BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سالافيلەر شاريعات زاڭدارىمەن ۇكىم شىعارمايتىن پرەزيدەنتتەردى «كاپىر» دەپ سانايدى – اينۇر ٴابدىراسىلقىزى

مادەنيەت جانە سپورت مينيسترلىگى ٴدىن ىستەرى كوميتەتى ٴدىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعىنىڭ ديرەكتورى اينۇر ٴابدىراسىلقىزى سالافيلىك اعىمعا قاتىستى «ەگەمەن قازاقستان» گازەتىنە سۇحبات بەردى.

«اعىمنىڭ مەملەكەت تۇتاستىعىنا توندىرەر ٴقاۋپى وراسان زور. ويتكەنى، زايىرلى مەملەكەت قۇندىلىقتارىن تەرىستەپ، يسلام مەملەكەتى يدەياسىن ورنىقتىرۋ –وسى اعىم وكىلدەرىنىڭ نەگىزگى ماقساتى.سالافيلەر شاريعات زاڭدارىمەن ۇكىم شىعارمايتىن باسشىلاردى دا، ولار باسقارىپ وتىرعان ەلدى دە «كاپىر» دەپ سانايدى. مۇنداي مەملەكەتتى بيلىك يەلەرىمەن قوسا «تاعۇت» دەپ تانىپ، ولارعا قارسى جيھاد (قارۋلى سوعىس) جاريالايدى. ياعني، بۇل اعىم يدەولوگياسى ەڭ الدىمەن زايىرلى مەملەكەتكە قارسى شىعۋعا، ونى قۇ­لاتۋعا باعىتتالعان كوزقاراستاردى قا­لىپتاستىرۋدا. سالافيلەردىڭ ٴدىني سەنىم بوستاندىعىن قامتاماسىز ەتىپ وتىرعان زايىرلى مەملەكەتتى «ٴدىنسىز، كاپىرستان» دەپ تەرىستەگەن جالعان يدەيا­سىنا الدانىپ، «مۇسىلمان ەلىنە حيجرا جاسادىق» دەگەن سەنىممەن جۇزدەگەن قازاقستاندىق جاستاردىڭ سيريا­عا اتتانىپ، دايش قىرعىنىنىڭ قۇر­بانىنا اينالعانى بەلگىلى. ۇلت دەگەن ۇعىمدى جات سانايتىن سالافيلىك يدەولوگياعا مەملەكەتتىڭ تىرەگى بولىپ تابىلاتىن ۇلتتىڭ رۋحاني قۇندىلىقتارىن، ٴتولتۋما مادەنيەتى مەن ٴسالت-داستۇرىن، ٴتىپتى، مۇسىلماندىق تاريحىن دا جوققا شىعارۋ ٴتان. سالا­فيلىكتى ۇستانۋشىلار قازاقتىڭ كىشىپەيىلدىلىك پەن قۇرمەتتەن تۋىنداعان ىزگى داستۇرلەرىن «اللاعا سەرىك قوسۋ»، «بيدعات» دەپ نەگىزسىز ايىپتاپ، تاريحقا تاعزىم ىسپەتتى زيارات مادەنيەتىن تەرىستەۋدە. قازاق دالاسىندا بۇرىن-سوڭدى بولىپ كورمەگەن ٴقابىر قيراتۋ سەكىلدى قاسيەتسىزدىك دە سالافيلىك اعىم وكىلدەرىنىڭ ورتاسىندا ورىن الدى»، – دەيدى اينۇر ٴابدىراسىلقىزى.

ونىڭ ايتۋىنشا، بۇل اعىم وكىلدەرىنىڭ ٴداستۇرلى قازاق مۇسىلماندىعىن جوققا شىعارۋداعى تاعى ٴبىر ماقساتى - يسلام ٴدىنىن قازاقستانعا تاۋەلسىزدىكتەن كەيىن عانا كەلگەن جاڭا ٴدىن سەكىلدى كورسەتۋ ەكەن.

ولاردىڭ تاعى ٴبىر ماقساتى – يسلام ٴدىنىن قازاقستانعا تاۋەلسىزدىكتەن كەيىن عانا كەلگەن جاڭا ٴدىن سەكىلدى كورسەتۋ. سول كەزەڭدە اراب ەلدەرىنەن ٴتالىم الىپ كەلگەن سالافيلىكتىڭ ۋاعىزشىلارىن «تازا» يسلامدى تاراتۋشىلار رەتىندە دارىپتەۋ بولىپ وتىر.وزگە ٴدىن وكىلدەرىن «كاپىر» ساناپ، اسا توزىمسىزدىك سالافيلىك اعىم وكىلدەرىنە قازاقستاندىق مەنتاليتەتكە ٴتان مامىلەگەرلىك (تولەرانتتىلىق) مۇلدە جات. «كاپىرلەردىڭ مال-مۇلكى مۇسىلماندارعا حالال، كەز كەلگەن جاعدايدا تارتىپ الۋعا بولادى» دەگەن ٴداستۇرلى يسلامعا جات تۇسىنىكتى ۇستاناتىن سالافيلىك اعىمى - كوپ­كونفەسسيالى قازاقستان سىندى مەملەكەت ازاماتتارى ٴۇشىن وتە زالالدى، – دەيدى ورتالىق ديرەكتورى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي