BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يۆان دىچكو: جاقسى ۇسىنىستار بولسا كاسىپقوي بوكسقا اۋىسامىن

بوكستان ريو وليمپياداسىنىڭ قولا جۇلدەگەرى يۆان دىچكو جارتىلاي فينالداعى جەڭىلىستەن كەيىن تىلشىلەردىڭ ساۋالىنا جاۋاپ بەردى، دەپ حابارلايدى baq.kz ٴتىلشىسى.

– جەڭىلىستىڭ سەبەبىن نەمەن تۇسىندىرەسىز؟

– مەن شارشاپ قالدىم. ەكىنشى راۋندتىڭ سوڭعى جاعىندا شارشاعانىم بىلىنە باستادى. ٴبىرىنشى راۋندتا جەڭىسكە جەتتىم. ال ەكىنشى ٴۇش مينۋتتىقتا ٴوزىمدى كورسەتۋگە تىرىستىم. ٴۇشىنشى راۋندتا نە بولعانىن وزىمدە تۇسىنبەدىم. مەنىڭ شارشاپ قالعانىمدى قارسىلاس پايدالانىپ كەتتى. ونىڭ فيزيكالىق دايىندىعى مەنەن جوعارى بولدى.

– ٴۇش راۋند بويى جوعارى دەڭگەيلى ونەر كورسەتۋگە نە جەتىسپەدى؟

– بىلمەيمىن، شارشاعانىمنان بولار. بۇل تۋرالى ەشتەڭە ايتا المايمىن. مەن باپكەرىمنىڭ بەرگەن تاپسىراماسىن ورىندادىم. باپكەرلەر شتابى دۇرىن دايىندىق جوسپارىن جاسادى. بالكىم مەنىڭ جەكە قاتەلىگىمنەن دە بولار.

– جەكپە-جەك الدىندا تولقۋ بولدى ما؟

– ٴاردايىم تولقۋ بولادى. قارسىلاسىم وتە قارىمدى. سوققىسى مىعىم. سوندىقتان بوساڭدىق تانىتۋعا بولمايدى. اۋىر سالماقتا ٴبىر سوققى كەزدەسۋ تاعدىرىن شەشىپ كەتەدى.

– يرلانديالىق بوكسشى نەسىمەن تاڭ قالدىردى؟

– اسا قاتتى ەشتەڭە كورسەتە قويعان جوق. ٴوزىم كۇتكەندەي بولدى. ونىڭ سوققىسىن كۇتىپ الۋدى ويلاعانمىن. ٴبىراق ٴبارى دە جوسپارلاعانداي بولماي شىقتى.

– كاسىپقوي بوكسقا اۋىسۋ ويىڭىزدا جوق پا؟

– ەگەر جاقسى مۇمكىندىكتەر بولسا، قاراستىرىپ كورەمىن.

ايتا كەتەيىك، يۆان دىچكو ريو وليمپياداسىندا 1/8 فينالدا ٴازىربايجاندىق ماگومەدراسۋل مەدجيدوۆتان باسىم تۇسكەن بولاتىن. ول كەزدە مەدجيدوۆتىڭ قاباعى جىرتىلىپ، دارىگەرلەر وعان جارىستى جالعاستىرۋعا تىيىم سالعان ەدى. ال شيرەك فينالدا ەفە ادجاگبانى ۇتقان. ال جارتىلاي فينالدا يرلانديالىق دجوزەف دجويستان جەڭىلدى. ٴسويتىپ، ەكىنشى رەت وليمپيادا ويىندارىنىڭ قولا جۇلدەگەرى اتاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي