BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گۇلناز جولانوۆا: «اكتەرلىك تاجىريبەمدەگى ەڭ اۋىر ٴتۇسىرىلىمى وسى بولدى»

2016 جىل قازاق ارۋى ٴۇشىن ٴساتتى بولعان سياقتى. جاقىندا عانا "تاراز"، "بيزنەس پو-كازاحسكي" فيلمدەرىنىڭ ٴتۇسىرىلىمىن اياقتاعان گۇلناز، بىردەن جاڭا جوباعا قىزۋ كىرىسىپ كەتتى. ول نە جوبا ەكەنىن ٴبىز اكتريسانىڭ وزىنەن سۇراعاندى ٴجون كوردىك.

بۇل كينو شوقان ۋاليحانوۆ، ونىڭ قاشقار ەلىنە جاساعان ساياحاتى جايلى بولماق. 22 جاسىندا ول شپيون رەتىندە قاشقارعا بارىپ قايتقان. كينونىڭ ٴماتىنى سول ساياحات ناتيجەسىندە جارىق كورگەن 5 تومدىق ەڭبەگىنىڭ نەگىزىندە جازىلعان.

مەنى بۇل كينودا شوقان ٴۋاليحانوۆتىڭ سۇيىكتىسى بولىپ تابىلاتىن قىپشاقتىڭ اجار ەسىمدى قىزىنىڭ ٴرولىن وينايمىن.

كينونىڭ رەجيسەرى جاسۇلان پوشانوۆ. ٴتۇسىرىلىم شىلدەنىڭ ورتاسىندا باستالىپ، ٴالى جالعاسۋدا. العاشىندا تيزەر عانا ٴتۇسىرۋ جوسپاردا بولعانىمەن، كەيىن تولىق مەتر تۇسىرىلەتىن بولدى. بىرەر كۇننىڭ ىشىندە كينونىڭ اقتىق كادرلارى ٴتۇسىرىلىپ ۇلگەرۋى ٴتيىس.

ٴتۇسىرىلىم وڭاي بولعان جوق.مەنىڭ قىلىشپەن شايقاساتىن كورىنىستەرىم بار. ونىڭ بارلىعىن nomad كاسكادەرلار توبى ۇيرەتتى. جاتتىعۋلار شىلدەنىڭ باسىنان باستالىپ، ەكى اپتا بويى جالعاستى. نەبارى 14 كۇننىڭ ىشىندە اتقا وتىرىپ، قولعا قارۋ الىپ، باتىرلارشا شايقاسىپ ۇيرەنۋ كەرەك بولدى. سونىڭ ٴبارىن ماعان ۇيرەتكەن كاسكادەرلار توبىنا مىڭ العىس!

ادەتتە بارلىق ٴقاۋىپتى تريۋكتاردى اكتەردىڭ ورنىنا دۋبلەر ورىندايدى.ٴبىراق مەنىڭ جاعدايىم ەرەكشە ەدى. دەنە ٴبىتىمى مەنىكىنە ساي كەلەتىن دۋبلەر تابىلماعاندىقتان، بارلىق تريۋكتى ٴوزىم ورىندادىم: اتتان دا قۇلادىم، جاراقات تا الدىم. ٴتىپتى، ٴۇش كۇن بويى جۇرە الماي قالعانىم بار. ات دەگەن ويىنشىق ەمەس ەكەن. ودان باسقا ٴتۇسىرىلىم جازدىڭ ىستىق كۇندەرى بولدى. ال ٴبىزدىڭ ۇسىتىمىزدە قابات-قابات كيىم، قولىمىزدا اۋىر قارۋ-جاراق. سونىڭ بارىمەن نە اتتىڭ ۇستىندە شاباسىڭ، نە شايقاساسىڭ، نە بولماسا ەكەۋىن دە قاتار جاسايسىڭ. ول از بولعانداي ىلە جاعاسىنداعى شىبىن-شىركەي ابدەن مازامىزدى قاشىردى. مەنىڭ اكتەرلىك تاجىريبەمدەگى ەڭ قيىن ٴتۇسىرىلىم وسى شىعار.

comode.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي