BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

ترامپ ٴيم-نىڭ تولىق كۇيرەگەنى تۋرالى ايتتى

استانا، baq.kz. اقش سيرياداعى اسكەرىن شىعارا باستايدى. بۇل تۋرالى امەريكالىق باسىلىمدار حابارلادى. اقش قورعانىس سالاسىنىڭ رەسمي وكىلى cnn تەلەارناسىنا سيريا ايماعىنداعى امەريكالىق اسكەريلەردىڭ بارلىعى ەلگە ورالاتىنىن ايتقان.

اقش بۇل پروسەستى قاشان باستايتىنى ناقتى بەلگىسىز. اقش پرەزيدەنتى دونالد ترامپ twitter-دە "يسلام مەملەكەتى" ەكسترەميستىك توبىنىڭ كۇيرەگەنىن، "اقش اسكەرىنىڭ سيريادا قالۋىنىڭ جالعىز سەبەبى ٴيم-دى جەڭۋ بولعانىن" جازدى.

donald j. trump@realdonaldtrump

we have defeated isis in syria، my only reason for being there during the trump presidency.

twitter ads info and privacy

رەسمي دەرەك بويىنشا، سيريا اۋماعىندا 2000 امەريكالىق اسكەري بار.

"يسلام مەملەكەتى" (قازاقستاندا دايش دەپ اتالادى - رەد.) - 2013 جىلى سيريا مەن يراك اۋماعىندا قۇرىلعان ەكسترەميستىك توپ. بىرنەشە جىل بويى ەكى ەل اۋماعىنىڭ نەگىزگى بولىگىن باسىپ الىپ، حاليفات ورناتپاق بولعان. 2018 جىلدان باستاپ يم قۇلدىراي باستادى. قازاقستاندا تەرروريستىك ۇيىم دەپ تانىلعان.

قازاقستان ۇلتتىق قاۋىپسىزدىك كوميتەتىنىڭ دەرەگىنشە، 800-گە جۋىق قازاقستاندىق سيرياعا كەتىپ، "يسلام مەملەكەتى" توبىنىڭ ساپىندا سوعىسقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي