BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ا.تاڭاتاروۆ: ريوداعى كەلەڭسىزدىكتەن سوڭ كۇرەس فەدەراسياسى بارلىعىن جونگە كەلتىرەدى دەپ سەنەمىن

فوتو: topzhargan.kz

ەركىن كۇرەستەن لوندون وليمپياداسىنىڭ قولا جۇلدەگەرى، قازاقستان رەسپۋبليكاسىنىڭ ٴتورت دۇركىن چەمپيونى اقجۇرەك تاڭاتاروۆ ريو وليمپياداسىندا كۇرەستەن ونەر كورسەتكەن قازاقستان قۇراماسىنىڭ باپكەرلەرىنە قاتىستى پىكىرىن بىلدىرگەن. ول ٴوز ويىن ينستاگرامداعى پاراقشاسىندا جازدى - دەيدى baq.kz ٴتىلشىسى.

ول وليمپيادا بىتەتىن كۇنى پاراقشاسىندا ەلىمىزدە ەركىن كۇرەستىڭ مايتالماندارى از ەمەستىگىن جازعان.

«بۇگىن وليمپيادا ويىندارىنىڭ سوڭعى كۇنى. ٴبىراق ەركىن كۇرەستەن ٴبىزدىڭ پالۋاندارىمىز مەدالسىز قالدى. سوڭعى ٴۇمىت مامەد يبراگيمدە. ايتايىن دەگەنىم، بار جۇكتى پالۋاندارعا ارتپاي، باسشىلىقتان دا سۇراۋ الۋ كەرەك شىعار. ٴسوزدىڭ اشىعى، كۇرەس فەدەراسياسىنا تەمىرجولشىلاردى ەمەس، ناعىز كۇرەس مايتالماندارىن شاقىرتۋ كەرەك. ەلىمىز ناعىز ەركىن كۇرەس ماماندارىنان كەندە ەمەس. بايرامۋكوۆ يسلام اعامىزدىڭ ٴوزى ٴبىر توبە. باستىسى ۇلت، ەل جاناشىرى. ال قازىرگى باس باپكەرگە كەلەتىن بولساق، مىقتى بولسا نەگە ٴوزىنىڭ كاسىپقوي باپكەرلىگىن جاپونيادى، اقش-تا، لاتۆيادى، رەسەي فەدەراسياسىندا قالىڭ ەلگە دالەلدەمەگەن؟ سول كىسىنىڭ ارقاسىندا جەرگە قاراپ، ريو وليمپياداسىندا جۇلدەسىز قالعان ٴبىزدىڭ پالۋاندار بولعانى ما؟ ناتيجەسىز باپكەرگە قوماقتى قارجى تولەپ جۇلدەسىز قالعانشا، ازىن-اۋلاق اقشانى قاناعات تۇتىپ، وتانىمىزدىڭ داڭقى ٴۇشىن ەرەن ەڭبەك ەتكەن ٴوزىمىزدىڭ باپكەرلەرگە نەگە تابىستاماعان ەكەن وليمپيادا ويىندارىن؟ ريوداعى كەلەڭسىز جاعدايلاردان كەيىن كۇرەس فەدەراسياسى بارلىعىن جونگە كەلتىرەدى دەگەن سەنىمدەمىن»-دەگەن.

ال ٴدال سول كۇنى جاريالاعان كەلەسى ٴبىر جازباسىندا:

«قازاق پالۋاندارى ٴۇشىن وليمپيادا ويىندارىنىڭ ٴدال وسىلاي ناتيجەسىز، جۇلدەسىز وتەتىنىن ٴىشىم سەزگەن ەدى. مەدال تۇگىلى، قىزىقتى جان تۇرشىگەرلىك كۇرەس كورمەدىك بۇل جولى. ەركىن كۇرەستىڭ شىرقىن بۇزعانداي. قازاقستان قۇراماسىنىڭ باپكەرلەرىنە قاراساڭ قارنىڭ اشادى. فەدەراسيا مۇشەلەرى مەن باس باپكەر ەندى قالاي اقتالار ەكەن؟ بالكىم پالۋاندارىمىزدىڭ بولاشاعىنا بالتا شاپپاي، ٴوز لاۋازىمدارىن بىلىكتى ماماندارعا بەرەر. «وزگە ەلدە سۇلتان بولعانشا، ٴوز ەلىڭدە ۇلتان بول» دەمەكشى باس باپكەر ٴوز وتانىنا ورالعانى ٴجون شىعار. ارينە ەگەر ول جاق قۇشاق جايا قابىلداسا. جالپى، ەلىمىزدىڭ پالۋاندارىنا ەش قارسىلىعىم جوق. سول پالۋاندارعا جول سىلتەپ، جەڭىسكە جەتەلەي المايتىن باپكەرلەردەن نە پايدا؟» - دەيدى.

سونىمەن قاتار اقجۇرەك تاڭاتاروۆ بۇل اڭگىمەسى ارقىلى ەشكىمدى قارالاۋعا، نەمەسە ٴوزىنىڭ سايىسكەر ارىپتەستەرىن جامانداۋعا نەگىزدەپ جازباعانىن جەتكىزەدى.

"بىلە بىلگەن ادامعا، مەن بۇل پوستتى پالۋان دوستارىمدى عايباتتاۋ ٴۇشىن ەمەس، ٴومىرىن كۇرەسكە ارناعان، تاعدىرىن كۇرەسپەن بايلاعان دوستارىمنىڭ ەرەن ەڭبەگىن ەش قىلعان باس باپكەر مەن فەدەراسيا مۇشەلەرى جايىندا ٴسوز قوزعاعام. باس باپكەرىمىز بىلدەي ەكى دۇركىن وليمپيادا چەمپيونى، داڭقتى سپورتشى بولا تۇرا پالۋاندارىمىزعا دۇرىس تاكتيكا قويا بىلمەدى. شىندىقتى ايتقاننىڭ ايىبى جوق. ايتپايىن دەسەم پالۋاندارىمىز ٴۇشىن ٴىشىم كۇيىپ بارادى" - دەپتى قازاقستاننىڭ ٴتورت رەتكى چەمپيونى.

اقجۇرەكتىڭ ايتىپ وتىرعان باپكەرى - كۇرەستەن قازاقستان قۇراماسىنىڭ قازىرگى باس باپكەرى، كەزىندە ەكى مارتە وليمپيادا چەمپيونى، التى دۇركىن الەم چەمپيونى اتانعان، كسرو-نىڭ ەڭبەك سىڭىرگەن سپورت شەبەرى سەرگەي بەلوگلازوۆ بولاتىن. ريوداعى بوز كىلەمدە بەلوگلازوۆتىڭ جىگىتتەرى بەدەلدەسكەندەرىنىڭ بارلىعىنان جىعىلىپ قالعان بولاتىن. ەل ٴۇمىتىن اقتاي الماعان قۇراماعا تاڭاتاروۆتىڭ كوڭىلى تولمايتىن دا ٴجونى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي