BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەرەل قورعانى: قازبالار ناتيجەسىندە التىنمەن اپتالعان 7 ات تابىلدى

شىعىس قازاقستان وبلىسىنداعى بەرەل جازىعىنداعى ساق پاتشالارى جەرلەنگەن وبالاردان ارحەولوگتار تاعى دا تىڭ جاڭالىق اشتى. ٴنومىرى ٴ2-نشى قورعاننان ٴوز زامانىندا وتە ىقپالدى تۇلعا بولعان ادامنىڭ مۇردەسى مەن التىنمەن اپتالىپ، كۇمىسپەن كۇپتەلەگەن 7 ات تابىلدى – دەپ حابارلايدى حابار ارناسى.

زەينوللا ساماشەۆ باستاعان ارحەولوگ-عالىمدار مۇنى الەمەدىك ارتەفاكتى دا، تەڭدەسسىز جاڭالىققا بالىپ وتىر. سوندىقتان ارحەولوگتارىمىز بۇل جۇمىستارىن تاۋەلسىزدىكتىڭ 25-جىلدىعىنا سىيلىق رەتىندە ۇسىنباق.

ٴيا، ارحەولوگتاردىڭ الدىن الا بولجاۋىنشا التىنمەن اپتالعان بۇل اتتار ساقتار داۋىرىنە تيەسىلى. ٴنومىرى ەكىنشى قورعاننان ازىرشە 2 اتتىڭ سۇيەگى شىقتى. ارحەولوگ زەيننوللا ساماشەۆ التىندالعان تاعى 5 اتتىڭ سۇيەگى جاتقانىن ايتادى. ال ەڭ ماڭىزدىسى وسى قورعاندا باسىنا ۇلكەن قۇمىرا قويىلىپ، سول داۋىردە ساق پاتشالارىنا ىقپالى بولعان تاعى ٴبىر ادام جەرلەنىپتى. ازىرشە ول تولىق اشىلعان جوق. ات ابزەلدەرى التىننان قۇيىلعان ٴتۇرلى قۇستاردىڭ بەينەسىمەن بەزەندىرىلگەن.

زەينوللا ساماشەۆ، ارحەولوگ، تاريح عىلىمدارىنىڭ دوكتورى:

– ەلىمىزدىڭ شيرەك عاسىرلىق مەرەيتويىنا بىزدە وزىمىزشە سىي تارتايىق دەپ ويلادىق. بيىلعى جىلى ارحەولوگيالىق قازبا جۇمىستارى بەرەلدە جالعاسقان بولاتىن. ٴنومىرى ٴ2-نشى وبادان اسا قۇندى ولجالار تاۋىپ وتىرمىز. ۇلتتىق تاريحىمىزدىڭ سول اقتاڭداق شاقتارىنىڭ بارلىعىن شەشەتىن جاقسى قۇندىلىقتار تابىلىپ جاتىر. ٴالى دە تابىلادى. جەر بەتىنەن جەتى مەتر تەرەڭدىكتە جەرلەنگەن قورعاننىڭ ەنى 4، ۇزىندىعى 5 مەتر بولادى. ال 20 جىل بۇرىن ٴ11-ىنشى قورعاننان تابىلعان جادىگەرلەر بۇگىندە ۇلتتىق مۇراجايدا تۇر.

ولجاس كەرەيحان، ٴتىلشى:

– جالپى بەرەل جازىعىندا ساق پاتشالارىنىڭ 100-دەن استام قورعانى شوعىرلانعان. 1998 جىلدان باستاپ ارحەولوگيالىق قازبا جۇمىستارىن جۇرگىزىپ كەلەدى. ناتيجەسىندە كەشەگى تاسقا قالاعان تاريح بۇگىنگى ۇلتتىق تاريحىمىزعا مول مۇرا بولىپ قوسىلىپ جاتىر. ەندى وسى مۇرانى ناسيحاتتاۋ ٴۇشىن قورعانداردىڭ وزىنەن اسپاناستى مۇراجايى جاساقتالماق. ول ٴۇشىن وبلىستىق بيۋدجەتتەن 40 ميلليون تەڭگە بولىنەتىن بولدى. ال الداعى جىلدارى وڭىردەگى بارلىق ارحەولوگيالىق قازبا جۇمىستارىنان تابىلعان جادىگەرلەردەن ۇلكەن مۇراجاي سالىنباق.

دانيال احمەتوۆ، وبلىس اكىمى:

– بەس جىلدىڭ ىشىندە ٴبىز وسكەمەندە مۇراجاي سالۋىمىز كەرەك. وعان تاماشا مۇمكىندىگىمىز بار. از ۋاقىتتىڭ ىشىندە تاماشا عيمارات سالىپ، مىڭداعان كىسىلەر قازاقتىڭ تاماشا جەرىنە كەلۋ كەرەك. بيىل وبلىستاعى ٴۇش اۋداندا ارحەولوگيالىق زەرتەۋ ٴجۇرىپ جاتىر. قىركۇيەك ايىندا وسى قازبا جۇمىستاردىڭ ناتيجەسى بويىنشا ورتالىق ازيا مەن ەۋروپاداعى بەلگىلى عالىمداردىڭ قاتىسۋىمەن ۇلكەن باسقوسۋ وتپەك. سول كەزدە ٴ2-نشى قورعاننان تابىلعان مۇردە مەن جىلقى سۇيەكتەرىنە گەنەتيكالىق ساراپتاما جاسالدى

khabar.kz

فوتو: arheology.kz/


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي