BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باۋىرجان بايبەك: ەڭبەك وتىلىمە سايكەس 600 مىڭ تەڭگە الامىن

كەلەسى اپتانىڭ سوڭىندا الماتى قالاسىنىڭ 1000 جىلدىعى اتاپ وتىلەدى. قالا اكىمى باۋىرجان بايبەك الاتاۋ باۋرايىنداعى الىپ شاھاردىڭ تۋعان كۇنىن تويلاۋعا شەتەلدەن جۇلدىزدار شاقىرمايتىنىن، وتاندىق ارتىستەر مەن انشىلەردىڭ قاتىسۋىمەن-اق وتەتىنىن ايتتى.

«وزدەرىڭىز بىلەتىندەي، يۋنەسكو شەشىمىمەن الماتى قالاسىنىڭ 1000 جىلدىعى حالىقارالىق كۇنتىزبەگە كىردى. سوندىقتان ٴبىزدىڭ ارحەولوگتار، تاريحشىلار وزدەرىنىڭ زەرتتەۋلەرى بويىنشا 10 جىلدان استام وسى جۇمىستى جۇرگىزدى. ٴار ٴتۇرلى حالىقارالىق سەمينارلار وتكىزىپ، وسىنى دالەلدەدى. بيىل قالا كۇنى قىركۇيەك ايىنىڭ ٴۇشىنشى جەكسەنبى ياعني 18 قىركۇيەكتە تويلانادى. سول كۇنى 12 مىڭدىق «الماتى ارەنا» اشىلادى. ۇلكەن گالاكونسەرت وتەدى. جالپى قالا قوناقتارى مەن تۇرعىندارىنا 1000 جىلدىق تاريحىمىزدى كورسەتەتىن قويىلىم ۇسىنىلادى. ودان بولەك، 3000 ادام سياتىن مۇز سارايى پايدالانۋعا بەرىلەدى. وعان «حالىق ارەنا» دەپ اتالاتىن بولادى. سەبەبى، تۇڭعىش رەت «حالىق بانكى» جاڭادان سالىنعان سارايعا قارجىلارىن تولەپ، وسى اتاۋدى ساتىپ الدى. بانك بۇل اتاۋعا 170 ميلليون تەڭگە تولەدى. ەكىنشى جىلعا 157 ميلليون تەڭگە بەرەدى. ال ٴۇش جىلدان كەيىن كەلىسىمشارتتى سوزاتىن بولسا، «حالىق ارەنا» اتاۋى قالادى. ەگەر كوبىرەك اقشا تولەيتىن وزگە كومپانيالار بولسا، وندا اتاۋىن اۋىستىرامىز»، – دەيدى باۋىرجان بايبەك.

ونىڭ ايتۋىنشا، قالا كۇنىن تويلاۋعا شەتەلدەن ەشكىم شاقىرىلمايدى. كەرسىنشە، وتاندىق ونەر يەلەرىنە قولداۋ كورسەتۋىمىز كەرەك دەپ سانايدى.

«شەتەلدەن ەشقانداي جۇلدىزدار كەلمەيدى. ٴبىزدىڭ ٴوز ونەرپازدارىمىز مىقتى. «گاككۋ» تەلەارناسىنان تالاي قازاقستاندىق جۇلدىزداردىڭ ونەرىن كورىپ ٴجۇرمىز. وپەرا مەن بالەت حالىقارالىق دەڭگەيگە كوتەرىلگەن. سوندىقتان ٴوزىمىزدىڭ ونەر يەلەرىن قولداۋىمىز قاجەت. ٴاربىر كونسەرتتە انشىلەردەن بولەك، رەجيسسەرلەر، پوستانوۆششيكتەر، مۋزىكانتتار، دەكوراسيا قويۋۋشىلار بولادى. ولار ٴوز اقشالارىن تاۋىپ، سالىقتارىن تولەيدى. قازاقتىڭ تويى كوپ بولسا، ەكونوميكامىز داميدى. ونىڭ ٴبارى شاعىن جانە ورتا بيزنەس. الماتى قالاسىنىڭ مەيرامحانالارى مەن كافەلەرى 50 ادامعا جۇمىس بەرەدى. حالىقتىڭ كوڭىلى كۇيى دۇرىس بولسا، ولار شاشتارازعا بارادى، مەيرامحاناعا بارادى. ونىڭ ٴبارى شاعىن جانە ورتا بيزنەستىڭ دامۋىنا اسەر ەتەدى. وسىعان دا جاعداي جاساۋىمىز كەرەك»، – دەيدى الماتى اكىمى.

ول سونداي-اق قانشا ايلىق الاتىنىن دا جايىپ سالدى.

«بۇل ەندى قۇپيا ەمەس. ايىنا 600 مىڭ تەڭگە شاماسىندا الامىن. ەڭبەك وتىلىنە قاراي جالاقىنى ۇكىمەت بەكىتەدى»، - دەيدى باۋىرجان بايبەك.

ايتا كەتەيىك، الماتى قالاسىنىڭ سالىنعانىنا 150 جىل ەمەس، ونىڭ تاريحىدان ارىدەن باستالاتىنىن وتاندىق عالىمدار دالەلدەپ شىققان بولاتىن. كەيبىر دەرەكتەردە الماتى قالاسىنىڭ قۇرىلۋىن ۆەرنىي قامالىنىڭ سالىنۋىمەن بايلانىستىرعان بولعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي