تۋريستەر ەڭ كوپ باراتىن قالالار بەلگىلى بولدى - الەم|02 قازان 2017، 20:34
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۋريستەر ەڭ كوپ باراتىن قالالار بەلگىلى بولدى

تۋريستەر ەڭ كوپ باراتىن قالالار بەلگىلى بولدى، دەپ حابارلايدى baq.kz اقپارات اگەنتتىگى.

2016 جىلى الەمدەگى تۋريستەر اراسىندا ەڭ تانىمال بولعان قالالاردىڭ ٴبىرى بانگكوك ەكەن. بۇل تۋرالى mastercard كومپانياسى ٴمالىم ەتكەن.

قارجى كورپوراسياسىنىڭ ساراپشىلارى بىلتىرعى جىلى الەمنىڭ 132 ٴىرى قالاسىنا بارعان شەتەلدىك قوناقتاردىڭ مالىمەتتەرىنە زەرتتەۋ جۇرگىزگەن. ناتيجەسىندە، تايلاند استاناسىندا 19،41 ميلليون ساياحاتشى توقتاعانى بەلگىلى بولىپتى.

ەكىنشى ورىندا لوندان، مۇندا 19،06 ميلليون ادام كەلگەن. ۇشتىكتىڭ سوڭىندا پاريج تۇر. بۇل قالاعا 15،45 ميلليون ادام ساياحاتتاپ كەلىپتى.

ٴتورتىنشى ورىندا دۋباي، 14،87 ميلليون ادام. بەسىنشى ورىن سينگاپۋر بولسا، وندا 13،11 ميلليون ساياحاتشى بارعان. سونداي-اق تۋريستەر كوپ باراتىن قالالاردىڭ اراسىندا نيۋ-يورك، سەۋل، كۋالا-لۋمپۋر، توكيو جانە ستامبۋل بار.

2016 جىلى تۋريستەر بانگكوكتا 14،1 ميلليارد دوللار جۇمساعان. ال ەڭ كوپ تابىس تاپقان دۋباي 28،5 ميلليارد دوللار جيناعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي