BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴبىلىمدى ۇرپاق – ۇلت بولاشاعى

وتكەن اپتادا وبلىسىمىز ٴۇشىن اۋقىمدى ىس-شاراسىمەن ەستە قالدى. ۇلاعاتتى ۇستازداردىڭ باسىن قوسقان تامىز كەڭەسى «ٴبىلىم بەرۋ مازمۇنىن جاڭارتۋ: بولاشاققا باعدارلانۋ» تاقىرىبىندا ٴوربىدى. القالى جيىنعا قر ٴبىلىم جانە عىلىم ٴمينيسترى ا.ٴسارىنجىپوۆ، ايماق باسشىسى ق.كوشەربايەۆ جانە وبلىستاعى بارشا ٴبىلىم سالاسىنىڭ قىزمەتكەرلەرى قاتىستى. سونىمەن قاتار، جيىنعا بارلىق اۋداندار تەلەكوپىر ارقىلى بايلانىسقا قوسىلدى. قاشاندا ۇستازدارىنا قۇرمەتى بولەك بىزدەر ٴۇشىن الاش ارىسى م.جۇمابايەۆتىڭ «التى الاشتىڭ بالاسى باس قوسسا، ٴقادىرلى ورىن – مۇعالىمدىكى» دەگەن ٴسوزى جادىمىزدان ەشقاشان شىققان ەمەس.

تاۋەلسىز ەلدىڭ تىرەگى ٴبىلىمدى ۇرپاق دەسەك، جاڭا ٴداۋىردىڭ كۇن تارتىبىندە تۇرعان نەگىزگى ماسەلەسىنىڭ ٴبىرى – ٴبىلىم بەرۋ جانە ونىڭ ساپاسى مەن مازمۇنىنىڭ ۇزدىكسىز جاڭارۋى ەكەنى داۋسىز. شىنىندا، قازىرگى كەزدە ٴبىلىم سالاسىنا قولداۋ وتە كوپ. وسى ورايدا، ٴبىلىم سالاسىنىڭ دامۋىنا بيۋدجەتتەن 66 ميلليارد تەڭگەدەن استام قارجى قارالعان بولاتىن. سونىڭ ارقاسىندا ايماقتا ٴۇش اۋىسىمدا ٴبىلىم بەرەتىن مەكتەپتەر سانى تولىق جۇمىسىن توقتاتتى. بۇل كۇندە ساپالى ٴبىلىمنىڭ مەملەكەت ٴۇشىن ەڭ قىمبات قازىنا ەكەندىگىنە ەشكىمنىڭ تالاسى جوق. سوندىقتان دا، ٴبىلىم سالاسىنىڭ دامۋى ٴۇشىن مۇعالىمدەر مەن وقۋشىلارعا بارىنشا جاعداي جاساۋ مەملەكەتتىڭ بورىشى. جيىن بارىسىندا، ايماق باسشىسى «ماعان اكىم رەتىندە اتقارعان جۇمىستاردىڭ ىشىندەگى ەرەكشەسىن ايتىڭىز دەسە، ويلانباستان ٴبىلىم سالاسىنداعى جەتىستىك دەر ەدىم. ويتكەنى، ٴبىلىم كۇردەلى جۇيە. قىراعى تۇردە قاداعالاۋ قاجەت. ٴبىز تاعى ٴبىر جوبانى قولعا الدىق. 22 ٴبىلىم وشاعىن يننوۆاسيالىق مەكتەپكە اينالدىرماقپىز. ياعني، نازاربايەۆ مەكتەبى ۇلگىسىندە جاراقتاندىرامىز. ۇستازداردى وقىتۋ كەرەك. وعان قىرۋار قارجى قاجەت. ٴبىراق بولاشاققا ينۆەستيسيا سالۋدان باس تارپايمىز»، - دەدى وبلىس اكىمى ق.كوشەربايەۆ. جانە دە، ايماق باسشىسى سىر ەلىن كورشى وبلىستارمەن سالىستىرىپ كوردى. بيىل قاراعاندى وبلىسىندا 2 مەكتەپ حالىق يگىلىگىنە بەرىلسە، بىزدە 19 ٴبىلىم وشاعىنىڭ قۇرىلىسى جاڭادان سالىنعاندىعىن ايتتى. سونىمەن قاتار، وبلىسىمىزدا 8 ٴبىلىم ورداسى مەن 1 بالاباقشا پايدالانۋعا بەرىلگەن بولاتىن. بالالاردىڭ قۋانىشىنا ورتاقتاسا كەلگەن ەلىمىزدىڭ باس پەداگوگى اسلان ٴسارىنجىپوۆ ٴبىر كۇندە ٴبىلىم سالاسىنداعى 8 نىساننىڭ اشىلۋى ٴالى ەشقانداي وڭىردە بولماعانىن جەتكىزدى. بيىلعى ۇبت ناتيجەسى دە كوڭىل قۋانتادى. سىر ٴوڭىرى وبلىستار اراسىندا 13-ورىننان الدىڭعى بەستىككە كوتەرىلدى. مىڭداعان قىزىلوردالىق جاس تۇلەك وبلىس اكىمى گرانتتارىن يەلەندى. سونداي-اق، رەسەي فەدەراسياسى ۇكىمەتى اراسىنداعى كەلىسىمگە سايكەس 321 تۇلەك ماسكەۋ جانە سانكت-پەتەربۋرگتىڭ ماڭدايالدى جوعارى وقۋ ورىندارىندا تەگىن ٴبىلىم الۋعا مۇمكىندىك الىپ وتىر. تەلەكوپىر ارقىلى بايلانىسقا تۇسكەن جالاعاش اۋدانى ٴبىلىم سالاسىنداعى جەتىستىكتەرىمەن ٴبولىسىپ، قولداۋ ٴبىلدىرىپ جاتقان باسشىلىققا ٴوز العىستارىن ايتتى. وبلىس اۋماعىندا 9 ۇلتتىق ٴبىرىڭعاي تەستىلەۋدىڭ پۋنكتتەرى جۇمىس جاساعان بولسا، بيىل قر ٴبىلىم جانە عىلىم ٴمينيسترىنىڭ №100 بۇيرىعى نەگىزىندە جالاعاش اۋدانىنداعى №202 ورتا مەكتەپتىڭ بازاسىندا جاڭادان تەستىلەۋ پۋنكتى اشىلعان بولاتىن. ال، وسى جىلى ۇبت قورىتىندىسى بويىنشا اۋداندار اراسىندا جالاعاش اۋدانى 83،5 پايىز بالدىق ناتيجەمەن كوش باستادى. بۇل اۋداندا 10 وقۋشى «التىن بەلگى» يەگەرى اتانعان. جانە، قىزىلوردا وبلىسى بويىنشا ەڭ جوعارعى 123 ۇپايدى №202 ورتا مەكتەپ وقۋشىسى مارحابات شايحيەۆا جينادى. تەلەكوپىر ارقىلى جوعارعى ۇپاي جيناعان تۇلەكتىڭ اكەسى بايلانىسقا شىعىپ،مارحاباتتىڭ استاناداعى مەديسينا اكادەمياسىنا وقۋعا تۇسكەندىگىن ايتتى. بۇدان بولەك، جوعارى جانە ارنايى وقۋ ورىندارىنا بولىنەتىن «سەرپىن» باعدارلاماسىمەن دە قىزىلوردالىق جاستار تەگىن وقۋعا جولداما الدى. ايتا كەتەيىك، «سەرپىن» باعدارلاماسى تۇلەكتەرىنىڭ باسىم كوپشىلىگى سىر جاستارىن قۇرايدى. ياعني، سىرداعى «سەرپىنگە» دەگەن سەرپىلىس جوعارى. بيىلعى جىلدىڭ باستى جاڭالىعى تالاي جىلدان بەرى تالقىعا ٴتۇسىپ كەلگەن بايقوڭىرداعى مەكتەپتەردىڭ ماسەلەسىنىڭ شەشىمىن تابۋى. ونداعى 6 مەكتەپ قازاقستاندىق ٴبىلىم بەرۋ ستاندارتىنا ٴوتتى. سول مەكتەپتەردە ٴبىلىم الاتىن 5 مىڭعا جۋىق وقۋشى تولىق جاڭا وقۋلىقتارمەن قامتاماسىز ەتىلدى. ارينە، بىزدەر ٴۇشىن بوركىمىزدى اسپانعا اتىپ قۋانتىنداي جاڭالىق. قانشا جىلدان بەرى قارا قازاقتىڭ قايعىسىنا اينالعان بۇل ٴىستىڭ شەشىلۋى وبلىس اكىمى ق.كوشەربايەۆتىڭ تىكەلەي تاپسىرماسىمەن بولعانى بەلگىلى. وسىنداي اتقارىلعان يگى ىستەردىڭ كۋاسى بولعان ەلىمىزدىڭ باس ٴمۇعالىمى ا.ٴسارىنجىپوۆ: «ايماقتىڭ ٴبىلىم سالاسىنداعى جەتىستىگى مول ەكەندىگى انىق اڭعارىلادى. اسىرەسە، ۇبت ناتيجەسى قۋانتتى. ٴوڭىر جاس كادرلارعا سەنىم ارتۋىمەن ەرەكشەلەنەدى. ماسەلەن، 25 جاسقا دەيىنگى مۇعالىمدەردىڭ ۇلەسى رەسپۋبليكادا 11 پايىز بولسا، بۇل قىزىلوردادا 16 پايىزدى قۇرايدى. ەندى ماگيستر دارەجەسى بار پەداگوگتاردىڭ سانىن ارتتىرۋعا بايلانىستى جۇمىس جاساۋ قاجەت»، - دەدى. ٴبىلىم جانە عىلىم ٴمينيسترىنىڭ ايماقتىڭ ٴبىلىم سالاسىنا بەرگەن باعاسى جاس ماماندارعا قانات ٴبىتىرىپ جۇيەلى جۇمىس جاساۋىنا سەبەپشى بولماق. سوڭعى ٴۇش جىلدىڭ ىشىندە ٴبىلىم سالاسىنا بولىنەتىن قارجى ەسەلەنىپ ٴوستى. سونىڭ ارقاسىندا كۇرمەۋى قيىن ماسەلەلەر جايى جولعا قويىلدى. 2013 ايماقتا 25 اپاتتى جاعدايدا مەكتەپ بولسا بۇگىندە ٴ11-ى قالدى. بۇل ماسەلە كەلەر جىلى تولىق شەشىمىن تابادى. ٴقازىر 22 مەكتەپتىڭ قۇرىلىسى ٴجۇرىپ جاتىر. جىل سوڭىنا دەيىن 19 مەكتەپ، 2 بالاباقشا پايدالانۋعا بەرۋ جوسپارلانسا، كۇنى كەشە 8 ٴبىلىم ورداسى مەن ٴبىر بالاباقشا ەل يگىلىگىنە بەرىلدى. قىزىلوردا وبلىسى بيۋدجەت شىعىندارىنىڭ 60% استامى الەۋمەتتىك سالاعا باعىتتالعان. الەۋمەتتىك شىعىنداردىڭ ۇلەسى بويىنشا قىزىلوردا رەسپۋبليكادا 1-ورىندى الادى. ياعني، بۇل ٴبىزدىڭ بولاشاققا باعىتتالعان ەڭ ماڭىزدى ينۆەستيسيامىز بولىپ تابىلادى. قر ٴبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسى – قازاقستان رەسپۋبليكاسىنىڭ ٴبىلىم بەرۋ سالاسىنداعى مەملەكەتتىك ساياساتىن جۇزەگە اسىرۋدىڭ نەگىزى. بۇل قۇجاتتا: «جاڭا ٴبىلىم بەرۋ باعدارلامالارىنا سايكەس بىلىكتىلىكتى ارتتىرۋ باعدارلاماسى جاڭارتىلادى جانە ٴبىلىم بەرۋ ۇيىمدارىنىڭ پەداگوگ قىزمەتكەرلەرىنىڭ بىلىكتىلىگىن ارتتىرۋ قامتاماسىز ەتىلەدى» دەلىنگەن. قىزىلوردا قالاسىندا «ورتا ٴبىلىم مازمۇنىن جاڭارتۋ جاعدايىندا وڭىردەگى ٴبىلىم بەرۋ ورتاسىنىڭ ترانسفورماسياسى» اتتى وبلىستىق ٴبىلىم بەرۋ فورۋمى وتكىزىلىپ، فورۋمدا «نازاربايەۆ زياتكەرلىك مەكتەپتەرى» دببۇ پەداگوگيكالىق شەبەرلىك ورتالىعى مەن كەمبريدج ۋنيۆەرسيتەتىنىڭ ٴبىلىم بەرۋ فاكۋلتەتى بىرلەسىپ ازىرلەگەن قازاقستان رەسپۋبليكاسىنىڭ پەداگوگ قىزمەتكەرلەرىنىڭ بىلىكتىلىگىن ارتتىرۋدىڭ جاڭا فورماتتاعى دەڭگەيلىك باعدارلاماسىن ٴوڭىرىمىزدىڭ مەكتەپ تاجىريبەسىندە ىسكە اسىرىلۋىنىڭ ناتيجەلەرى تالقىلانعان بولاتىن. فورۋم قىزىلوردا وبلىسى اكىمدىگى «نازاربايەۆ زياتكەرلىك مەكتەپتەرى» دەربەس ٴبىلىم بەرۋ ۇيىمىمەن ستراتەگيالىق سەرىكتەستىكتى دامىتۋ ماقساتىندا مەموراندۋمعا وتىرۋمەن اياقتالىپ، وبلىستا نازاربايەۆ زياتكەرلىك مەكتەبىنىڭ ىس-تاجىريبەسىن ناسيحاتتايتىن 22 يننوۆاسيالىق مەكتەپ تانىلدى. قازىرگى تاڭدا، 22 يننوۆاسيالىق مەكتەپتىڭ پەداگوگ ماماندارى، ادىسكەرلەر، مەكتەپتىڭ باسشىلارى، مەكتەپ ديرەكتورىنىڭ وقۋ ٴىسى جونىندەگى ورىنباسارلارى، ينفورماتيكا ماماندارى بىلىكتىلىگىن ارتتىردى. جيىن سوڭىندا ٴبىلىم سالاسىنىڭ دامۋىنا ايرىقشا ۇلەس قوسىپ جۇرگەن ٴبىرقاتار مۇعالىمدەر «ى.التىنسارين»، «ٴبىلىم بەرۋ ٴىسىنىڭ قۇرمەتتى قىزمەتكەرى» توسبەلگىلەرمەن جانە مينيسرلىك پەن وبلىس اكىمىنىڭ «قۇرمەت» گراموتاسىمەن جانە «العىس حاتىمەن» ماراپاتتالدى. سونداي-اق، «ۇزدىك ورتا ٴبىلىم ۇيىمى» گرانتىن №9 وبلىستىق دارىندى بالالارعا ارنالعان قازاق-تۇرىك ليسەيى يەلەندى. مەكتەپ ۇجىمى 17 ميلليون تەڭگەنىڭ سەرتيفيكاتىن الدى. بۇل مەكتەپتەن 2 حالىقارالىق وليمپيادالاردىڭ جەڭىمپازى شىققان. ۇبت قورىتىندىسىندا ورتاشا 105،5 بالل جينادى. مۇنىڭ ٴبارى ەسەلى ەڭبەكتىڭ جەمىسى دەۋگە تولىق نەگىز بار. قازاق ىقىلىم زاماننان بەرى «مەكتەپتىڭ جانى – ٴمۇعالىم. ٴمۇعالىم قانداي بولسا، مەكتەپ سونداي بولادى» دەگەن تۇسىنىكتە. بۇل قازاق ٴالىپبيىنىڭ نەگىزىن قالاعان، الاش ارىسى ا.بايتۇرسىن ۇلىنىڭ ٴسوزى بولاتىن. جيىلعان جۇرت ٴبىلىم سالاسىنداعى مۇنداي جەتىستىكتەردىڭ كەزدەيسوق ەمەس ەكەندىگىن اتاپ كورسەتىپ جاتتى. سانالى ۇرپاقتى ساپالى ٴبىلىم نارىمەن سۋسىنداتىپ جۇرگەن ۇستازداردىڭ مەرەكەسىنە بيىل ٴبىلىم جانە عىلىم ٴمينيسترىنىڭ قاتىسۋى دا بۇرىن سوڭدى بولماعان جاعداي. ەندەشە، ەل ارداقتىلارى ات باسىن بۇرىپ، قولداۋ ٴبىلدىرىپ جاتسا بىزدەگى ٴبىلىم سالاسىنىڭ بولاشاعى زور بولماق دەگەن ويدامىز.

رىسكەلدى جاحمان


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي