BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقمولا وبلىسىندا ات سپورتى تۇرلەرىنەن جارىس ٴوتتى

اقمولا وبلىسىندا قر تاۋەلسىزدىگىنىڭ 25 جىلدىعىنا جانە شورتاندى اۋدانىنىڭ كۇنىنە وراي ۇلتتىق ات سپورتى تۇرلەرى بويىنشا جارىس ٴوتتى - دەپ حابارلايدى قازاقپارات.

ٴىس-شارانى ۇيىمداستىرۋداعى ماقسات - سالاۋاتتى ٴومىر سالتىن قالىپتاستىرۋدىڭ، حالىقتى پاتريوتتىققا تاربيەلەۋدىڭ جانە شاباندوزداردىڭ شەبەرلىكتەرىن ارتتىرۋدىڭ ماڭىزدى قۇرالى رەتىندە ۇلتتىق ات سپورتى تۇرلەرىن كەڭىنەن ناسيحاتتاۋ بولىپ تابىلادى.

شورتاندى اۋدانىنىڭ اكىمى گۇلنۇر ٴسادۋاقاسوۆانىڭ ايتۋىنشا، شورتاندى يپپودرومىندا ات سپورتى مەرەكەسىن ۇيىمداستىرۋ داستۇرگە اينالعان، ال وعان قاتىسۋشىلاردىڭ سانى جىلدان-جىلعا ارتىپ كەلەدى. بۇل جولى ٴوز ونەرلەرىن كورسەتۋگە استانا قالاسىنىڭ، اقمولا مەن سولتۇستىك قازاقستان وبلىستارىنىڭ 60-قا جۋىق شاباندوزى نيەت ٴبىلدىردى.

شورتاندىلىقتار مەن اۋىل قوناقتارى كوكپار، اۋدارىسپاق، قىز قۋۋ، تەڭگە الۋ سىندى ۇلتتىق ويىن تۇرلەرىن، 7 شاقىرىمعا جىبەرىلگەن بايگەنى، توق بايگە جانە الامان بايگەلەرىن تاماشالادى. ات قۇلاعىندا وينايتىن قىز-جىگىتتەرىمىز سايگۇلىكتەرىنىڭ ۇستىندە كۇردەلى جاتتىعۋلاردى ورىنداسا، استانا قالاسى بالالار مەن جاسوسپىرىمدەر سپورت مەكتەبىنىڭ جاس شاباندوزدارى ٴارتۇرلى بيىكتىكتەگى كەدەرگىلەردى ەڭسەرۋ شەبەرلىكتەرىن كورسەتتى.

ٴىس-شارا جەڭىمپازدارى مەن قاتىسۋشىلار باعالى سىيلىقتارمەن ماراپاتتالدى.

رۋسلان عابباسوۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي