BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ر.كاڭتاربايەۆ: «سۇڭقار» ترامپليندەر كەشەنى الەمدەگى ۇزدىك بەستىككە كىرەدى

شەتەلدىك ساراپشىلار «سۇڭقار» حالىقارالىق ترامپليندەر كەشەنىن الەمدەگى ۇزدىك بەستىككە ەنگىزدى. بۇل جايىندا سپورت نىسانىنىڭ باسشىسى رۋسلان قاڭتاربايەۆ مالىمدەدى. سونىمەن قاتار، ول العا قويعان جوسپارلارىمەن ٴبولىستى.

- «سۇڭقار» حالىقارالىق شاڭعى ترامپليندەرى كەشەنىنىڭ ەرەكشەلىكتەرى جايلى ايتىپ بەرسەڭىز؟

- جالپى سپورتتىق كەشەن بارلىق حالىقارالىق تالاپتارعا ساي جابدىقتالعان. ياعني، ك-125 جانە ك-95 ترامپليندەرىندە كەز كەلگەن دەڭگەيدەگi iرi جارىستاردى ۇيىمداستىرۋعا بولادى. سونداي-اق، 2013 جىلدىڭ مامىر ايىندا اشىلعان 60، 40، 20 مەترلىك تۇعىرلار سپورتشىلارىمىزدىڭ جاتتىعۋ جۇمىستارىن جۇرگىزۋلەرىنە دە، بولاشاق چەمپيوندارىمىزدى تاربيەلەۋگە دە وتە ىڭعايلى. ٴبىزدىڭ ترامپليندەر كەشەنىنىڭ اسا ماقتان تۇتا الاتىنى – بۇل اسقان زاماناۋي مەديا-ورتالىق. ٴبىزدىڭ سپورتتىق شارالاردى on-line رەجيمدە الەمنىڭ كەز-كەلگەن نۇكتەسىنەن كورە الۋعا مۇمكىندىك بار.

2011 جىلى ترامپليندەر كەشەنiنiڭ اشىلۋ قۇرمەتiنە قۇرلىقارالىق كۋبوك دوداسى وتكiزiلدi. ەلiمiزدە وتكەن قىسقى ازيا ويىندارىنىڭ قارساڭىندا سالىنعان بۇل كەشەندە، وسى كۇنگە دەيىن الەمدiك دەڭگەيدەگi iرi بەس جارىس وتكiزiلدى. ال كەشەندەگi بايراقتى باسەكەلەردى شامامەن 5500 ادام تاماشالاي الادى. سونداي-اق، بۇگىندە جاس «قاناتتى شاڭعىشىلارىمىزعا» بارلىق جاعداي جاسالعان.

«سۇڭقار» حالىقارالىق شاڭعى ترامپليندەر كەشەنى 2010 جىلدىڭ 20 قىركۇيەگىندە اشىلعانىمەن، ونىڭ تاريحى تەرەڭدە جاتقانىن كوپ ادام بىلە بەرمەيدى. ەلىمىزدەگى ترامپليننەن شاڭعىمەن سەكىرۋ جانە شاڭعى قوسسايىسى سپورتىنىڭ تامىرى تەرەڭ تاريحى «سۇڭقار» حالىقارالىق شاڭعى ترامپليندەر كەشەنىنىڭ وتكەنىمەن استاساتىنى انىق.

- كەلەشەكتەگى دامۋ جوسپارىندا تاعى دا قانداي ينفراقۇرىلىمدار سالىنباق؟

- كەشەن دامۋىنىڭ بولاشاق جوسپارىندا - ەكى زال، باسسەين، قوناق ٴۇي جانە جاتاقحاناسى بار مەكتەپ سالۋ.قازاقستان ٴوز سپورتتىق كەلەشەگىن ويلاۋدا جانە بولاشاق وليمپيادا چەمپيوندارىن دايىنداۋعا بار جاعداي جاسالۋدا. ٴبىز باسقا دا سپورت تۇرلەرىن دامىتۋدى جوسپارلاۋدامىز. ەكى جىل ىشىندە سالىنىپ بىتەدى دەگەن ويدامىز.

- مۇنداي اۋقىمدى كەشەندى ماتەريالدىق جاعىنان قامتاماسىز ەتۋ قيىن ەمەس پا؟

- باسسەين، قوناق ٴۇي سالىنىپ بولعان سوڭ، ٴوزىن-وزى قامتاماسىز ەتەدى دەگەن ويدامىز. قازىرگى تاڭدا، ول مەملەكەت بيۋدجەتىنىڭ ارقاسىندا جۇمىس ىستەۋدە. ٴبىزدىڭ سپورت كەشەنىمىز الەمدىك دەڭگەيدەگى جارىستاردى دا جوعارى دەڭگەيدە ۇيىمداستىرامىز. وعان دالەل، ازيا ويىندارى مەن قىسقى ۋنيۆەرسيادا-2017.

- الماتى تۇرعىندارى بۇل كەشەندى قالاي پايدالانا الادى؟

- ٴبىزدىڭ كەشەن بارلىعىنا اشىق. كەشەن ماڭىندا ٴۇش مەيرامحانا، فيتنەس زالى جۇمىس ىستەۋدە. ادامدار كەلىپ، سپورتپەن شۇعىلدانا الادى. ايتا كەتسەك، ترامپليننەن سەكىرۋدەن قازاقستان قۇراماسى مەن بالالار مەن جاسوسپىرىمدەر مەكتەبىنىڭ وقۋشىلارى بىزدە تەگىن جاتتىعادى.

- حالىقارالىق شاڭعى ترامپليندەرى كەشەنى الماتى قالاسىنىڭ بىرەگەي كورنەكتى جەرىنە اينالا الدى ما؟

- ارينە، مەدەۋ، شىمبۇلاق سياقتى ٴبىزدىڭ كەشەن دە، الماتى شاتقالىنىڭ كوركەم جەرلەرىنىڭ ٴبىرى. قالا قوناقتارى مىندەتتى تۇردە شاڭعى ترامپليندەرىن كورۋگە كەلەدى. سونداي-اق، قۇرمەتتى قوناقتاردىڭ ىشىندە، ازەربايجان، رەسەي مەملەكەتتەرىنىڭ باسشىلارى مەن پرينس البەرت. ولاردىڭ العان اسەرلەرىن سوزبەن ايتىپ، جەتكىزۋ مۇمكىن ەمەس. كەشەن وتە ادەمى جەردە ورنالاسقان. ول قالا ورتالىعىندا ورنالاسقاندىقتان، بارلىق جەردەن كورىنەرلىك. كەشەنگە كىرۋ تەگىن. كەلۋشىلەر سانى ايتارلىقتاي كوپ، اسىرەسە اۋقىمدى سپورتتىق شارالار كەزىندە.

ايتا كەتەتىن جايت، مەن اۆستريا ەلىندە وتكەن وليمپيادا ويىندارىندا بولعاندا، ولاردىڭ شاڭعى ترامپليندەرىن كورگەنمىن. ينسبۋرگتىڭ كەشەنىمەن سالىستىرعاندا، ٴبىزدىڭ شاڭعى ترامپليندەرى كەشەنى الدەقايدا جاقسى جاساقتالعان. مۇندا، سپورتتىق شارالارمەن قاتار، مادەني مەرەكەلەر دە وتكىزىلەدى. سونىڭ ٴبىرى «الماتى – مەنىڭ العاشقى ماحابباتىم»، الەمدىك جانە وتاندىق جۇلدىزداردىڭ قاتىسۋىمەن وتەتىن كونسەرتتەر، ساياسي شارالار جانە باسقالارى. مۇنداي بۇقارالىق شارالار قاتاڭ باقىلانادى، 230 باقىلاۋ كامەرالارى بۇكىل كەشەندى قامتيدى. تاعى دا ٴبىر ەرەكشەلىك، سپورتتىق شارالار الەم بويىنشا كازسپورت پەن ەۆروسپورت تەلەارنالارىندا تىكەلەي ەفيردە كورسەتەدى.

- ترامپليننەن سەكىرۋ سپورت ٴتۇرىن ەل اراسىندا قالاي تانىتۋعا بولادى؟

- بۇل جاڭا سپورت ٴتۇرى، ٴبىراق ونى دامىتىپ، ەل اراسىندا ناسيxاتتاۋعا تىرىسىپ جاتىرمىز. قازىرگى تاڭدا، اقپاراتتى-سپورتتىق حاب-پەن قىزمەت ىستەۋدەمىز. ولار ٴبىزدىڭ شارالاردى، مەرەكەلەردى حابارلاۋعا، ەل اراسىندا تانىتۋعا كومەكتەسەدى دەگەن ويدامىز. ترامپليننەن سەكiرۋدەن ەلىمىزدە وتەتىن حالىقارالىق جارىستارعا الەمنiڭ تۇراقتى تۇردە پولشا، جاپونيا، گەرمانيا، سلوۆاكيا، چەحيا، ەستونيا، نيدەرلاندى، رەسەي، اۆستريا، كورەيا، سلوۆەنيا سىندى مەملەكەتتەر تۇراقتى تۇردە قاتىسادى. ياعني، كەشەندە وتەتىن ايتۋلى دودالار كەزىندە ورتا ەسەپپەن 60-قا جۋىق سپورتشى باس قوسادى. قازاقستان نامىسىن بۇل سىنداردا وليمپيادا ويىندارىنىڭ قاتىسۋشىلارى نيكولاي كارپەنكو، راديك جاپاروۆ، الەكسەي كورولە، يۋريي نيكيتين جانە وزگە دە سپورتشىلارىمىز قورعايدى. ەسكە سالا كەتسەك، ازيا ويىندارىندا ەكى التىندى ولجالاعان سپورتشىلارىمىز كارپەنكو مەن لەۆكين بۇل سپورت تۇرىنە قىزىعۋشىلىقتى ارتتىردى. ويتكەنى بۇگىندە ٴبىزدىڭ كەشەندە جاتتىعاتىن بالالار سانى ٴوسىپ كەلەدى. اتاپ وتسەك، جاتتىعۋلار تەگىن، قىس-جاز بويى وتەدى. امبەباپ تۇعىرلاردا قاردا عانا ەمەس جاساندى توسەنىشپەن سىرعاناپ، سەكىرۋگە دە بولادى.

- قانداي سپورتتىق شارالار كەلەشەكتە ۇيىمداستىرىلماق؟

- بىزدە كۇن سايىن جاتتىعۋلار وتەدى. ال كۇزدە الەم كۋبوگىنىڭ كەزەڭىن وتكىزۋ جوسپاردا بار. بۇگىندە ٴبىزدىڭ «قاناتتى شاڭعىشىلارىمىز» ٴۇشىن بۇل مەملەكەت تاراپىنان جاسالعان ۇلكەن سىي دەۋگە بولادى. سەبەبى، وسى كۇنگە دەيىن ٴبىزدىڭ كەشەن - ٴىرى سپورتتىق وقيعالاردىڭ بىرەگەى كۋاگەرى. سونداي-اق، مۇندا بولاشاق چەمپيوندارىمىز، ياعني سپورت مەكتەپتەرىنىڭ تاربيەلەنۋشىلەرى دە كەلىپ، وقۋ جاتتىعۋ جۇمىستارىن جۇرگىزەدى. سوندىقتان ٴبىز سپورتشىلارىمىزدان تەك بيىك بەلەستەردى باعىندىرۋلارىن عانا كۇتەمىز.

سۇحباتىڭىزعا راحمەت!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي