BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ادامزاتتىڭ ابايى» اتتى كورمە ٴوتتى (فوتو)

ابايدىڭ «جيدەباي-بورىلى» مەملەكەتتىك تاريحي-مادەني جانە ادەبي-مەموريالدىق قورىق-مۇراجايىنىڭ 2016 جىلدىڭ 4 ماۋسىمدا «اباي كەشى» قوعامدىق قايىرىمدىلىق توبى ۇيىمداستىرعان قايىرىمدىلىق كەشىندە «ادامزاتتىڭ ابايى» اتتى كورمەسى ٴوتتى.

اباي ەسىمى - قازاق حالقىنىڭ ۇلتتىق ساناسىنىڭ ويانۋى مەن رۋحاني قايتا جاڭعىرۋىنىڭ، قوعامنىڭ وزىق كۇشتەرىنىڭ وركەنيەتتىلىككە ۇمتىلىسى مەن الەۋمەتتىك ادىلدىكتىڭ سيمۆولى.

ول قازاق پوەزياسىنىڭ، حالىق دانالىعىنىڭ بارشا جاقسى تاجىريبەسىن بويىنا سىڭىرە وتىرىپ، ۇلتتىق پوەزيانى، ونەردى، قوعامدىق ويدى بايىتتى، جاڭا ساپالىق بيىككە الىپ شىقتى.

ەل باسقارۋ ىسىنە ارالاسقان اباي تۋعان حالقىنىڭ تۇرمىسىنداعى ساۋلەلى جانە كولەڭكەلى جاقتارىن تۇگەل كورىپ، قازاق ٴومىرىن جان-جاقتى ەرتە تانيدى. ٴوزىنىڭ شىعارمالارىندا اباي قازاق تىرشىلىگىنىڭ ەڭ كوكەيكەستى ماسەلەلەرىن، ماڭىزدى الەۋمەتتىك، قوعامدىق، مورالدىق پروبلەمالارىن، حالىقتىڭ تاعدىرىنا، ادەت-عۇرپىنا قاتىستى ماسەلەلەردى كوتەرەدى.

سول كەزەڭدە سەمەيدە ولكەتانۋ مۋزەيى، رەسەي گەوگرافيالىق قوعامىنىڭ بولىمشەسى، ساناق كوميتەتى ۇيىمداستىرىلادى. اباي ساناق كوميتەتىنىڭ، رەسەي گەوگرافيالىق قوعامى سەمەي بولىمشەسىنىڭ، بالالارى - اقىلباي، ماعاۋيامەن بىرگە قالاداعى باستاۋىش ٴبىلىم بەرۋگە قامقورلىق قوعامىنىڭ مۇشەسى بولدى. ابايدىڭ قازاق بالالارىنا دەگەن قامقورلىعى بۇگىن دە جالعاسىن تاۋىپ، ابايدىڭ مەملەكەتتىك قورىق-مۇراجايىنىڭ اكىمشىلىگى «اباي كەشى» قوعامدىق قايىرىمدىلىق توبىنىڭ ۇسىنىسىن قابىلداپ، استانا قالاسىنىڭ «hilton garden inn» قوناق ۇيىندە «ادامزاتتىڭ ابايى» تاقىرىبىندا قايىرىمدىلىق كورمەسىن ۇيىمداستاردى.

كورمە ۇلى اقىننىڭ ٴومىرى مەن شىعاراماشىلىعىنا ارنالدى. كورمەگە اباي دوسى ن.ي.دولگوپولوۆ ارقىلى 1885 جىلى سەمەيدەگى ولكەتانۋ مۋزەيىنە ٴوز قولىمەن تاپسىرعان جادىگەرلەردىڭ ٴتۇپنۇسقاسى، ابايدىڭ تۇمار- دومبىراسى جانە الەم تىلدەرىندەگى اباي شىعارمالارى قويىلدى. «اباي كەشى» قايىرىمدىلىق گالا-كەشىنە كەلگەن ەلشىلەر مەن كاسىپكەرلەر، اتىراۋداعى جەتىم بالالار ٴۇيىنىڭ تاربيەلەنۋشىلەرى كورمەنى اسا قىزىعۋشىلىقپەن تاماشالادى. اباي قورىق-مۇراجاي قىزمەتكەرلەرى كەلگەن قوناقتارعا قازاق، ورىس، اعىلشىن تىلدەرىندە ەكسكۋرسيا جۇرگىزدى. مۇنداي قايىرىمدىلىق شارالار الداعى ۋاقىتتا دا جالعاسىن تابادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي