 جاسىندا قاجىلىققا بارعان مۇسىلمان. بەكزاتتىڭ قىسقا عۇمىرىندا 2000 جىل تەك سيدنەي وليمپياداسىنداعى جەڭىسىمەن ەرەكشەلەنبەيدى. ول مۇحيتتىڭ ارعى بەتىندەگى دوداعا اتتانعانعا دەيىن قىرعىزستاندا وتكەن ورتا ازيا ويىندارىندا، يسپانيادا جالاۋى جەلبىرگەن حالىقارالىق جارىستاردا جەڭىس تۇعىرىنا كوتەرىلەدى. استانا قالاسىنداعى «قازاقستان-كۋبا» كەزدەسۋىندە قارسىلاسىن ايقىن باسىمدىقپەن جەڭىپ، چەحيادا وتكەن «گران پريدە» جەڭىمپازعا بەرىلەر كۋبوكتى قانجىعاسىنا بايلايدى. ماسكەۋدەگى تمد ەلدەرىنىڭ بىرىنشىلىگىندە 4 جۇلدەمەن قاتار، سايىستىڭ ۇزدىك بوكسشىسى دەگەن اتاقتى ەنشىلەيدى.

وليمپياداعا اتتانار كەزدە ۇشاق باسپالداعىندا تۇرعان بەكزات ۇلكەن اعاسى ماقساتقا: «مەن باس جۇلدەمەن ورالامىن. مەنەن التىن كۇتىڭدەر!»، - دەپ ايعايلاپ، جەڭەتىنىن الدىن الا سەزگەن دەسەدى. مۇنان كەيىن دە بەكزات اناسىنا: «مەن ٴالى ٴۇش دۇركىن وليمپيادا چەمپيونى بولامىن»، - دەپ ايتادى ەكەن. سيدنەيدەگى جەڭىسىنەن كەيىن، وعان ەلباسى ٴى دارەجەلى «بارىس» وردەنىن تابىس ەتتى. تاريحتا بەكزات «بارىس» وردەنىنىڭ تۇڭعىش يەگەرى رەتىندە دە قالدى.

جانى جايساڭ، جارقىن ٴجۇزدى ازامات 2000 جىلدان ٴارى اسا المادى. جاڭا جىلدىڭ باستالۋىنا ساناۋلى مينۋتتار قالعاندا شىمكەنت قالاسى جانىنداعى تەمىرلان قالاسى ماڭىندا اۆتوكولىك اپاتىنان قازا بولدى. بۇگىندە تۇركىستان قالاسىندا بەكزات ساتتارحانوۆ اتىنداعى ىقشام اۋدان مەن سپورت كەشەنى بار. الماتى قالاسىندا كوشەگە بەكزات ساتتارحانوۆ اتى بەرىلدى. 2002 جىلدان باستاپ بوكستان بەكزات ساتتارحانوۆتى ەسكە الۋعا ارنالعان ٴداستۇرلى حالىقارالىق تۋرنير وتەدى.

2010 جىلى، ياعني سپورتشىنىڭ 30 جاس مەرەيتويى قارساڭىندا تۋعان قالاسى تۇركىستاندا بەكزات ساتتارحانوۆقا ارنالعان ەسكەرتكىش قويىلدى. 2005 جىلى قازاقستاندا بوكسشىعا ارنالعان پوشتالىق ماركا شىعارىلدى. بەكزات تۋرالى 3 تىلدە كىتاپ، فوتوالبوم جارىق كورگەن. 2009 جىلى رەجيسسەر ساتىبالدى تەكەەۆ «بەكزات» اتتى دەرەكتى فيلم تۇسىرسە، 2012 جىلى رەجيسسەر ەرمەك شاحمەت «بەكزات» اتتى فيلم ٴتۇسىرۋ جۇمىستارىن قولعا الدى. بيوگرافيالىق كينوفيلمدە باستى ٴرولدى اكتەر اسىلحان تولەپوۆ سومداپ شىقتى.

بەكزات سەيىلحان ۇلى ساتتارحانوۆ 20 جىلدىق عۇمىرىندا شارشى الاڭدا 143 جەكپە-جەك وتكىزىپ، ونىڭ 132-سىندە جەڭىسكە جەتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي