BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىمەنستان وتاندىق الەۋمەتتىك جەلىسىن تانىستىردى

استانا، baq.kz. تۇركىمەنستاندا مەملەكەتتىڭ جەكە "بيز بياردە" ("ٴبىز وسىندامىز" نەمەسە قىسقاشا "بي-بي") دەپ اتالاتىن الەۋمەتتىك جەلىسى اشىلدى.

بۇل تۋرالى ازاتتىقتىڭ تۇركىمەن قىزمەتى جەرگىلىكتى اقپارات اگەنتتىكتەرىنە سىلتەمە جاساپ حابارلادى. جاڭا الەۋمەتتىك جەلى 23 جەلتوقسان كۇنى تانىستىرىلعان.

"سۋنگات ەسەري" پروديۋسەرلىك ورتالىعىنىڭ باس ديرەكتورى ازيز بەكنازاروۆ الەۋمەتتىك جەلى تۋرالى "ٴبىز ٴونىمىمىز قولدانۋشىلارعا ۇناۋى ٴۇشىن كوپ جۇمىس ىستەدىك جانە ۇلكەن قيىندىققا تاپ بولدىق. "بيز بياردە" جەلىسىن ٴمىنسىز دەۋگە بولمايدى، ٴبىراق كوپتەگەن پارامەترلەرى بويىنشا تۇركىمەنستانداعى باسقا الەۋمەتتىك جەلىلەردەن كەم سوقپايدى" دەگەن.

ونىڭ سوزىنشە، قازىرگە دەيىن الەۋمەتتىك جەلى قوسىمشاسىن بەس مىڭنان استام قولدانۋشى جۇكتەگەن، ٴۇش مىڭنان استامى تۇراقتى قولدانادى.

تۇركىمەنستاندا ٴقازىر تانىمال الەۋمەتتىك جەلىلەر، ونىڭ ىشىندە facebook، twitter جانە instagram بۇعاتتالعان. قولدانۋشىلار ولارعا پروكسي سەرۆەرلەر ارقىلى كىرۋگە ٴماجبۇر.

ەلدە پروكسي سەرۆەردى قولدانۋشىلار ينتەرنەتكە ٴجيى كىرە الماي قالادى جانە ولاردى قاۋىپسىزدىك قىزمەتكەرلەرى "اڭگىمەلەسۋگە" شاقىرىپ تۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي