BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

توكيو وليمپياداسىنىڭ مەدالدارى ەسكى گادجەتتەردەن جاسالادى

2020 جىلى توكيودا وتەتىن وليمپيادا مەن پاراليمپيديالىق ويىندارعا مەدالدار ەسكى ۇيالى تەلەفونداردان جاسالادى دەگەن جوسپار بار. ول ٴۇشىن جەرگىلىكتى بيلىك قاجەتتى مولشەردە موبيلدىك تەلەفوندار مەن شاعىن ەلەكتروندىق قۇرىلعىلار جيناۋى كەرەك.

ٴقازىر سمارتفونداردى قابىلداۋ ٴۇشىن دۇكەندەرگە ەكى مىڭنان اسا دەۆايس ورناتىلدى. بۇعان وڭ كوزقاراس بىلدىرگەن 100-دەن ارتىق جاپوندىق ەسكى گادجەتتەرىن تاپسىردى. بۇل ٴىستى قولعا العاندار 8 مىڭ توننا مەتالل جيناپ، ونى التىن، كۇمىس، قولا مەدال جاساۋعا قولدانباق.

ايتا كەتكەن ٴجون، سمارتفوندار مەن پلانشەتتەردى جاساعاندا وندىرۋشىلەر، التىن، كۇمىس، پلاتينا سياقتى قىمبات باعالى مەتالل تۇرلەرىن پايدالانادى.

حيروكي ياماشيتا، جەرگىلىكتى تۇرعىن:

- مەن حابارلامانى ەستي سالا، تەلەفونىمدى وتكىزۋگە ارنايى كەلدىم. بۇنى يگى باستاما دەپ قابىلدادىم. وليمپياداعا ٴوز ۇلەسىمدى قوسۋدى ازاماتتىق پارىزىم سانايمىن. جانە وعان ماقتانامىن. توكيودا وليمپيدا ويىندارىنا قاتىسىپ، جانكۇيەر بولعانعا نە جەتسىن. ٴبىز سونداي باقىتقا يە بولماقپىز.

يۋريكو كويكە، توكيو گۋبەرناتورى:

- عالامشاردىڭ قورى شەكتەۋلى عوي. ٴبىز قورشاعان ورتا مەن ونىڭ جەراستى بايلىعىن ۇنەمدەۋىمىز كەرەك. ونى وندىرۋگە قانشاما كۇش جۇمسالادى. ونىڭ ۇستىنە حالقىمىز ٴارقايسىنىڭ وليمپيداعا قاتىسىن بارىن سەزىنسە ەكەن دەيمىز. ارينە، تەلەفونداردىڭ مەدالعا اينالاتىنىن قىزىق جايت. جاپوندىقتار وعان تۇسىنىستىكپەن قارادى دەگەن سەنىمدەمىز.

24.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي