BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارحەولوگتار شقو-نىڭ كونە ەسكەرتكىشتەرىنىڭ قازبا جۇمىستارىن باستادى

استانا. 30 مامىر. baq.kz - شىعىس قازاقستاننىڭ 5 كونە ەسكەرتكىشتەرىندە ەلىمىزدىڭ تانىمال عالىمدارىنىڭ جەتەكشىلىگىمەن ارحەولوگيالىق قازبا جۇمىستارى باستالدى. قازىرگى تاڭدا تاريحي جەرلەردى تونوپلانمەن ٴتۇسىرىپ، اەروفوتو ٴتۇسىرىلىم جاساۋدا. بارلىق جۇمىستار ارحەولوگيا سالاسى بويىنشا عىلىمي-زەرتتەۋ جۇمىستارىنىڭ دامۋ جوسپارىنىڭ ورىندالۋ بارىسىمەن تانىستى، دەپ حابارلايدى شقو اكىمدىگىنىڭ ٴباسپاسوز قىزمەتى.

جوسپارعا سايكەس ارحەولوگيالىق ەكسپەديسيالار كاتونقاراعاي اۋدانىنداعى بەرەل قورعانىندا، زايسان اۋدانىنداعى شىلىكتى جازىعىندا، ۇلان اۋدانىنداعى ابلايكيت ٴقامال-موناستىرى، ابايداعى قىرىقۇڭگىر جانە تارباعاتاي اۋدانىنداعى ەلەكە سازى ەسكەرتكىشتەرىندە جۇرگىزىلىپ جاتىر.

وسى جولعى قازبا جۇمىستارىنا 10 مەملەكەتتەن 20 ماماننىڭ تارتىلۋ ونىڭ اۋقىمدىلىعىن كورسەتەدى. اتاپ ايتساق، زەرتتەۋ جۇمىستارىنا جاپونيانىڭ پالەوگەنەتيكتەرى، ۇلىبريتانيا، ۆەنگريا، تۇكيا مەن قىتاي پروفەسسورلارى مەن عالىمدارى، يتاليا مەن بەلگيانىڭ گەوارحەولوگتارى، رەسەي عىلىم اكادەمياسىنىڭ وكىلدەرى قاتىسادى.

– قازاقستان تاۋەلسىزدىگىنىڭ 25 جىلدىعىنا وراي ارحەولوگياىق دامۋ جوسپارىن جۇزەگە اسىرۋىمىز وتە ورىندى، – دەدى دانيال احمەتوۆ. – ەڭ باستىسى ٴبىز ٴوزىمىزدىڭ عالىمدارىمىزبەن عانا شەكتەمەي، الەم تانىعان ارحەولوگتاردى شاقىرىپ وتىرمىز. بارلىق جەردە سولاي بولعان. مىسىرداعى اتاقتى حەوپس پيراميداسىن اشقان كەزدە ارحەولوگيا سالاسىنىڭ بارلىق ۇزدىكتەرى جينالعان بولاتىن. ٴبىزدىڭ بەرەل، شىلىكتى قورعاندارىمىز، ابلايكيت كامال-موناستىرى الەمدىك عالىمداردىڭ نازارىنا ٴتيىستى.

تاريح عىلىمدارىنىڭ دوكتورى، پروفەسسور زەينوللا ساماشەۆتىڭ ايتۋىنشا، زەرتتەۋ جۇمىستارى جوعارى دەڭگەيگە كوتەرىلدى، ال شەتەلدىك مامانداردىڭ تارتىلۋى ەكى جاققا دا قولايلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي