BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەلل برۋك: ەكىنشى راۋندتا كوز الدىما 3-4 گولوۆكيننىڭ بەينەسى ەلەستەدى

بۇگىن لوندونداعى 20 مىڭدىق o2 سپورت كەشەنىندە قازاقستاندىق كاسىپقوي بوكسشى گەنناديي گولوۆكين بريتاندىق كەلل برۋكتى بەسىنشى راۋندتا تەحنيكالىق نوكاۋتپەن جەڭىپ، ٴوز اتاقتارىن قورعاپ قالعان بولاتىن. كەزدەسۋدەن كەيىن برۋك تىلشىلەردىڭ ساۋالىنا جاۋاپ بەرىپ، جەكپە-جەك تۋرالى اڭگىمەلەپ بەردى.

برۋك بۇعان دەيىن 36 كەزدەسۋ وتكىزىپ، بارلىعىندا جەڭىسكە جەتكەن بوكسشى. وسى جولى العاش رەت قارسىلاسىنا ەسە جىبەردى. بەسىنشى راۋندتا باپكەرى رينگكە اق ورامال لاقتىرىپ، كەزدەسۋدى مەرزىمىنەن بۇرىن توقتاتۋعا شەشىم قابىلدادى. ناتيجەسىندە تەحنيكالىق نوكاۋتپەن جەرلەسىمىز جەڭىمپاز اتاندى.

«بۇل جەڭىلىسىمە كوزىمنەن العان جاراقاتىم اسە ەرتتى. ەكىنشى راۋندتتا ول مەنىڭ كوزىمدى سىندىردى. سول كەزدە 3 نەمەسە 4 گولوۆكيندى كورگەندەي بولدىم. ماعان سەنىڭىز، ول وتە كەرەمەت. ونىڭ اياعى شارشى الاڭدا قالاي قيمىلدايتىنىن كوردىم. مەن ونىمەن تاعى دا كەزدەسۋگە دايىنمىن. بۇل جەكپە-جەك جانكۇيەرلەرگە ۇنادى دەپ ويلايمىن»، – دەيدى برۋك.

ايتا كەتەيىك، جەرلەسىمىز وسى جەڭىسى ٴۇشىن 3 ميلليون فۋنت ستەرلينگ (4 ميلليون دوللار) گونورار الدى. سول سەكىلدى برۋكتە ٴدال وسىنداي تابىسقا كەنەلەدى. بۇل رەكوردتىق سوما. بۇعان دەيىن گولوۆكين ەڭ كوپ تابىسىن دومينيك ۋەيد پەن داۆيد لەمەگە قارسى وتكىزگەن جەكپە-جەكتەرىندە العان. ول كەزدە گونورار كولەمى – 2 ميلليون دوللار بولعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي