بەردىمۇحامەدوۆتىڭ ۇلى تۇرىكمەنستاننىڭ كەلەسى پرەزيدەنتى بولا ما؟ - الەم|07 اقپان 2018، 18:58
كۋرسى ۆاليۋت وبنوۆليايۋتسيا
استانا:

بەردىمۇحامەدوۆتىڭ ۇلى تۇرىكمەنستاننىڭ كەلەسى پرەزيدەنتى بولا ما؟

تۇرىكمەنستان پرەزيدەنتى گۋربۋنگۋلى بەردىمۇحامەدوۆ بيلىكتى ۇلى سەردار بەردىمۇحامەدوۆكە تاپسىرۋى مۇمكىن. «حرونيكا تۋركمەنيستانا» پورتالىندا وسىنداي مالىمەت جاريالاندى، دەپ حابارالايدى baq.kz اقپارات اگەنتتىگى.

ٴبىرىنشى رەت سەردار حالىق الدىنا 2016 جىلى پارلامەنت ٴماجىلىسىنىڭ دەپۋتاتى بولىپ سايلانعاندا شىقتى. 2017 جىلدىڭ اقپان ايىندا بەردىمۇحامەدوۆتەر بىرگە پرەزيدەنت سايلاۋىندا داۋىس بەردى. بۇل سايلاۋدا وتاعاسى 97،69%-بەن جەڭىسكە جەتكەن-دى.

بۇدان كەيىن سەردار تاتارستان پرەزيدەنتىمەن كەلىسسوزدەرگە تۇرىكمەنستان رەسمي وكىلى رەتىندە قاتىستى. رەسمي كەزدەسۋلەردەن وزگە پرەزيدەنتتىڭ ۇلى وتباسىلىق دەمالىس تۋرالى تەلەتۇسىرىلىمدەردە بوي كورسەتىپ ٴجۇردى.

تۇرىكمەنستاننىڭ تاۋەلسىزدىك مەرەكەسىندە وتانعا دەگەن قىزمەتى ٴۇشىن سەردار اتاسىنىڭ اتىنداعى مەدالمەن ماراپاتتالىپ، اسكەري شەنى مايوردان پودپولكوۆنيككە ٴوستى.

«وتان، حالىق، پرەزيدەنت جانە باس قولباسشىعا ادال بولامىن دەپ انت ەتەمىن»، - دەيدى بەردىمۇحامەدوۆ اسكەري انت بەرۋ ٴراسىمى كەزىندە.

ٴماجىلىس وتىرىسى كەزىندە سەردار پارلامەنت سپيكەرىنىڭ جانىندا وتىرادى. ناتيجەسىندە ول زاڭ شىعارۋشى ورگاننىڭ باسشىسى بولىپ تاعايىندالۋى مۇمكىن. زاڭ بويىنشا، پرەزيدەنت ٴوز مىندەتىن ورىنداي الماعان جاعدايدا ەل تىزگىنى وسى زاڭ شىعارۋشى ورگان باسشىسىنا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي