BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوك قاعاز ٴالى دە كوتەرىلەدى

بىرنەشە كۇن ىشىندە ەۋرو قۇنى 1 تەڭگەگە تومەندەدى. بۇل – ۆاليۋتالىق ٴدالىزدىڭ كەڭەيۋىنە بايلانىستى وزگەرىپتى. بۇگىندە ەۋروپالىق ۆاليۋتا باعامى 207 تەڭگە 95 تيىندى قۇراۋدا، دەپ حابارلايدى «الماتى» تەلەارناسى. ال رەسەي ٴرۋبلى بولسا 3 تيىنعا ارزانداپ، ٴقازىر ونىڭ ورتاشا سارالانعان باعامى – 3 تەڭگە 76 تيىندى قۇرادى. الايدا، اقش دوللارى ەش وزگەرىسسىز – 187 تەڭگە 5 تيىندى ساقتاپ تۇر. ساراپشىلاردىڭ بولجامىنشا، جارتى جىلدا كوك قاعاز باعامى 210 تەڭگەگە دەيىن كوتەرىلەدى. «ەكونوميكالىق جۇيە ازىرگە كۇرت دەۆالۆاسياعا جول بەرمەيدى. ياعني دوللار بىردەن 198-گە كوتەرىلە المايدى. ۇلتتىق بانك ساياساتى بويىنشا، ولار امەريكاندىق ۆاليۋتا باعامىن اي سايىن كوتەرۋدى كوزدەپ وتىر»، – دەدى ەكونوميست ماقسات سەرالى. جۋىردا ۇلتتىق بانك تەڭگەنىڭ دوللارعا شاققانداعى ايىرباس باعامىنىڭ تەربەلىس ٴدالىزىن كەڭەيتكەن ەدى. بۇگىندە 1 اقش دوللارىنىڭ جوعارعى شەكتى باعاسى 198 تەڭگەگە ۇلعايتىلىپ وتىر. وسىعان دەيىن، ەلدە تەڭگەنىڭ دوللارعا شاققانداعى ايىرباس باعامىنىڭ اۋىتقۋ شەگى 170-188 تەڭگە بولعان. باس بانكيردىڭ سوزىنشە، بۇل قادام ينفلياسيانى باقىلاۋدا ۇستاۋ ٴۇشىن جاسالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي