BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

100 جاڭا ەسىم: پاۆلودارلىق حيرۋرگ 500 نارەستەنىڭ ومىرىنە اراشا بولدى ەكسكليۋزيۆ

فوتو: Ақмаржан Әділбек

سانالى عۇمىرىن دارىگەرلىككە ارناۋدى مۇرات ەتكەن پاۆلودارلىق ەرلان رامازانوۆ - ەلىمىزدىڭ ۇزدىك بالالار حيرۋرگى. كاسىبي مامان «قازاقستاننىڭ 100 جاڭا ەسىمى» جوباسىنىڭ جەڭىمپازى اتانىپ، مىڭداعان اتا-انانىڭ شىنايى العىسىنا يە بولعان. ارىپتەستەرى مەن پاسيەنتتەرى «دوكتور رامازانوۆ» دەپ قۇرمەت تۇتاتىن ازاماتپەن baq.kz اگەنتتىگىنىڭ ايماقتاعى ٴتىلشىسى جۇزدەستى.

دارىگەر رامازانوۆ نارەستەلەردىڭ تۋا بىتكەن اقاۋلارىن ەمدەۋ باعىتىن تاڭداپ، سالادا 15 جىل ەڭبەك ەتىپ كەلەدى. وسى ۋاقىت ارالىعىندا مىڭداعان ۇل-قىزعا وپەراسيا جاساپ، اياققا تۇرۋىنا اتسالىستى. نارەستەلەردى حيرۋرگيالىق جولمەن ەمدەۋگە ماماندانعان ول 500 شارانانىڭ ومىرىنە اراشا بولدى.

«ناعىز حيرۋرگ جاساعان وتالارىن ەسەپتەمەيدى. ٴبىز كۇن-تۇن دەمەي كەز كەلگەن ۋاقىتتا كەڭەس بەرۋ بىلاي تۇرسىن، وپەراسيا جاساۋعا دايىن بولۋىمىز كەرەك. مەن ٴبىر جاسقا تولماعان بالالاردى جاقسى كورەمىن. نەوناتالدىق حيرۋرگيانى تاڭداعانىم سوندىقتان. سابيلەردى ساۋىقتىرۋ – ومىردەگى باستى ماقساتىم. ەلىمىزدىڭ الەۋمەتتىك-ەكونمويكالىق جاعدايى جاقسارعان كەزەڭدە مەديسينا سالاسى دا وركەندەدى. يننوۆاسيالىق تەحنولوگيالاردى مەڭگەرىپ، الەمدەگى ۇزدىك ماماندارمەن تاجىريبە الماستىق. ماسەلەن، 2000 جىلداردىڭ باسىندا جاڭا تۋعان بالالاردىڭ اراسىنداعى ٴولىم-جىتىم كوپ بولسا، بۇگىنگى تاڭدا تۋا بىتكەن اقاۋى بار سابيلەردىڭ 90%-نىڭ ٴومىرىن ساقتاۋعا مۇمكىندىك بار»، - دەيدى ەرلان امانگەلدى ۇلى.

ەرلان رامازانوۆ سەمەي مەديسينالىق اكادەمياسىنىڭ پەدياتريالىق فاكۋلتەتىن ٴتامامداعان. كەيىن پاۆلودار وبلىستىق بالالار اۋرۋحاناسىندا ينتەرناتۋرادان ٴوتىپ، حيرۋرگ بولىپ جۇمىسقا قابىلدانعان. ەڭبەك جولىن قاتارداعى دارىگەر-ينتەرننەن باستاعان ازامات بۇگىندە تۇتاس بولىمشەگە جەتەكشىلىك ەتەدى.

اق حالاتتى ابزال جاننىڭ جاڭا تۋعان بالالار حيرۋرگياسىنىڭ دامۋىنا قوسقان ۇلەسى ٴبىر توبە. مامان وتاندىق نەاناتولوگيالىق حيرۋرگيانىڭ دامۋ كەزەڭىندە باستادى. سوندىقتان، موينىنا جۇكتەلگەن جاۋاپكەرشىلىكتى ٴتۇسىندى. تۋا بىتكەن دارىندىلىعى مەن ەڭبەكقورلىعىنىڭ ارقاسىندا دارىگەر قازاقستاننىڭ ۇزدىك نەاناتولوگ-حيرۋرگى مارتەبەسىنە يە بولدى.

«سانالى عۇمىرىم وسى اۋرۋحانانىڭ قابىرعاسىندا ٴوتىپ جاتىر. ەش وكىنبەيمىن. وتادان سوڭ دەنى ساۋ بالانىڭ جارقىن كۇلىكىسىن ەستىپ، اتا-اناسىنىڭ العىسىن العاندا، دارىگەرلىكتى نەلىكتەن تاڭداعانىمدى تۇسىنەمىن. دارىگەر رەتىندە بالالاردىڭ اۋىرماعانىن قالايمىن، ارينە. مەديسينادا بالالاردىڭ اۋىر سىرقاتتارىن ەمدەۋدىڭ جولدارى تابىلسا دەيمىن. ازامات رەتىندە وتانىمىزدىڭ تىنىشتىعىن، كەز كەلگەن سالانىڭ قارىشتاپ دامۋىن ارماندايمىن»، - دەيدى دارىگەر.

دارىگەر رامازانوۆ - ەرتىس وڭىرىندەگى بالالار حيرۋرگياسىنىڭ نەگىزىن قالاعان كاسىبي مامانداردىڭ ٴبىرى. وبلىستىق بالالار اۋرۋحاناسىنىڭ باس دارىگەرى ارداق كۇزەكوۆتىڭ ايتۋىنشا، ەمدەۋ مەكەمەسى ەرلان رامازانوۆ باستاعان دارىگەرلەردىڭ ارقاسىندا ۇزدىك ناتيجەلەرگە قول جەتكىزدى.

«ەرلان رامازانوۆ قاتارىمىزعا 2004 جىلى قوسىلدى. سول ساتتە جاس مامانداردى ەڭبەككە تارتتىق. نەوناتالدىق حيرۋرگيانىڭ دامي باستاعان كەزىندە ٴوز الدىنا قويعان ماقساتتاردى ورىندادى. سول جىلدارى ەرتىس ٴوڭىرى بالالاردىڭ تۋا بىتكەن اقاۋلارى بويىنشا كوشباسشى وبلىستاردىڭ قاتارىندا ەدى. جاڭا تەحنولوگيالار مەن زاماناۋي قۇرالدارى بولماعاندىقتان، وتا جاسالعان بالالار اراسىنداعى ٴولىم ٴجىتىم 90%-عا دەيىن جەتەتىن. سوندىقتان، ەلىمىزدە بالالار حيرۋرگياسى بولىمشەلەرى اشىلا باستادى. ٴبىز بىلىكتى مامانداردى شاقىرتىپ، دارىگەرلەرىمىزدى وقىتتىق. وسىلايشا، سالانىڭ دامۋىنا ۇلەس قوستىق. بۇگىنگى جەتىستىكتەرىمىز ۇشان-تەڭىز»، - دەيدى ارداق كۇزەكوۆ.

وسىدان 14 جىل بۇرىن ەرلان رامازانوۆ بۇگىندە ٴبىر بولىمشەگە جەتەكشىلىك ەتە الاتىنىن ويلاماعان. ەڭبەكقورلىعى مەن دارىندىلىعىنىڭ ارقاسىندا بۇل ماقسات تا ورىندالدى.

ٴقازىر وبلىستىق بالالار اۋرۋحاناسىندا 100-گە جۋىق بىلىكتى دارىگەر مەن 300-دەن استام مەدبيكە قىزمەت ەتەدى. ولاردىڭ قاتارى سوڭعى ٴۇش جىلدىڭ ىشىندە 20-عا جۋىق جاس مامانمەن تولىقتى. جاس مامانداردىڭ قاتارىندا دارىگەر رامازانوۆتىڭ شاكىرتتەرى دە جەتەرلىك.

بۇگىندە رامازانوۆ - ارىپتەستەرى اراسىندا سىيلى، ۇلگى بولارلىق ازامات. شاڭىراعىندا ٴۇش بالانىڭ اكەسى اتانعان باقىتتى جان.

فوتو: اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
30 جەلتوقسان 2018, 18:34
500 مىڭ تەڭگە ايلىق تىلەيمىن!
كوممەنتاريي