BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار وبلىسىندا «سەرپىن-2050» باعدارلاماسى اياسىندا 1677 ستۋدەنت ٴبىلىم الۋدا

فوتو: pavlodarnews.kz

استانا، baq.kz. جاستار باستامالارىن دامىتۋ ورتالىعىندا «ماڭگىلىك ەل جاستارى – يندۋسترياعا» مەملەكەتتىك «سەرپىن-2050» باعدارلاماسى اياسىندا ٴبىلىم الىپ جاتقان ستۋدەنتتەرمەن كەزدەسۋ ٴوتتى. بۇل تۋرالى pavlodarnews.kz سايتى حابارلايدى.

شاراعا وبلىس اكىمىنىڭ ورىنباسارى مەيرام بەگەنتايەۆ پەن مەملەكەتتىك قۇرىلىمداردىڭ وكىلدەرى قاتىستى. پىكىرالماسۋ الاڭىندا جاستاردى جۇمىسقا ورنالاستىرۋ، جۇمىسپەن قامتۋ، مەملەكەت تاراپىنان كورسەتىلەتىن قولداۋ تۇرلەرى تۋرالى ٴسوز قوزعالدى. وبلىستىق ٴبىلىم بەرۋ باسقارماسى تەحنيكالىق جانە كاسىپتىك ٴبىلىم بەرۋ ٴبولىمى باسشىسىنىڭ مىندەتىن اتقارۋشى الما ايتۋاروۆانىڭ ايتۋىنشا، بۇگىنگى تاڭدا وڭىردە اتالمىش باعدارلاما بويىنشا 1677 ستۋدەنت ٴبىلىم الادى.

بيىل وقۋىن اياقتايتىن 539 جاستىڭ ٴ413-ى جوعارى وقۋ ورىندارىنىڭ، 126-سى كوللەدجدەردىڭ ستۋدەنتتەرى. پەداگوگيكالىق ماماندىق بويىنشا 146 ادام، تەحنيكالىق باعىتتا 393 ادام جاس مامان قاتارىنا قوسىلادى. ولاردىڭ بارلىعى وقۋ ورنى جانىنداعى جاتاقحانادا تۇرادى. ستۋدەنتتەردى دايارلاۋ ەڭبەك نارىعىندا سۇرانىسقا يە تەحنيك-ەلەكتريك، تەحنيك-باعدارلامالاۋشى، مال دارىگەرى سياقتى ماماندىقتار بويىنشا جۇزەگە اسىرىلادى.

«بىلتىرعى جىلى سەرپكىندىكتەردىڭ العاشقى لەگى قولدارىنا ديپلومدارىن الدى. ونىڭ ىشىندە 67 ادامنىڭ ٴ14-ى وبلىستا قالدى. بيىل وقۋ ورنىن اياقتاعان 174 ستۋدەنتتىڭ 86-سى جۇمىسقا ورنالاستى، ٴ35-ى جوعارى وقۋ ورىنداردا ٴبىلىمىن جالعاستىردى. 36 ادام ٴتۇرلى سەبەپتەرمەن ٴوز وڭىرلەرىنە قايتىپ ورالدى»، - دەيدى الما ايتۋاروۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي