BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴۇندىستان رەسەيدەن كۇدەرىن ٴۇزدى

فوتو: Тоқтар Әубәкіров МиГ-29К ұшағының сынағы кезінде

ٴۇندىستان ٴوز اسكەري-تەڭىز كۇشتەرىنە رەسەيلىك پالۋبالىق جويعىش ۇشاقتاردى 2004 جىلدان باستاپ ساتىپ الا باستاعان. سودان بەرى ميگ-29ك جانە ميگ-29كۋب - ٴۇندى تەڭىز اۆياتاسىمالداۋشى فلوتىندا سوققى بەرۋگە ارنالعان جالعىز ۇشاقتار بولىپ كەتكەن.

ۇشاقتارداعى اقاۋلار مەن ينجەنەرلىك قاتەلەر ۇندىلىك اسكەريلەردى و باستان ابىگەرگە سالعان. ٴبىراق ۇندىلەر رەسەيمەن سول ۇشاقتاردى جوندەپ تۇراتىن سەرىكتەس كومپانيا اشۋعا ۇمىتتەنگەن بولاتىن. الايدا رەسەي ٴوز تەحنولوگيالارىن جاسىرىن ۇستاۋ جانە جوندەۋدە اقىلى قىزمەت كورسەتۋ ٴۇشىن سەرىكتەستىك قۇرۋدان باس تارتقان. ونىڭ ۇستىنە، رەسەيمەن بولعان 2،2 ملرد دوللارلىق كەلىسىمدە ۇشاقتاردى جوندەۋ جانە كۇتۋ ماسەلەسى قاراستىرىلماعان ەكەن.

سول ۋاقىتتا، رەسەيلىك ۇشاقتاردىڭ پروبلەمالارى بىرىنەن سوڭ ٴبىرى شىعا بەردى. اقىرى 2016 جىلى اسكەري تاقىرىپتاعى بەلدى سايتتاردا رەسەيلىك ۇشاقتاردىڭ ۇرىس جۇرگىزبەك تۇگىلى، ۇشىپ-قونۋعا دا جارامايتىنى تۋرالى مالىمەت تارادى. ايتالىق defence news، ۇشاقتاردىڭ كەمەدە ۇشىپ-قونۋىن - «اۆياكاتاستروفا» دەپ اتاعان.ۇندىلەردى، وزدەرىنىڭ باستى «ۆيكراماديتيا» (ول دا - 1982 جىلى شىققان سوۆەتتىك «ادميرال گورشكوۆ» كەمەسى) اۆياتاسىمال كەمەسىندە ونداي تاۋەكەلدەردىڭ بولۋى الاڭداتىپ ٴجۇردى.

جاقىندا، تاعى دا سول defense news سايتى، ۇندىلەردىڭ رەسەيلىك ۇشاقتاردى كادەگە جاراتۋدان ٴبىرجولا كۇدەر ۇزگەنى تۋرالى جاريالادى. سايكەسىنشە، ٴۇندىستان ميگ-29ك ۇشاعىنان تولىقتاي باس تارتادى.

بۇعان قوسا، ٴۇندىستان اسكەرىنىڭ ۇشاق وپەراتورى hal (hindustan aeronautics limited) كومپانياسىن اۋديتورلىق تەكسەرۋ رەسەيلىك ۇشاقتاردى ساتىپ الۋ كەزىندە ەرەجەلەردىڭ بۇزىلعانىن انىقتاعان.

رەسەيلىك وسى ۇشاقتاردىڭ ساپاسىزدىعى جاناما تۇردە دە راستالدى. وتكەن جىلدىڭ قاراشا ايىندا سيرياداعى اسكەري وپەراسيا كەزىندە ٴبىر ۇشاق پالۋباعا جەتە الماي، سۋعا قۇلادى. تاعى دا ٴبىر ۇشاق تەجەگىش تروستىڭ ۇزىلۋىنەن پالۋبادا توقتاماي، سۋعا كۇمپ بەردى.

ەندى ٴۇندى ۇكىمەتى بۇل احۋال جونىندە ەسەپ جاساپ، جاريالاپ وتىر.

وندا كەلتىرىلگەن مالىمەتتەر:

1. ۇشاقتاردىڭ قاجەتى ٴۇشىن الىنعان 65 دانا رد-33 مك موتورلارىنىڭ ٴ42-سى - جارامسىز;

2. ەلەكتر باسقارۋ جۇيەسىنىڭ سەنىمدىلىگى 3،5 - 7،5%، ياعني وتە تومەن;

3. جاتتىعۋعا ارنالعان سيمۋلياتورلار دايىندىق جاساۋعا ٴتىپتى كەلمەيدى، ناقتى اسكەري تاپسىرمانى ورىنداۋعا جارامسىز.

ٴۇندىستاندا مۇنداي 45 ۇشاق بار. ميليتاريستىك رەسۋرستار ۇندىلەر ۇشاقتاردى ەندى رەسەيدەن باسقا ەلدەردەن الۋدى شەشكەنىن حابارلايدى. ونىڭ ٴبىر سەبەبى - ٴۇندىستان ايماقتاعى قۋاتتى باسەكەلەستەرى قىتاي مەن پاكىستاننان قالماۋعا تىرىسادى.

اقپارات ٴۇشىن:

ميگ-29ك ۇشاعىن كەمەگە قوندىرىپ-ۇشىرىپ سىناقتان وتكىزگەن - تۇڭعىش قازاق عارىشكەرى، سوۆەت وداعىنىڭ باتىرى توقتار اۋباكىروۆ. ول رەسەيلىك تاسس اگەنتتىگىنە بەرگەن سۇحباتىندا ۇشاقتى «باسقارۋعا يكەمدىكتىڭ ۇلگىسى» دەگەن.

baq-الەمپرەسس


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي