BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «ارحيپەلاگ كارلاگ» زاماناۋي ونەر كورمەسى اشىلدى

استانا. 30 مامىر. baq.kz – ۇلتتىق مۋزەيدە اشىلعان كورمە ساياسي قۋعىن-سۇرگىن قۇرباندارىن ەسكە الۋ كۇنىنە ارنالادى، دەپ حابارلايدى baq.kz ٴتىلشىسى.

كورمەدەگى ونەر تۋىندىلارى ستاليندىك رەپرەسسياعا ۇشىراعان ادام تاعدىرىن مۇلدەم باسقا قىرىنان تانۋعا مۇمكىندىك بەرىپ وتىر. ماسەلەن، «سىلدىرماق» دەپ اتالاتىن جۇمىس لاگەرلەردە تۋىپ، قايتىس بولعان نارەستەلەردى كوز الدىنا ەلەستەتەدى.

اعاشتان جاسالعان ٴۇش مەترلىك بەسىك، ال ونىڭ ىشىندە «ماموچكينو زيراتى» اتتى كىتاپتار ٴۇيىلىپ جاتىر. قاراعاندى وبلىسىنىڭ دولينكا كەنتىنە جاقىن تۇرعان اتالعان زيراتتا 2000 بالا جاتىر. سۋرەتشى اينۇر سادەنوۆانىڭ تاعى ٴبىر ينستالياسياسى – قارا ماتادان تىگىلگەن 40 كويلەك. بۇل تۋىندى ٴوز بالالارىنان ايىرىلعان 18 000 اناعا ارنالىپ وتىر. بۇدان بولەك، كورمەدە الماگۇل مەڭلىبايەۆا مەن سىرلىبەك بەكبوتايەۆتىڭ ونەر تۋىندىلارىمەن تانىسۋعا بولادى. يدەيا اۆتورى ٴارى جوبا جەتەكشىسى – پروفەسسور نۇرلان دۋلاتبەكوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي