BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ناشاقورلىققا قارسى فەستيۆال ۇيىمداستىرىلدى

«26 ماۋسىم – حالىقارالىق ناشاقورلىققا قارسى كۇرەس كۇنى» اياسىندا قىزىلوردا وبلىسى ىشكى ىستەر دەپارتامەنتى ەسىرتكى بيزنەسىنە قارسى كۇرەس باسقارماسىنىڭ ۇيىمداستىرۋىمەن ورتالىق الاڭدا ناشاقورلىققا قارسى فەستيۆال ۇيىمداستىرىلدى. فەستيۆال بارىسىندا ميتينگ وتكىزىلىپ، جىل كولەمىندە ەسىرتكى ماسەلەسىن كوتەرىپ، ۇزدىك اقپاراتتاندىرۋ شاراسىن جۇرگىزگەن باق، قوعامدىق ۇيىم وكىلدەرى دەپارتامەنت تاراپىنان العىس حاتتارمەن ماراپاتتالىپ، ەستەلىك سىيلىقتارعا يە بولدى. شارا بارىسىندا كونسەرتتىك باعدارلاما ۇيىمداستىرىلىپ، تەاترلاندىرىلعان قويىلىمدار، ٴان مەن بي كورەرمەن نازارىنا ۇسىنىلدى. اتالمىش اكسياعا قازاقستان ەسترادا جۇلدىزى سەرىك يبراگيموۆ شاقىرىلدى. ٴانشى ٴوزىنىڭ ونەرىن كورسەتىپ، بۇقارا قاۋىمدى ناشاقورلىقپەن ۇيىمداسقان تۇردە كۇرەسۋگە شاقىردى. كەشەندى ٴىس-شاراعا قاتىسۋشىلارعا ۇگىت-ناسيحات ونىمدەرى، مەرەكەگە كەلگەن بالالارعا ويىنشىقتار تاراتىلدى. قىزىلوردا ٴوىىد ەبقكب تاراپىنان شىعارتىلعان پوليگرافيالىق ۇگىت- ناسيحات ونىمدەرى (پلاكاتتار مەن ۇگىت پاراقتارى) قالا، اۋداندارعا تاراتىلىپ، ولار حالىقتىڭ كوپ شوعىرلاناتىن جەرلەرىنە ٴىلىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي