BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇرىكمەن مەكتەپتەرىندە تەلەفونداردان پورنوگرافيا ىزدەپ، قىزداردىڭ پاكتىگى تەكسەرىلدى

تۇرىكمەنستاننىڭ داشوعىز قالاسىنداعى مەكتەپتەردە، تاعى ٴبىرقاتار اۋدان ورتالىعىندا وقۋشى بالالاردىڭ تەلەفوندارىنان پورنوگرافيالىق ۆيدەو جانە فوتو ىزدەپ، وقۋشى قىزداردى گينەكولوگيالىق تەكسەرۋگە جولدايدى، دەپ حابارلايدى ۆaq.kz اقپارات اگەنتتىگى centralasian.org باسىلىمىنا سىلتەمە جاساپ.

تۇرىكمەنستاننىڭ سولتۇستىگىندەگى وبلىستا وتكەن اپتادا جەرگىلىكتى ٴبىلىم بەرۋ مەكەمەلەرىنىڭ، ۇلتتىق قاۋىپسىزدىك قىزمەتىنىڭ، پوليسيانىڭ قىزمەتكەرلەرى جانە دارىگەرلەر الدىن الا ەسكەرتۋسىز ساباققا كەلىپ، جوعارعى سىنىپ وقۋشىلارىنىڭ تەلەفوندارىن جيناپ العان. سودان كەيىن عانا تەلەفونداردان مۋلتيمەديالىق فايلدارعا تەكسەرەتىنىن ايتقان.

مۇنداي تەكسەرۋ جۇرگىزۋگە وبلىس اكىمىنىڭ ٴبىلىم جانە مادەنيەت جونىندەگى ورىنباسارى تاپسىرما بەرگەن، دەپ حابارلادى ازاتتىق دەرەككوزى.

"تەكسەرۋگە كەلگەندەر بارلىعىمىزدىڭ تەلەفوندارىمىزدى جيناپ الدى. ولار نە تەكسەرەتىنىن ٴتۇسىندىرىپ جاتپادى. ٴبىراق كەيىن پورنوگرافيالىق فايلدار ىزدەگەنىن ايتتى. وقۋشىلاردىڭ بارلىعىنان دەرلىك مۇنداي فايلدار تابىلدى"، - دەدى داشوعىز وبلىسى گۋربانسولتان اۋدانىنداعى ورتا مەكتەپ وقۋشىسى.

ونىڭ ايتۋىنشا، پورنوگرافيالىق فايلدار تابىلعان سوڭ ٴموبيلدى تەلەفوندارىن الىپ قويىپ، مەكتەپ وقۋشىلارىنىڭ اتا-انالارىن شاقىرىپ، بىرگە اڭگىمەلەسكەن.

"جوعارعى سىنىپتاعى قىزداردى ٴبىر سىزىققا تۇرعىزىپ قويىپ، مەكتەپ مەدپۋنكتىندە تەكسەردى. پاكتىگى تابىلماعان قىزداردىڭ انالارىن شاقىرىپ، بۇكىل مەكتەپكە ماسقارالادى. وسى تەكسەرۋدەن سوڭ مەكتەپ ديرەكتورىن جۇمىستان شىعاردى"، - دەدى دەرەككوز.

داشوعىز جەرگىلىكتى اكىمدىگىنىڭ وكىلدەرى ازاتتىق راديوسىنا تەكسەرۋ سەبەپتەرىن تۇسىندىرۋدەن باس تارتتى.

ٴبىراق اۋداندىق پوليسيا قىزمەتكەرىنىڭ ايتۋىنشا، مەكتەپ جاسىنداعى قىزداردىڭ جەزوكشەلىككە سالىنۋى جيىلەپ كەتۋىنە بايلانىستى وسىنداي تەكسەرۋ جۇرگىزىلگەن.

"تەكسەرۋ وسىنداي ماسەلەمەن كۇرەسۋ ٴۇشىن جاسالدى"، - دەدى دەرەككوز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي