BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رەسەيلىك باپكەر لەۆيتتىڭ جەڭىسكە جەتكەنىن مويىنداپ وتىر

فوتو: vesti.kz

رەسەي قۇراماسىنىڭ باپكەرى ەدۋارد كراۆسوۆتىڭ ايتۋىنشا، سپورتشىلار مەن باپكەرلەردىڭ ەڭبەگىن دۇرىس باعالاۋ قاجەت. ال لەۆيت پەن تيششەنكو جەكپە-جەگى بويىنشا قالىپتاسقان جاعداي جالپى اۋەسقويلار بوكسىنا ابىروي اپەرمەيدى. تانىمال رەسەيلىك پروموۋتەر ۆلاديمير حريۋنوۆ بولسا، قازاقستاندىق بوكسشى ۆاسيليي لەۆيتكە شەبەرلىگى ٴۇشىن ۆەل باركەر اتىنداعى كۋبوكتى بەرۋدى ۇسىنىپ وتىر، دەپ حابارلايدى baq.kz ٴتىلشىسى vesti.kz سايتىنا سىلتەمە جاساپ.

«ەندى، نە ايتۋعا بولادى، بۇل جەكپە-جەكتە كىمنىڭ جەڭگەنىن ٴبارى كوردى! مەن ٴوزىم ٴادىل تورەشىلىكتى قالايمىن. سوندىقتان باپكەرلەر مەن سپورتشىلاردىڭ ەڭبەگى ٴتيىستى دەڭگەيدە باعالانۋى قاجەت دەپ سانايمىن! ٴبىز، باپكەرلەر، «ستانوكتىڭ» قاسىندا تۇرعان ادامبىز عوي. سول سەبەپتى ۆاسيليي مەن ونىڭ باپكەرلەرىنە، جالپى بۇكىل بوكس بويىنشا «اتتەگەن-ايدان» باسقا ەشتەڭە ايتا المايمىز! ويتكەنى رينگ اينالاسىندا بولىپ جاتقان بۇنداي جاعدايلار ٴبىزدىڭ سپورتىمىزعا ابىروي اكەلمەيدى. وكىنىشكە قاراي، بۇل وليمپيادادا بولعان جالعىز جەكپە-جەك ەمەس. ونى ٴبىر رەتتىك وقيعا ەمەس، ۇدەرىس دەپ اتاۋ قاجەت. ارينە، ٴبىزدىڭ بوكسشىمىز دا رينگكە جەڭىسكە جەتۋ ٴۇشىن شىقتى. سونىڭ قولىن كوتەرسە، بوكسشىنىڭ كىناسى جوق. ەندى، قايتەمىز، بەرگەنىن الدىق...»، - دەدى كراۆسوۆ.

ال تانىمال رەسەيلىك پروموۋتەر ۆلاديمير حريۋنوۆ قازاقستاندىق بوكسشى ۆيتاليي لەۆيتتىڭ شەبەرلىگىن جوعارى باعالاپ، وعان ۆەل باركەر اتىنداعى كۋبوكتى بەرۋ كەرەك دەپ سانايدى. ماماننىڭ سوزىنە قاراعاندا، لەۆيت كاسىبي بوكسقا اۋىسۋعا تولىعىمەن دايىن.

ايتا كەتەيىك، ريو-دە-جانەيرودا ٴوتىپ جاتقان xxxi وليمپيادا ويىندارىندا بوكستان 91 كەلىگە دەيىنگى سالماقتا ونەر كورسەتكەن ۆاسيليي لەۆيت فينالدا رەسەيلىك ەۆگەنيي تيششەنكودان ۇتىلىپ قالدى. جەكپە-جەككە باعا بەرگەن ٴۇش تورەشىنىڭ ٴبارى دە تيششەنكونىڭ جەڭىسىنە كۇمان كەلتىرگەن جوق. الايدا رەفەري ە.تيششەنكونىڭ قولىن كوتەرگەندە زالدا جينالعان جانكۇيەرلەردىڭ ٴبارى ىسقىرىپ، تورەشىلەردىڭ شەشىمىنە ٴوز نارازىلىقتارىن ٴبىلدىردى. لەۆيتتىڭ ٴوزى جەڭىسىنە سەنىمدى بولدى. الايدا تورەشىلەر باسقاشا شەشتى. سودان بولار، سالتاناتتى ماراپاتتاۋ راسىمىنەن كەيىن لەۆيت كۇمىس مەدالىن بىردەن قالتاسىنا سالىپ الدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي