BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كارىپبەك كۇيىكوۆ: سەمەي پوليگونىنىڭ زاردابىنان ٴبىر وتباسىنىڭ 10 بالاسى دا شەتىنەپ كەتكەن بولاتىن

فوتو: Жандос КОКУМБАЕВ

بۇگىن قر ۇلتتىق مۋزەيىندە سەمەي پوليگونىنىڭ جابىلعانىنا 25 جىل تولۋىنا وراي، "بەيبىتشىلىك پەن قاۋىپسىزدىك قاعيداسىن مۇرات تۇتقان ۇلى دالا ەلى" اتتى دوڭگەلەك ۇستەل ٴوتتى. جيىندا ٴسوز العان قازاقستاندىق سۋرەتشى جانە انتيادرولىق قوزعالىس بەلسەندىسى كارىپبەك كۇيىكوۆ ٴوزىنىڭ كوزىمەن كورگەن وقيعالاردى باياندادى. بۇل تۋرالى baq.kz ٴتىلشىسى حابارلايدى.

"وسىدان 25 جىل بۇرىن انتيادرولىق قوزعالىس قۇردىق. قوزعالىستى جازۋشى ولجاس سۇلەيمەنوۆ باسقاردى. سول كەزدەگى ازاماتتاردىڭ ٴبىرازى بۇگىندە ورتامىزدا جوق. سىناق قاراعاندى، سەمەي، پاۆلودار وبلىستارىن قامتىعان. وسى ايماقتاردىڭ تۇرعىندارى بىزگە قىزۋ قولداۋ ٴبىلدىردى. ٴبىز العاش جۇمىستى باستاعان كەزدە ينتەرنەت، ۇيالى تەلەفون بولعان جوق. سوندىقتان مەكتەپتەردى، ۇيلەردى ارالاپ قول جينادىق. ادامداردىڭ جينالعان قولدارىن ۇلكەن جاشىكتەرمەن تاسىدىق. مەن سەمەي يادرولىق پوليگونى ورنالاسقان جەردەن 100 شاقىرىمداي جەردە ورنالاسقان ەگىندىبۇلاق اۋىلىندا تۋعانمىن. اتا-انام سول سىناقتاردى ٴوز كوزىمەن كورگەن. اكەم تالاي تاريxي وقيعالاردى اڭگىمەلەپ وتىراتىن. پوليگوننان زارداپ شەككەن كوپتەگەن وتباسىنى بىلەمىن. مەنىڭ اكەممەن جۇمىس ىستەگەن ارىپتەسىنىڭ 10 بالاسى بولدى. ٴبىراق بارلىعى دا اۋرۋ بولىپ تۋدى. كەيىننەن سول 10 بالانىڭ بارلىعى دا شەتىنەپ كەتتى. اكەسى بۇل كۇيىككە شىداماي جۇرەگى توقتاپ قالعان بولاتىن. مۇنداي جاعدايلار وتە كوپ"، - دەيدى كارىپبەك كۇيىكوۆ.

ايتا كەتەيىك، سەمەي پوليگونى - كسرو يادرولىق سىناق پوليگوندارىنىڭ ٴبىرى، اسا ماڭىزدى ستراتەگيالىق وبەكتىسى بولدى. كسرو زامانىندا قازاقستان اۋماعىندا اتوم بومبالارى سىناقتان ٴوتتى. ول ٴۇشىن ارنايى 18 ملن گا جەر ٴبولىنىپ، سەمەي يادرولىق پوليگونى اشىلدى. 1953 جىلى مۇندا سۋتەكتى بومبا جارىلعان. 40 جىل ىشىندە - 1949-1989 جىلدار ارالىعىندا سەمەي پوليگونىندا 473 يادرولىق جارىلىس بولعان. ەلباسى نۇرسۇلتان نازاربايەۆتىڭ جارلىعىمەن 1991 جىلدىڭ 29 تامىزىندا سەمەي يادرولىق پوليگونى جابىلىپ، 1992 جىلدىڭ مامىرىندا ونىڭ بازاسىندا كۋرچاتوۆ قالاسىنداعى ۇلتتىق يادرولىق ورتالىق قۇرىلدى.

فوتو: جاندوس كوكۋمبايەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي