BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەدەلدى عالىم وتاندىق كاسىپكەرلەردى توقمەيىلسىمەۋگە شاقىردى

فوتو: Абзал ҚАЛИЕВ

پروفەسسور، حالىقارالىق ساپا جۇيەسىنىڭ ساراپشىسى، ەكسپەرت-اۋديتور ازات ٴابدىراحمانوۆ وتاندىق كاسىپكەرلەردى رەسپۋبليكالىق بايقاۋلاردا جەتكەن جەتىستىكتەرىنە توقمەيىلسىمەي، ٴوز ونىمدەرىنىڭ ساپاسىن ارتتىرىپ حالىقارالىق نارىققا شىعۋ قاجەتتىگىن ايتتى، دەپ حابارلايدى baq.kz ٴتىلشىسى.

ونىڭ پىكىرىنشە، قازاقستاندىق بيزنەسمەندەر تەك ۇلتتىق «التىن ساپا» كونكۋرسى مەن «قازاقستاننىڭ ۇزدىك تاۋار ٴوندىرۋشىسى» بايقاۋىنا عانا قاتىسىپ ۇيرەنىپ قالعان.

«ٴبىزدىڭ كاسىپكەرلەردىڭ اراسىندا ۇلكەن كەمشىلىك بار. ولار جىلدا «وسى (بايقاۋلاردى – اۆتور) ناۋقان رەتىندە كوكتەمدە باستاپ، جاز بويى قاتىسىپ، كۇزدە سونىڭ ناتيجەسىن كورەمىز» دەپ ويلايدى. سودان كەيىن بارلىعى تىنىشتالادى. كەلەسى جىلى بارلىعى قايتادان باستالادى. بۇل دۇرىس ەمەس»، - دەيدى عالىم.

وسى ورايدا ول بۇل رەسپۋبليكالىق بايقاۋلاردىڭ قانداي ماقساتتا ۇيىمداستىرىلاتىندىعىن ٴتۇسىندىردى.

«ۇلتتىق «التىن ساپا» كونكۋرسى جانە «قازاقستاننىڭ ۇزدىك تاۋار ٴوندىرۋشىسى» دەگەن كونكۋرستار حالىقارالىق تاجىريبە نەگىزىندە ۇيىمداستىرىلادى. ەكونوميكاسى دامىعان مەملەكەتتەردىڭ بارىندە وسىنداي ۇلتتىق كونكۋرستار بار. ماقسات - ەلدە شىعارىلاتىن تاۋارلاردىڭ، كورسەتىلەتىن قىزمەتتەردىڭ ساپاسىن ارتتىرۋ، ٴارى الدىڭعى قاتارلى كاسىپورىندارعا، كومپانيالارعا وزدەرىنىڭ تاۋارلارىن حالىقارالىق دەڭگەيگە كوتەرۋگە جاعداي جاساۋ»، - دەدى پروفەسسور.

سونىمەن قاتار ازات ٴابدىراحمانوۆ شەتەلگە ٴوز تاۋارىن شىعارىپ جاتقان وتاندىق كاسىپورىندار بار ەكەندىگىن العا تارتتى. الايدا ساراپشى بۇل كومپانيالاردا مەنەدجمەنتتى دامىتۋ كەرەك دەگەن پىكىردە.

«ٴبىزدىڭ كاسىپورىنداردىڭ اراسىندا قىتاي حالىق رەسپۋبليكاسىنا، بىرىككەن اراب امىرلىكتەرىنە، تۇركياعا ساپالى تاۋار جىبەرەتىندەر بار. ٴبىراق، ولاردىڭ مەنەدجمەنتىن دامىتۋ كەرەك. سەبەبى، وتاندىق كاسىپكەرلەردىڭ، كاسىپورىنداردىڭ ٴبىر كەمشىلىگى ولارعا مەنەدجمەنت جەتىسپەيدى. ال حالىقارالىق دەڭگەيدە قويىلاتىن تالاپ جوعارى. سوندىقتان ەڭ ٴبىرىنشى ماسەلە ول كومپانيانىڭ مەنەدجمەنتىن دامىتۋ قاجەت. ەكىنشى ماسەلە حالىقارالىق كونكۋرستار ارقىلى تانىمال بولۋ شارت. ويتكەنى، رەسپۋبليكالىق دەڭگەيدە وتاندىق تاۋارلار تانىمال بولعانىمەن، حالىقارالىق دەڭگەيدە ٴبىزدىڭ كوپ تاۋارلاردى ەشكىم بىلمەيدى. ال ساپا جانە تاعى باسقا تالاپتار بويىنشا ٴبىزدىڭ تاۋارلارىمىزدىڭ كەمشىلىگى جوق. ٴار كومپانيا ٴوز بيزنەسىن تۇراقتى جۇرگىزەتىن بولسا، وندا ٴبىزدىڭ ەكونوميكامىزدا تۇراقتى بولادى»، - دەدى ول.

ٴسوز سوڭىندا ساراپشى قازاقستاندىق كاسىپكەرلەرگە ٴوز كەڭەسىن بەردى.

«ٴبىز ۇلكەن نارىققا شىعۋىمىز كەرەك. مىسالى، بىزدە كەيبىر كاسىپورىندار ٴوز تاۋارلارىن ەلىمىزدە شىعارۋدى عانا ويلايدى. نەمەسە ولار ٴوز جەتكەن جەتىستىكتەرىن قاناعات تۇتادى. ول دۇرىس ەمەس. وتاندىق تاۋارلاردى الىڭدار دەۋ از. مەن شەتەلدەن كەلگەن تاۋاردىڭ ساپاسى جوعارى ٴارى ونىڭ باعاسى وتاندىق ونىمگە قاراعاندا ارزانداۋ بولسا، مەن ٴبارىبىر سول ٴونىمدى الامىن. جالپى نارىق قۇبىلمالى. سوندىقتان كاسىپكەرلەردە كۇن سايىن ٴبىلىمىن جەتىلدىرىپ وتىرۋى ٴتيىس. ٴبىزدىڭ كاسىپورىندار ٴبىر جەتىستىككە جەتسە، ٴبىز تۇرا بەرەمىز دەي ويلايدى. ولاي ەمەس. تۇتىنۋشىلاردىڭ تالاپتارى كۇن سايىن وزگەرىپ جاتىر. ال شەتەل تاۋارلارىنىڭ ساپاسى كۇن وتكەن سايىن جاقسارۋدا. وسىنى ەسكەرە كەلە، ٴبىز كوشتەن قالماي، ەڭبەكتەنۋىمىز كەرەك»، - دەپ تۇيىندەدى ٴسوزىن ازات ٴابدىراحمانوۆ.

فوتو: ابزال قاليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي