جوعارى جىلدامدىقتى ساياحاتتىڭ بولاشاعى قانداي؟ - الەم|22 قىركۇيەك 2018، 16:17
كۋرسى ۆاليۋت وبنوۆليايۋتسيا
استانا:

جوعارى جىلدامدىقتى ساياحاتتىڭ بولاشاعى قانداي؟

«دىبىستان جىلدام ۇشاق» اتانىپ كەتكەن كونكورد 2003 جىلى زەينەتكە شىققان سوڭ، جوعارى جىلدامدىقتى تۋريزم كەرى كەتە باستاعانداي بولىپ كورىندى. جوعارى جىلدامدىقتى جولاۋشىلار تاسىمالدايتىن اۋە لاينەرى كوپ شىعىندى قاجەت ەتە باستاعاندىقتان، وسىنداي شەشىم قابىلداندى. سونداي-اق skype باردا، بىرنەشە كەزدەسۋ ٴۇشىن الىسقا ۇشىپ بارۋدىڭ قاجەتتىلىگى دە تومەندەي باستاعانداي بولدى. دەگەنمەن، سول كەزدەن باستاپ ينجەنەرلەر جول جۇرۋگە كەتەتىن ۋاقىتتى قىسقارتۋدىڭ امالىن تابۋ جۇمىستارىنا مىقتاپ كىرىستى، دەپ جازادى baq.kz اقپارات اگەنتتىگى ۆۆس earth باسىلىمىنا سىلتەمە جاساپ.

يلون ماسك ۇسىنعان hyperloop اقيقات پا، ەلەس پە؟

سوڭعى كەزدەرى لوندوننان شوتلاندياعا 45 مينۋتتا جەتۋگە مۇمكىندىك بەرەتىن hyperloop پويىزدارى تۋرالى ٴجيى ايتىلىپ ٴجۇر.

hyperloop – كولىك قۇرالى وتە جوعارى جىلدامدىقپەن وتەتىن گەرمەتيكالىق ترۋبا. اەروديناميكالىق قارسىلىق قوزعالىس جىلدامدىعىن تومەندەتەدى. سول سەبەپتى جوعارى جىلدامدىققا قول جەتكىزۋ ٴۇشىن كەڭىستىكتە اۋا كولەمى از بولۋى كەرەك. ياعني، hyperloop ترۋبالارى وسى جۇيەگە نەگىزدەلگەن. سوڭعى بىرنەشە جىلدا بۇل جوبامەن يلون ماسك باسقاراتىن tesla مەن spacex ينجەنەرلەرى جۇمىس ىستەپ كەلەدى.

بۇل كوپ ٴۇمىت كۇتەرلىك جوباعا اينالدى. دەگەنمەن، مانچەستەر ۋنيۆەرسيتەتىنىڭ مەحانيكا، اەروكوسموس جانە ازاماتتىق قۇرىلىس مەكتەبىنىڭ ۇستازى مارك كۋينن بۇل جوباعا وڭ قاباق تانىتپايتىنىن ايتتى.

«وسى كۇنگە دەيىن بۇل سالادا كوپ جۇمىس اتقارىلدى. ٴبىراق ينفراقۇرىلمى وعان ەشقاشان مۇمكىندىك بەرگەن ەمەس. جوبانىڭ ماسشتابىن كەڭەيتۋ ٴۇشىن سىزدە ۇزىن ترۋباداعى قىسىمدى بارىنشا تومەندەتە الاتىن مۇمكىندىك بولۋى كەرەك. ال وعان قول جەتكىزۋ ٴۇشىن كوپ ەنەرگيا قاجەت»، دەيدى ول.

بۇل جوباداعى تاعى ٴبىر پروبلەما – ورنالاساتىن جەر. ەگەر ٴوڭىر گەولوگيالىق تۇرعىدا بەلسەندى بولسا، كەز كەلگەن قوزعالىس تەكتونيكالىق جاعدايعا پروبلەمالار تۋعىزۋى مۇمكىن. سونىمەن قاتار جىلدامدىق ارتقان سايىن اۆتوكولىك اعىنى قىسىمدى ارتتىرىپ، شۋلى دىبىستارعا، ٴتىپتى، ۆيبراسياعا، سونىمەن قاتار باسقارۋ قيىندىقتارىنا الىپ كەلۋى ٴمۇمىن.

«يلون ماسك بۇل پروبلەمانى hyperloop الدىنداعى ۇلكەن كومپرەسسور ارقىلى شەشپەك. ول اۋانى الدىڭعى جاقتان الىپ، قايتا جىبەرەدى. ٴبىراق ٴسىز رەاكتيۆتى قوزعالتقىشقا تاۋەلدى بولاسىز»، دەيدى كۋينن.

بۇگىنى تاڭدا بۇل پروبلەمالاردىڭ ناقتى شەشىمى جوق جانە بولاشاقتا ونىڭ تابىلۋ-تابىلماۋ مۇمكىندىگى دە بەلگىسىز.

دىبىستان دا جىلدام ۇشاق

جوعارى جىلدامدىقتى ساياحاتتىڭ تاعى ٴبىر مۇمكىندىگى – جوعارى جىلدامدىقتى ۇشاق. boom supersonic كومپانياسى ريچارد برەنسوننىڭ قولداۋىمەن بۇل جوبانى قولعا الماق. كونكورد زامانىنان بەرى تەحنولوگيالار وزگەردى. ال ۇشاقتاردا ٴتورت قوزعالتقىشتىڭ ورنىنا ۇشەۋدىڭ قولدانىلۋى جانارمايعا كەتەتىن شىعىندى ازايتا الادى.

جوعارى جىلدامدىقتى ۇشاق پروبلەمالارىنىڭ ٴبىرى – قاتتى شۋ. بۇگىنگى تاڭدا nasa quesst (quiet supersonic technology) جوباسى ارقىلى بۇل پروبلەمانى شەشۋدىڭ جولدارىن قاراستىرىپ جاتىر.

nasa ينجەنەرلەرى دىبىسسىز ٴارى وتە جىلدام جولاۋشىلار ۇشاعىن قۇراستىرۋعا تىرىسۋدا. «قۇراستىرۋ جانە تەستىلەۋدەن وتكىزۋ – كوپشىلىك قوعام ٴۇشىن جاڭا مۇمكىندىكتەر اشۋدىڭ جولى»، دەيدى nasa-ىڭ اەروناۆتيكا زەرتتەۋلەرى اكىمشىلىگىنىڭ مامانى دجەيۆون شين.

2018جىلدىڭ ٴساۋىر ايىندا lockheed martin، aeronautics كومپانيالارى ەكسپەريمەنتتى x-plane ۇشاقتارىن قۇراستىرۋ جانە جوبالاۋ كەلىسىمشارتىن الدى.

جوعارى جىلدامدىقتى ساياحات

دىبىس جىلدامدىعىنان بەس ەسە كوپ (ماحا 5) بولاتىن گيپەرجىلدام ساياحات – بۇگىنگى تاڭدا كوپ زەرتتەلىپ جاتقان سالالاردىڭ ٴبىرى. نەگىزىنەن، بۇل زەرتتەۋ باسىندا تەك راكەتالىق وندىرىستە كوپ كەزدەسەتىن ەدى. بۇگىندە گەرمانيانىڭ ينجەنەرلەرى spaceliner كونسەپسياسىمەن جۇمىس ىستەپ جاتىر. دەگەنمەن، جولاۋشىلار ۇشاعىنىڭ بۇل جوباسى لايىقتى قارجىلىق قولداۋ تابا الماي وتىر. ال تابىلعان كۇننىڭ وزىندە، جوبانىڭ جۇزەگە اسىرىلۋى ٴۇشىن ونداعان جىلدار قاجەت بولاتىنى ٴسوزسىز.

جوعارىداعى فاكتورلاردىڭ بارلىعىن ەسكەرسەك، جوعارى جىلدامدىقتى ساياحاتتىڭ اۋىلى ٴالى الىس سياقتى. دەگەنمەن، scramjet جانە ramjet تەحنولوگيالارى جوعارى جىلدامدىقتى ساياحاتتىڭ بولاشاعىنا اينالا الادى.

بۇل رادار اۋانى جوعارى جىلدامدىق كەزىندە تەمپەراتۋرانى ارتتىراتىن كومپرەسسورسىز قىسىپ، العا جىلجۋعا مۇمكىندىك بەرەدى.

«تەوريالىق تۇرعىدا بۇل كەرەمەت ەستىلەدى. ٴبىراق جىلدامىراق قوزعالعان سايىن تولقىندار جىلۋدى كوپتەپ بولە باستايدى. بۇل ٴبىرشاما قيىندىقتار تۋعىزۋى مۇمكىن»، دەيدى كۋينن.

اعىلشىن تىلىنەن اۋدارعان التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي