BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارقالىقتا ساياسي قۋعىن-سۇرگىن قۇرباندارىن ەسكە الۋعا ارنالعان شارا ٴوتتى (فوتو)

فوتو: Ержан ЖАУБАЙ

استانا. 02 ماۋسىم. baq.kz – 1916 جىلعى ۇلت-ازاتتىق كوتەرىلىسىنىڭ 100 جىلدىعىنا وراي ارقالىق قالاسىندا ۇيىمداستىرىلىپ جاتقان ٴىس-شارالار، قالا ورتالىعىنداعى احمەت بايتۇرسىن ۇلى ەسكەرتكىشى الدىندا ساياسي قۋعىن-cۇرگىن قۇرباندارىن ەسكە الۋعا ارنالعان «ماڭگىلىك مۇڭ مەن شەر» اتتى شەرۋدەن باستالدى، دەپ حابارلايدى baq.kz ٴتىلشىسى.

31 مامىر كۇنى وتكەن شاراعا استانا، الماتى، اقتوبە قالالارىنان ارنايى كەلگەن عالىمدار مەن قوعام قايراتكەرلەرى، رەسپۋبليكالىق باق وكىلدەرى، ارقالىق قالاسىنىڭ اكىمى عازيز بەكمۇحامەدوۆ قاتىستى.

جيىندا الدىمەن ٴسوز العان تاريح عىلىمدارىنىڭ دوكتورى، پروفەسسور، بەلگىلى الاشتانۋشى مامبەت قويگەلدى: «قازاق حالقىنىڭ باسىنا كەلگەن سوناۋ زۇلمات جىلداردى ٴبىز ەشقاشان ۇمىتپايمىز. وسىنداي ٴىس-شارالار ارقىلى كەلەر ۇرپاق جادىنا وتكەن كۇندەر قاسىرەتىن وشپەستەي ەتىپ جازىپ قالدىرۋىمىز كەرەك»،- دەدى.

اتالمىش شارالاردىڭ وتۋىنە ۇيىتقى بولىپ، باسى-قاسىندا جۇرگەن بەلگىلى ساياساتتانۋشى، قوعام قايراتكەرى بەرىك ٴابدىعالي ۇلىنىڭ ايتۋىنشا، «بيىلعى جىل قازاق ەلى ٴۇشىن اتاۋلى مەرەكەلەرگە تولى. مىسالى، قاتار كەلىپ وتىرعان الاش كوسەمى ٴاليحان بوكەيحاننىڭ 150 جىلدىق، 1916 جىلعى ۇلت-ازاتتىق كوتەرىلىسىنىڭ 100 جىلدىق جانە ەل تاۋەلسىزدىگىنىڭ 25 جىلدىق مەرەيتويلارى قارساڭىندا ۇلت تاريحىن ودان ٴارى تەرەڭدەي زەرتتەپ، حالىق ساناسىندا جاڭعىرتۋعا ۇلكەن مۇمكىندىكتەر تۋىپ وتىر. سونداي يگىلىكتى باستامانىڭ ٴبىرى رەتىندە بۇگىنگى ساياسي قۋعىن-cۇرگىن قۇرباندارىنا تاعزىم ەتۋگە ارنالعان شەرۋدى دە ەرەكشە اتاپ وتۋگە بولادى».

شارا احمەت بايتۇرسىن ۇلى ەسكەرتكىشىنە گۇل شوقتارىن قويۋمەن اياقتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي