BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

« ۇلى دالانىڭ جەتى قىرى» تۇركيادا تالقىلاندى

استانا، baq.kz. ەلباسىنىڭ «بولاشاققا باعدار: رۋحاني جاڭعىرۋ» ماقالاسى سياقتى « ۇلى دالانىڭ جەتى قىرى دا» ەل ىشىندە عانا ەمەس شەت ەلدەردە دە قىزۋ تالقىلانۋدا.

«قازاقستاننىڭ 100 جاڭا ەسىمى» جوباسىنىڭ جەڭىمپازى، ٴبىلىم بەرۋ سالاسىنىڭ ۇزدىگى، دوكتورانت، عالىم قۋانىش جۇمابەك 2018 جىلدىڭ 18 جەلتوقسانىندا تۇركيا رەسپۋبليكاسى ومەر حاليسدەمير ۋنيۆەرسيتەتىندە ەلباسىنىڭ « ۇلى دالانىڭ جەتى قىرى» ماقالاسىنا ارنالعان باسقوسۋ ۇيىمداستىرىپ، اتالمىش ماقالاعا قاتىستى تۇرىك تىلىندە بايانداما جاسادى.

قۋانىش ٴوز سوزىندە مەڭزەرى الىس، تەرەڭ مازمۇندى ماقالادا كورسەتىلگەن ناقتى جوبالار مەن ۇلى دالانىڭ جەتى قىرىنا كەڭىنەن توقتالدى. ٴتول تاريحىمىزدىڭ الەمدىك وركەنيەتتەگى ورنى مەن ۇلەسىن كورسەتۋدىڭ جانە ۇلتتىق مۇرالارىمىز بەن مادەنيەتىمىزدى جاڭا قىرىنان ۇلىقتاۋدىڭ ماڭىزدى كەزەڭى باستالعانىن اتاپ ٴوتتى. نييدە قالاسى اكىمى رىفات وزكان مەن 200-گە جۋىق ستۋدەنتتەر، وقىتۋشىلار قاتىسقان ٴىس-شارانىڭ مودەراتورى اتالمىش ۋنيۆەرسيتەتتىڭ قازىرگى تۇركى تىلدەرى مەن ادەبيەتتەرى ٴبولىمىنىڭ باسشىسى، ف.ع.د.، پروفەسسور حيكمەت كوراش بولسا، انكارا حادجى بايرام ۆەلي ۋنيۆەرسيتەتى جانە قازمەم-قىزپۋ-دىڭ دوكتورانتتارى تۋرگاي دۇيەن مەن نۇرگۇل قاليەۆا قازاقستاننىڭ تاۋەلسىزدىگى جايلى ٴسوز سويلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي