BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴاليحان بوكەيحان ۇلىنىڭ 111 جىل بۇرىن برازيليادان اكەلىپ ەككەن اعاشى (ۆيدەو)

پاۆلودارلىق جاستار ٴاليحان بوكەيحان ۇلىنىڭ 150 جىلدىعىنا وراي قازاقستان بويىنشا «ٴاليحان جولىمەن» شىققان ساپارى بارىسىندا قوعام قايراتكەرىنىڭ ٴومىرى مەن قىزمەتىنە قاتىستى ەلدى مەكەندەردى ارالاپ ٴوتتى، دەپ حابارلايدى pavlodarnews.kz ٴتىلشىسى.

جوبانىڭ جەتەكشىسى عابيت ٴحافيزدىڭ ايتۋىنشا، ساپاردىڭ العاشقى ايالداماسى سەمەي قالاسى بولعان. سەبەبى مۇندا ٴاليحان بوكەيحا ۇلى «الاشوردا» پارتياسىنىڭ نەگىزىن قالاعان.

-قارت سەمەيدەگى ٴىس-شارا قازاقتىڭ كورنەكتى جازۋشىسى مۇحتار اۋەزوۆتىڭ ەسكەرتكىشىنە گۇل شوقتارىن قويۋدان باستالىپ، م. اۋەزوۆ اتىنداعى پەداگوگيكالىق كوللەدجدە كونسەرتتىك باعدارلامامەن جالعاسىن تاپتى. بۇدان كەيىن اۆتوبۋسپەن الماتىعا جول تارتتىق. وڭتۇستىك شاھارداعى «تۇران» ۋنيۆەرسيتەتىندە دە ونەر كورسەتىپ، الماتىلىقتاردىڭ العىسىنا بولەندىك. ارتىنشا، بالقاش كولى ارقىلى ٴاليحان اتامىزدىڭ تۋعان جەرى قاراعاندى وبلىسىنىڭ اقتوعاي وڭىرىنە اتتاندىق. جول-جونەكەي اسحانالارعا توقتاپ، حالىقتىڭ وتىنىشىمەن دالادا جوسپاردان تىس ەكى كونسەرت بەردىك، - دەدى عابيت حافيز.


ايتا كەتەرلىگى، اقتوعاي ٴوڭىرىنىڭ «تالدىبەيىت» دەپ اتالاتىن زيراتىندا ٴاليحان بوكەيحانوۆتىڭ ٴۇش باۋىرى مەن اكە-شەشەسى جەرلەنگەن. جوبا بارىسىندا جاستار مارقۇمداردىڭ زيراتىنا بارىپ، قۇران باعىشتاپ قايتتى.

-بۇل جەردىڭ «تالدىبەيىت» دەپ اتالۋىنىڭ وزىندىك تاريحى بار. 111 جىل بۇرىن ٴاليحان اتامىز وسى جەرگە برازيليادان تۇقىمىن الىپ كەلىپ تال ەككەن. قازىردە جايقالىپ تۇرعان الىپ اعاشتى بابامىزدان قالعان تاريحي جادىگەر دەسەك ارتىق ايتپاسپىز. ايدىڭ سوڭىندا اتالمىش ساپار جايلى قىسقامەتراجدى فيلم جارىققا شىعادى. ال، جوبانىڭ باستى ماقساتى - ۇلت كوسەمى بولعان ٴاليحان بوكەيحان ۇلىنىڭ مەرەيتويىن ەلەۋسىز قالدىرماۋ، - دەيدى عابيت حافيز.

ەلىمىزدە تۇڭعىش رەت ۇيىمداستىرىلعان «ٴاليحان جولى» جوباسىنا 25 پاۆلودارلىق جاس اتسالىستى. ولاردىڭ قۇرامىندا ايتىسكەر اقىندار، انشى-كۇيشىلەر، تاريحشىلار مەن بيشىلەر بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي