BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سولتۇستىككە قونىس اۋدارعان 3000 وتباسى باسپانامەن قامتاماسىز ەتىلەدى

استانا، baq.kz ٴتىلشىسى. بۇگىن بەيسەنبىدە وتكەن ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا جۇمىس كۇشى جەتىسپەيتىن وڭىرلەرگە قونىس اۋدارعان ادامداردى تۇرعىن ۇيمەن قامتاماسىز ەتۋگە بيۋدجەتتەن 2019-2021 جىلدارى 15 ميلليارد تەڭگە ٴبولۋ كوزدەلگەنىن ايتتى.

«ەڭبەك رەسۋرستارىنىڭ ۇتقىرلىعىن ارتتىرۋ شەڭبەرىندە جۇمىس كۇشى كوپ وڭتۇستىك وڭىرلەردەن 1 488 وتباسى نەمەسە 4 925 ادام قونىس اۋداردى. ونىڭ ىشىندە ەڭبەككە قابىلەتتى جاستاعى 2،5 مىڭ ادام قاتارىنان 1،5 مىڭعا جۋىق ادام نەمەسە 56%-ى جۇمىسقا ورنالاستىرىلدى، 87 ادام كاسىپكەرلىكپەن اينالىسۋدا. جۇمىس كۇشى جەتىسپەيتىن وڭىرلەرگە قونىستانۋ كەزىندە قونىس اۋدارعان ادامداردى تۇرعىن ۇيمەن قامتاماسىز ەتۋ ماڭىزدى فاكتور بولىپ وتىر. ول ٴۇشىن مەملەكەت باسشىسىنىڭ تاپسىرماسى بويىنشا مەملەكەتتىك باعدارلامادا جۇمىس بەرۋشىلەردىڭ قاتىسۋىمەن قونىس اۋدارۋشىلارعا تۇرعىن ٴۇي سالۋ جانە ساتىپ الۋ مەحانيزمى كوزدەلگەن. بۇل ٴتاسىل الدىمەن سولتۇستىك قازاقستان وبلىسىندا اپروباسيادان وتكىزىلىپ، كەيىن باسقا وڭىرلەردە قولدانىلادى»، - دەدى ول.

ول وسى ماقساتتا بيۋدجەتتەن 2019-2021 جىلدارى 15 ميلليارد تەڭگە قاراجات كوزدەلگەنىن، ناتيجەسىندە وبلىستا الداعى ٴۇش جىلدا ٴۇش مىڭعا جۋىق قونىس اۋدارۋشى وتباسىن تۇرعىن ۇيمەن قامتاماسىز ەتۋ جوسپارلانىپ وتىرعانىن اتاپ ٴوتتى.

«مەملەكەتتىك باعدارلامادا مەملەكەتتىك باعدارلامالار، ينۆەستيسيالىق جانە شاعىن جانە ورتا بيزنەس جوبالارى شەڭبەرىندە جۇمىس ورىندارىن قۇرۋعا مونيتورينگ جۇرگىزۋ بويىنشا مەملەكەتتىك ورگانداردىڭ ۇيلەستىرۋ فۋنكسياسىن كۇشەيتۋ كوزدەلەدى. ول ٴۇشىن جوبالىق باسقارۋ قۇرالدارى ارقىلى وڭىرلەر مەن ەكونوميكا سالالارى بويىنشا قۇرىلاتىن جۇمىس ورىندارىنىڭ ينتەگراسيالانعان كارتاسى ازىرلەنەدى. بۇدان باسقا، اعىمداعى جاعدايدى ەسكەرە وتىرىپ باعدارلامادا جوسپارلى كورسەتكىشتەردى قايتا قاراۋ كوزدەلگەن، سونداي-اق جەكەلەگەن باعىتتار جاڭا قۇرالدارمەن جانە كورسەتكىشتەرمەن تولىقتىرىلدى.

مينيستر مەملەكەتتىك باعدارلامانى ىسكە اسىرۋ ٴۇشىن ونىڭ وپەراتورلارىنا ٴبىرقاتار نورماتيۆتىك قۇقىقتىق اكتىلەردى ازىرلەۋ قاجەت ەكەنىن ايتتى.

«قۇرمەتتى باقىتجان ٴابدىر ۇلى، مەملەكەتتىك باعدارلاماعا ەنگىزىلەتىن جاڭا تەتىكتەر مەن وزگەرىستەردى ماقۇلداۋدى جانە ونىڭ ٴىس-شارالارىن جىل سوڭىنا دەيىن ٴتيىمدى ىسكە اسىرۋ ٴۇشىن ٴبىلىم جانە عىلىم، ۇلتتىق ەكونوميكا، اۋىل شارۋاشىلىعى مينيسترلىكتەرىنە ٴۇش كۇندىك مەرزىمدە قاجەتتى نورماتيۆتىك قۇقىقتىق اكتىلەردى ازىرلەۋدى تاپسىرۋدى سۇرايمىن»، - دەپ ٴسوزىن تۇيىندەدى ول.

ايتا كەتسەك، «ەڭبەك» مەملەكەتتىك باعدارلاماسىنىڭ ٴۇشىنشى باعىتى اياسىندا قازانداعى جاعداي بويىنشا 128 مىڭ ادام نەمەسە جوسپاردىڭ 136%-ى سۋبسيديالاناتىن جۇمىس ورىندارىنا، ونىڭ ىشىندە 22 مىڭ ادام الەۋمەتتىك جۇمىس ورىندارىنا ورنالاستىرىلدى. 26 مىڭ ادام جاستار پراكتيكاسىنا جانە 80 مىڭ ادام قوعامدىق جۇمىستارعا جىبەرىلدى. ەلەكتروندىق ەڭبەك بيرجاسى ارقىلى 336 مىڭعا جۋىق ادام تۇراقتى جۇمىس ورىندارىنا ورنالاستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي