BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قايرات ەراليەۆ: تورەشىلەر مەنى وزبەككە جىعىپ بەردى

برازيليانىڭ ريو-دە-جانەيرو قالاسىندا ٴوتىپ جاتقان وليمپيادا ويىندارىندا بۇگىن شارشى الاڭعا شىققان قايرات ەراليەۆ جەكپە-جەكتەن كەيىن جۋرناليستەرگە ٴوز ويىمەن ٴبولىستى، دەپ حابارلايدى ريوداعى قازاقپارات ٴتىلشىسى.

«مەن نەگىزى جەڭىلگەن جوقپىن. قارسىلاسىمنان ارتىق جۇدىرىقتاسپاسام، كەم بولعان جوق. ونىڭ سوققىلارىنىڭ بارلىعى مەنىڭ قورعانىسىمنان وتە المادى. ال مەن كوپتەگەن سوققىلارىمدى ٴدوپ تيگىزدىم دەپ نىق سەنىممەن ايتا الامىن»، - دەدى ەراليەۆ.

ول دوحادا وتكەن الەم بىرىنشىلىگىندە وسى بوكسشىمەن كەزدەسكەنىن ايتتى.

«مەن بۇل بوكسشىمەن دوحادا وتكەن الەم چەمپيوناتىندا كەزدەسكەنمىن. وندا تازا ۇتىلعان بولاتىنمىن. مويىندايتىن كەزدە مويىنداۋ كەرەك. ال بۇگىن ۇتىلدىم دەپ ايتا المايمىن. مەنى تورەشىلەر اياعىمنان شالدى. وليمپيادا جۇلدەسى بۇيىرماي تۇرعان شىعار. تورەشى كىمنىڭ قولىن كوتەرسە، سول جەڭدى دەگەن ٴسوز. ٴبىراق، كىمنىڭ مىقتى جۇدىرىقتاسقانىن جانكۇيەرلەر، حالىق كورىپ وتىر. باعاسىن سولار بەرەدى»، - دەپ اڭگىمەسىن قىسقا قايىردى بوكسشى.

ەراليەۆ وليمپيادا ويىندارىندا جۇلدەگە ىلىگە الماعان ٴتورتىنشى قازاقستاندىق بوكسشى بولدى. مۇنىڭ الدىندا ٴبىرجان جاقىپوۆ، بەرىك ٴابدىراحمانوۆ، ابىلايحان ٴجۇسىپوۆ جارىستى ەرتە اياقتاعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي