BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سايات اتىنىڭ سىرى

• سىرتىنان قاراعاندا ٴبىتىم-تۇلعاسى زور، قىرىنان قاراعاندا تۇرىسى بۇكىرلەۋ بولادى. • قابىرعاسىنىڭ قارا ەتتى قالىڭ ٴھام سۇيەگى جۋان بىتەدى. • بايلاۋلى تۇرعاندا ۇلى دەنەسىن الدىنا قاراي ۇمسىنا سوزادى. • جۇرگەندە ٴتورت اياعىن نىق ٴارى تەڭ تاستايدى، ۇستىنە ەر سالىپ بايقاعاندا تۇلابويى تەگىستەلىپ كورىنەدى. • ارتىق قيمىل جاسامايدى، ٴبىر ورىندا ۇنەمى شۇلعىپ تۇرادى. بۇل كەڭ مىنەزدىلىگىنىڭ بەلگىسى. • سايات اتىنىڭ باسى ٴسۇيىر بولعانى جاقسى، ويتكەنى، جەدەل شاپقاندا جەل جارىپ قوزعالىس جاساۋعا ىڭعايلى. • باسى ٴسۇيىر تۇمسىعى ۇشكىل جىلقى ٴيىسىن سەزگىش قابىلەتكە يە. بۇل سايات اتى ٴۇشىن تاپتىرمايتىن قاسيەت. اڭنىڭ قايدا جۇرگەنىن تەز سەزەدى • بۇلشىق ەتتەرى جەتىلگەن قاتتى بولسا تاۋ-تاسقا جۇرگەندە شالدىقپايدى. • بۋىندارى وتە مىقتى، ٴتورت تۇياعىنىڭ قىرى وتكىر، جون تەرىسى قالىڭ بولعانى جاقسى. ال، قولتىق-شاپ تەرىسى جۇقا بولعانى ابزال. بۇنداي جىلقىنىڭ تىنىستاۋ مۇمكىندىگى زور كەلەدى. تىنىسى كەڭ جىلقى ەركىن كوسىلەدى. • اياق تۇرقى ۇزىن، تۇمسىق ٴۇستى دوڭەس، جازىق ماڭدايلى، جايىن اۋىز، شوقتىعى ەتجەڭدى، جالى قالىڭ بولعانى ابزال. • جاي تۇرعاندا شوقتىعىن ساۋىرىنان بيىك ۇستايدى، مىنەزى جايلى بولىپ كەلەدى. • جۇرگەندە باسىن كوتەرىپ ۇستايدى، قاز مويىن، دەنەسى ٴتورتباق كەلەدى. • دەنە ٴبىتىمى كەسەك، كەۋدەلى، ساۋىرى شىعىڭقى، جۋان ٴسىڭىرلى بولادى. • قارا ەتتى، ٴتورت سيراعى ۇزىن، يىقتى، ومىراۋلى، ەكى بۇتى الشى، اياعىنىڭ ارالارى الشاق بىتەدى. • الىسقا كوز تاستاپ ٴوزىن سەرگەك ۇستايدى، قۇلاق تۇپتەرى جاقىن ورنالاسقان، مىنەزى جايلى، ۇيىرسەك. • اتىڭ ٴتۇسىن جەردىڭ جاعدايىنا بايلانىستى ٴارتۇرلى تاڭدايدى. كوبىنەسە باران نەمەسە دالا تۇستەس قۇلا جىلقى قولايلى دەپ ەسەپتەلەدى. • كەيبىر سالتاناتتى وقيعالار بولماسا ناعىز سالبۋرىن-ساياتقا جورعا مىنبەيدى. • ٴجۇرىسى قاتتى ات قىران قۇستى مەزى ەتەتىندىكتەن جارامسىز سانالادى. • سايات اتىنىڭ ٴجۇرىسى جايلى، اياڭشىل، جۇردەك، شاپقاندا ۇشقىر، مىنىسكە كونبىس، ٴجۇرىسى شاپشاڭ بولۋى قاجەت.

بەكەن قايرات ۇلى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي