BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاتريوتتىق سەزىمگە تاربيەلەۋدى وتباسىنان باستاۋ كەرەك - كوماندير ەكسكليۋزيۆ

فوتو: ашық дереккөзден

وسكەلەڭ ۇرپاقتى، سونىڭ ىشىندە، ۇل بالالاردى پاتريوتتىق سەزىمگە تاربيەلەۋدى وتباسىنان باستاۋ كەرەك. بۇل جونىندە baq.kz اقپارات تىلشىسىنە بەرگەن سۇحباتىندا تاراز قالاسىنداعى №85 اسكەري ٴبولىمىنىڭ يدەولوگيالىق جۇمىستار جانە ارنايى ۇگىت-ناسيحات پەن مەملەكەتتىك قۇقىقتىق دايىندىق جونىندەگى وفيسەرى، مايور بەكبولات جانداربەكوۆ مالىمدەدى.

«جالپى، وسكەلەڭ ۇرپاقتى، سونىڭ ىشىندە، ۇل بالالاردى پاتريوتتىق سەزىمگە تاربيەلەۋدى وتباسىنان باستاۋ كەرەك. سەبەبى، پاتريوتتىق سەزىمنىڭ ادام بويىندا قالىپتاسۋى ٴوزىنىڭ باۋىرلارىنا، اتا-اناسىنا دەگەن قامقورلىقتان، جاۋاپكەرشىلىكتى سەزىنۋدەن باستالادى. مۇنداي تاربيەمەن وسكەن ۇل بالا اسكەرگە كەلگەندە ونىڭ ٴپاتريوتيزمىن وياتۋ، وتان الدىنداعى بورىشىن ۇعىندىرۋ دا وڭاي بولادى»، - دەگەن مايور ٴوزىنىڭ ٴدال وسىنداي تاربيەنى كورگەنىن ايتتى.

سونىمەن قاتار، يدەولوگيا جۇمىستارى جونىندەگى اسكەري مامان وتانى مەن وتباسىنا دەگەن سۇيىسپەنشىلىگى، باتىلدىق پەن جاۋاپكەرشىلىك اسكەري ادامنىڭ بويىندا بولۋى ٴتيىس باستى قاسيەتتەردىڭ ٴبىرى ەكەنىن ايتتى.

«مويىنداۋ كەرەك، قازىرگى ۋاقىتتا اسكەرگە كەلگەندەر اراسىندا تىم سەزىمتال ەر-جىگىتتەر دە كەزدەسىپ جاتادى. ياعني، ولاردىڭ پسيحولوگياسى اسكەردەگى قاتاڭ تارتىپكە سايكەس كەلە بەرمەيدى. سونىمەن قاتار، ولار كوبىنە اشۋشاڭ بولىپ كەلەدى. جاعدايدى تالداماستان، اشۋعا بەرىلىپ، ەموسياعا ەرىك بەرەدى. بۇعان اسكەردە جول جوق. قاراپ وتىرساڭىز، بۇل دا ۇيدەگى تاربيەنىڭ سالدارى. اتا-انانىڭ بالانى بەتىنەن قاقپاي ٴوسىرۋى، ەش جاعدايدا "جوق" دەمەي، قالاعانى مەن سۇراعانىن الىپ بەرۋى، جالپى، شامادان تىس ەركەلىك ۇل بالانىڭ بويىنداعى ەر-ازاماتقا ٴتان مىنەز-ق ۇلىقتىڭ قالىپتاسۋىنا كەدەرگى بولادى»، - دەيدى مايور جانداربەكوۆ.

ونىڭ ايتۋىنشا، بۇگىنگى كۇنى قازاقستان ۇكىمەتى تاراپىنان ەلدەگى اسكەري قىزمەتتى بەدەلدى سالا ەتۋ ٴۇشىن ٴتيىستى شارالار قابىلدانىپ جاتىر.

«زامان تالابىنا ساي تاۋەلسىز ەلىمىزدىڭ ٴوز اسكەرى دە قالىپتاسىپ كەلەدى. سوناۋ ون جىل بۇرىنعى قازاقستان اسكەرى مەن قازىرگى قازاقستان اسكەرىنىڭ ايىرماشىلىعى ۇلكەن. سول سياقتى، مەملەكەت تاراپىنان اسكەري قىزمەتشىلەردىڭ الەۋمەتتىك جاعدايىن جاقسارتۋعا كوپ شارالار قابىلدانىپ جاتىر. مۇنىڭ دالەلى رەتىندە اسكەري سالاداعى ازاماتتاردى باسپانامەن قامتاماسىز ەتۋ، ٴتۇرلى الەۋمەتتىك تولەمدەر، بالاباقشاداعى ورىنداردىڭ كەزەكتەن تىس بەرىلۋىن اتاۋعا بولادى»، - دەدى اسكەري قىزمەتكەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي