BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇلتىكسىز ورىنداۋ قاجەت

12 قازاندا اۋداندىق اكىمدىكتىڭ كەڭەيتىلگەن اپپارات كەڭەسىندە وبلىس اكىمىنىڭ كاتونقاراعاي اۋدانىنا قاتىستى حاتتامالىق شەشىمىنىڭ ورىندالۋى تۋرالى ماسەلە قارالدى. 2015 جىلدىڭ 19 مامىرىندا قالالار مەن اۋداندار اكىمدەرىنىڭ قاتىسۋىمەن وتكەن كەڭەستىڭ قورىتىندىسى بويىنشا ايماق باسشىسى بەرگەن تاپسىرمالاردىڭ ورىندالۋى تۋرالى اۋدان اكىمىنىڭ ورىنباسارى جانبولات تىنىبەكوۆ باياندادى. قۇجات بويىنشا اۋدان اكىمى ق. بايعونۇسوۆ مەردىگەر ۇيىمدارمەن بىرلەسىپ، ۇلكەن نارىندا سالىنىپ جاتقان 500 ورىندىق ورتا مەكتەپ، التىنبەل اۋىلىنداعى دارىگەرلىك امبۋلاتوريا، ۇلكەن نارىندا 160 كورەرمەندەر ورىندارى بولاتىن دەنە شىنىقتىرۋ-ساۋىقتاندىرۋ كەشەنى عيماراتتارىنىڭ جانە ورەل اۋىلىنداعى سۋ قۇبىرلارى مەن قوندىرعىلاردىڭ پايدالانۋعا بەرىلۋىن قاداعالاۋى ٴتيىس بولعان. ق. داميتوۆ مەكتەبىن پايدالانۋعا بەرۋ جونىندە بايانداماشى جۇمىس كوميسسياسىنىڭ وتىرىسى وتكەندىگىن جانە 20 قازانعا دەيىن نىساننىڭ تاپسىرىلاتىندىعىن ايتتى. قاراشا ايىنا دەيىن ورەل اۋىلىنداعى نىساندى وزگەرتۋ جۇمىستارى اياقتالادى، جۇمىس كوميسسياسى مۇنى قازان ايىنىڭ سوڭىنا دەيىن قارايتىن بولادى. ورتالىق قازاندىق پەن جىلۋ تراسساسى بويىنشا ۇلكەن نارىندا ىسكە قوسۋ – جوندەۋ جۇمىستارى جۇرگىزىلۋدە، جىلۋ تۇتىنۋشى نىسانداردى قوسۋ جۇمىستارى اياقتالۋعا جاقىن. «ەلحون» ٴجشس-ى جىلۋ جۇيەسىن جىلۋ بەرۋ ماۋسىمى باستالعانعا دەيىن ىسكە قوسۋعا ۋادە بەرىپ وتىر. اۋدان اكىمى قاليقان بايعونۇسوۆ قول استىنداعى قىزمەتكەرلەردەن اتالمىش نىسانداردىڭ تاپسىرىلۋىنا بارىنشا كۇش سالىپ، نىسانداردىڭ اۋماعىن رەتكە كەلتىرۋ بويىنشا جەدەل شارالار قابىلداۋدى تالاپ ەتتى. اسىرەسە، اۋدان ورتالىعى ۇلكەن نارىندا سالىنىپ جاتقان ورتالىق قازاندىق پەن جىلۋ تراسساسىن ىسكە قوسۋعا ەرەكشە نازار اۋداردى. -15 قازاندا تۇرعىندار جىلۋمەن قامتاماسىز ەتىلۋى ٴتيىس،- دەدى ول. –بۇل ٴۇشىن جاۋاپتى تۇلعالار جەكەلەي جاۋاپكەرشىلىككە تارتىلاتىن بولادى. جاڭا قازاندىقتى، نەمەسە ەسكى قازاندىقتاردى قوساسىزدار ما، ايتەۋىر، ۇيلەر مەن مەكەمەلەردە ٴ15-شى قازاندا جىلۋ بولۋى ٴتيىس! جىلۋدىڭ ۋاقتىلى بەرىلمەگەنى ٴۇشىن قاتاڭ جاۋاپكەرشىلىككە تارتىلاسىزدار. كىنالىلەردى انىقتايمىز. سونداي-اق، ول تكش بولىمىنە ورەل اۋىلىنداعى سۋ قۇبىرلارى مەن قوندىرعىلارىن بالانسقا بەرۋ ماسەلەسىن شەشۋدى تاپسىردى. سونىمەن قاتار، ەڭبەك اۋىلىندا دا سۋمەن قامتاماسىز ەتۋ جۇيەسىن ىسكە قوسۋ جۇمىستارىن اياقتاۋ قاجەت. قاليقان بايعوزى ۇلى قۇزىرلى مامانداردى اۋىلشارۋاشىلىعى مەن كاسىپكەرلىكتى دامى- تۋ بويىنشا مەملەكەتتىك باعدارلامالاردى جۇزەگە اسىرۋ اياسىندا بەرىلگەن نەسيەلەر بويىنشا قارىزداردى جويۋ ماسەلەسىن قاراستىرۋدى، سالىقتاردى تولىق جيناۋدى ۇيىمداستىرۋعا شاقىردى. اۋدان اكىمى بيۋدجەتتىك سالا نىساندارىنىڭ جىلۋ بەرۋ ماۋسىمىنا دايارلىعىن ەگجەي- تەگجەيلى تەكسەرۋدى، قىسقا مەرزىمدە كۇنباعىس ورۋ جۇمىستارىن اياقتاۋدى تاپسىردى. وبلىس اكىمىنىڭ 2015 جىلدىڭ 23 قىركۇيەگىندە وبلىستىق اكىمدىكتىڭ وتىرىسىن- دا ەلدىمەكەندەردى كوركەيتۋ تۋرالى بەرىلگەن حاتتامالىق شەشىمىن ورىنداۋ جونىندە كۇن تارتىبىندەگى ەكىنشى ماسەلە بويىنشا ۇلكەن نارىن اۋىلدىق وكرۋگىنىڭ اكىمى ابايحان احمەتوۆ باياندادى. اۋدان اكىمى ق. بايعونۇسوۆ ا.احمەتوۆقا ساۋلەت، قالا قۇرىلىسى جانە قۇرىلىس بولىمىمەن (ب. مولدابايەۆ) بىرلەسە وتىرىپ، اۋدان مۇمكىندىگى مەن تۇرعىندار ٴوتىنىشىن ەسكەرە وتىرىپ، اۋدان ورتالىعىن كوركەيتۋ بويىن- شا جاسالعان ۇسىنىستاردىڭ اربىرەۋىن ساراپتاۋدى تاپسىردى. وسى ساراپتاما بويىنشا قانشا قارجى قاجەت ەكەندىگى انىقتالاتىن بولادى. اۋدان اكىمى اكتيۆكە اۋداندىق ٴبىلىم بەرۋ، دەنە شىنىقتىرۋ جانە سپورت ٴبولىمىنىڭ جاڭا باسشىسىن تانىستىردى. بۇل لاۋازىمعا وسى ۋاقىتقا دەيىن اقسۋ ورتا مەكتەبى ديرەكتورىنىڭ قىزمەتىن اتقارعان كوشەنوۆا عاليا پوبەداقىزى تاعايىندالدى. كەڭەيتىلگەن وتىرىس سوڭىندا ق. بايعونۇسوۆ ىشكى ساياسات، مادەنيەت جانە تىلدەردى دامىتۋ ٴبولىمىنىڭ باسشىسى ق. ٴسادۋوۆقا ٴبولىم ۇجىمىنىڭ ازاماتتىق قوعامدى دامىتۋ جانە شارالاردى ۇيىمداستىرىپ، وتكىزۋگە ىقپال ەتكەندىگى ٴۇشىن جىبەرىلگەن «شقو ازاماتتىق اليانس» زاڭدى تۇلعالار بىرلەستىگىنىڭ العىس حاتىن تابىس ەتتى.

شاميل باگاۋتدينوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي