BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ستانيمير ستويلوۆ: ۆاسيلەۆ سەكىلدىلەر قازاق فۋتبولىندا جۇرمەۋى كەرەك

كەشە فۋتبولدان قازاقستان چەمپيوناتىنىڭ كەزەكتى تۋرى «اقتوبە» مەن «استانا» كەزدەسۋىمەن اياقتالعان بولاتىن. بۇل ويىن 2:1 ەسەبىمەن قوناقتاردىڭ پايداسىنا شەشىلدى. كەزدەسۋدەن كەيىن فۋتبولداعى «fair play» ەرەجەسى بۇزىلدى. ياعني ماتچتان كەيىن «تازا ويىن» ٴۇشىن قوس قوماندانىڭ باس باپكەرلەرى قول الىسىپ، بىر-بىرىنە العىس ٴبىلدىرۋ كەرەك. ٴبىراق «اقتوبە» باپكەرى يۋريي ۋتكۋلبايەۆ ارىپتەسىنىڭ قولىن الۋدان باس تارتتى.

ستانيمير، ويىن قالاي ٴوتتى؟

– وتە قيىن ويىن بولدى. وزدەرىڭىز بىلەسىزدەر، ەۋروپا ليگاسى اياسىندا كيپردە كەزدەسۋ وتكىزىپ، بىردەن وسىندا ۇشىپ كەلدىك. ۇزاق جول شارشاتادى. دەگەنمەن كوماندا سوڭىنا دەيىن بەرىلمەي، جاقسى ونەر كورسەتتى. «اقتوبە» كومانداسى دا ۇلكەن قۇلشىنىسپەن الاڭعا شىقتى. ٴبىراق «استانا» ويىنشىلارىنىڭ دەڭگەيى جوعارى. سوندىقتان جەڭىستى ج ۇلىپ الدىق.

– ماتچتىڭ باسىندا ارىپتەسىڭىز يۋريي ۋتكۋلبايەۆ ٴسىزدىڭ قولىڭىزدى العان جوق. بۇعان نە ايتاسىز؟

– بۇل باپكەردىڭ قايدان كەلگەنىن بىلمەدىم. بالكىم «رەال مادريدتەن» كەلگەن شىعار؟ سوندا «استانا» كومانداسىنىڭ باپكەرلەر شتابى ونىڭ قولىن الۋعا جارامايدى ما؟ وسىدان ەكى كۇن بۇرىن ۆاسيلەۆ دەگەن بىزگە كەلىپ ەرتەگى ايتتى. قوناق كومانداعا اۆتوبۋستا، جاتتىعۋ جاساۋعا الاڭدا بەرگەن جوق. ٴسويتىپ، ٴجۇرىپ، ٴوزىڭ قازاق فۋتبولىن دامىتىپ جاتقان تۇلعا سانايدى. ول جالپى، «اقتوبە» قانداي جاقسىلىق جاسادى؟ بۇرىن قازاقستانداعى ويىن ورنەگى قالىپتاسقان جالعىز كوماندا بولاتىن. ەڭ جوعارى ورىندارعا تالاساتىن. ٴبىز سوڭعى ەكى جىل بويى ەۋروپادا توپتىق كەزەڭدە ونەر كورسەتىپ ٴجۇرمىز. قازاقستان فۋتبولى ٴۇشىن كوپ جۇمىس ىستەدىك. بۇل ادام كەلگەنى كەشە بىزگە فۋتبول ويناۋدى ۇيرەتكىسى كەلەدى. ۆاسيلەۆ مەنەن فۋتبولدا 20 جىلعا ارتتا قالىپ قويعان. ول قالاي جۇمىسىن جالعاستىرىپ ٴجۇر؟ ەگەر فەدەراسيا دۇرىس جۇمىس ىستەگەندە، بۇل جەردە بولماس ەدى. ٴقازىردىڭ وزىندە ەۋروپا ينتەرنەتتە پايدا بولعان جازباعا كۇلىپ قارايدى. مەنىڭ تۇسىنبەيتىنىم، ۆاسيلەۆ سياقتى اۋىلدان شىققان فەودالدىڭ فتۋبولدا قايدان جۇرگەنى. ال باپكەر سونىڭ ەرتىپ كەلگەن ادامى. بۇل ەكەۋىمەن قازاق فۋتبولىنىڭ كوسەگەسى كوگەرمەيدى. مۇنداي ادامدار قازاق فۋتبولىندا جۇمىس ىستەمەۋ كەرەك.

– سوندا ماتچ الدىندا ۆاسيلەۆ نە ىستەدى؟

– ول بىزگە اۆتوبۋس بەرمەدى. جاتتىعۋ جاساۋ الاڭ بەرمەدى. تىزىمگە ەنبەگەن فۋتبولشىلارعا تريبۋنادا وتىرىپ، ويىن كورۋ ٴۇشىن بيلەتتەر قاجەت. ونى دا جوق قىلدى. ايتپەسە، مۇنىڭ ٴبارى رەگلامەنتتى جازىلعان. ول وعان ەشتەڭە بولمايتىنىن جاقسى تۇسىنەدى. سوندىقتان وسىنداي اقىماقتىق ارەكەتتەر جاسايدى. ۆاسيلەۆ سياقتىلار فۋتبولدا جۇمىس ىستەمەۋى كەرەك. وتكەندەگى، تەلەفون جازباسىنان كەيىن قىلمىستىق ٴىس قوزعالۋى كەرەك ەدى. ال بۇل بولسا ٴالى دە فۋتبولدا ٴجۇر. «اقتوبەنىڭ» ستاديونىن قاراڭىزشى، بۇرىن تولى بولاتىن. ال ٴقازىر جارتىسىنا عانا حالىق جينالدى. ەگەر وسىلاي جالعاسا بەر، ستاديوندا ٴۇش ادام عانا قالادى. بۇرىن «اقتوبە» قازاقستاننىڭ ەڭ ۇزدىك كومانداسى ەدى. ال ٴقازىر....

– ٴسىز ششەتكيندى «اقتوبەگە» جىبەرە سالىڭىز. ال ٴقازىر كومانداڭىزدا قوسالقى قۇرامدا تەك جاس ويىنشىلار عانا وتىر. بۇل جاعدايدى قالاي تۇسىندىرەسىز؟

– ٴبىز ششەتكيندى جىبەرگەن جوقپىز. ونى ۆاسيلەۆ پەن ماركو (ترابۋككي، «استانانىڭ» ەكس-مەنەدجەرى) ۇرلاپ الدى. بۇعان دەيىن «اقتوبە» ەكى رەت ۇسىنىس جاساعان ەدى. ٴبىراق باسشىلىق باس تارتتى. ال ماركو باس مەنەدجەر بولىپ تاعايىندالعاندا، ٴتىپتى مەنەن سۇراعان دا جوق. بىردەن كەلىسىمشارت جاساستى. فۋتبولدا بۇلاي جاساۋعا بولمايدى. ششەتكين جاتتىعۋعا كەلىپ، قوشتاسىپ كەتتى. بۇل جاعداي بىزگە تاڭعاجايىپ توسىنسىي بولدى.

– ال بۇگىن ششەتكيننىڭ «استاناعا» قارسى شىقپايتىنىن ٴبىلدىڭىز بە؟

– بىلگەن جوقپىن. مەن ول ٴوزى شەشىم قابىلداۋى قاجەت ەكەنىن ايتتىم ٴدال وسىنداي جاعداي مالىيعا قاتىستى بولعان. ول «ەرتىستە» ونەر كورسەتكەن ەدى. بۇل باپكەرلەر شەشەتىن جۇمىس ەمەس. ٴبىز كوماندانى ماتچقا دايىنداۋىمىز قاجەت. ال ۋتكۋلبايەۆ – ۆاسيلەۆتىڭ قىزمەتشىسى. سوندىقتان باستىعىنىڭ بۇيرىعى بويىنشا مەنىڭ قولىمدى العان جوق. فۋتبول – بۇل سيرك ەمەس.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي