BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

dw: جۇزدەن اسقان بالالار بارلاۋشىلاردى اشكەرە قىلدى

baq.kz - الەمپرەسس. رەسەي قورعانىس مينيسترلىگىنە قاراستى جاتاقحانالاردا تۇرىپ جاتقان بارلاۋشىلاردى تاسادا ۇستاۋ ٴۇشىن، اسكەري ۆەدوموستۆو ولاردىڭ كامەلەتكە تولماعان بالالارىنىڭ جاسىنا 100 جىل قوسىپ جازىلعان دەيدى deutsche welle.

بۇل قۇيتىرقىنى رەسەي زەينەتاقى قورىنىڭ قىزمەتكەرلەرى كەزدەيسوق بايقاعان. ٴسويتىپ، رەسەي باس شتابىنىڭ (اسكەري بارلاۋ تىكەلەي باعىناتىن ۆەدوموستۆو - baq.kz) ٴوز بارلاۋشىلارىنىڭ بالا-شاعاسى تۋرالى مالىمەتتى قۇپيالاۋى كەرىسىنشە، ولاردىڭ ٴدۇيىم جۇرتقا جاريا بولۋىنا سەبەپشى بولدى. ولاردىڭ كىم ەكەنىن ٴبىلۋ ٴۇشىن بولعانى - ماسكەۋلىكتەردىڭ مەكەنجاي بازاسىن ساتىپ الۋ جەتكىلىكتى. بۇل تۋرالى جۋرناليست سەرگەي كانەۆ پەن «دوسە» ورتالىعىنىڭ 26 قازان كۇنى جاريالاعان زەرتتەۋىندە ايتىلعان.

اعىلشىندار، اكەلى-بالالى سكريپالدارعا قاستاندىق جاسادى دەپ ايىپ تاعىپ وتىرعان رەسەي بارلاۋ قىزمەتكەرلەرىنىڭ شىن ەسىمىن زەرتتەگەن جۋرناليست ەلدەن كەتۋگە ٴماجبۇر بولدى. ونىڭ مالىمەتىنشە، بارلاۋشىلاردىڭ بالالارىنىڭ شىنايى جاسىنا 100 جىل قوسىپ جازۋ نۇسقاۋدى باس شتاب 2011 جىلى شىعارعان. ٴسويتىپ، سول ۋاقىتتاردا جاتاقحانادا تۇرىپ جاتقان كامەلەكەتكە تولماعان بالالاردىڭ "تۋعان جىلى" گرافاسىنا 100 جىل قوسىلعان. مىسالى، 2005 جىلى تۋعان بالا 1905 جىلى تۋعان بولار ەدى.

جۋرناليسكە اسكەري ۆەدومستۆوداعى دەرەككوز حابارلاعانداي، بۇل استىرتىن وپەراسيا رەسەي زەينەتاقى قورى ماسكەۋلىك زەيتەكەرلەردىڭ ٴتىزىمىن تەكسەرگەن كەزدە كۇيرەگەن. الەۋمەتتىك ورگان تىزىمنەن ەلۋگە تارتا ەسەپتە جوق ەگدە ادامداردى تاۋىپ العان جانە بارلىعى بولعانى ەكى بولمەدە تۇرىپ جاتقانىن كورگەن. رەسەي زەينەتاقى قورىنىڭ قىزمەتكەرلەرى اۋەلدە مۇنى ٴبىر الاياقتىق سحەما دەپ ويلاپ قالعان جانە ٴتىپتى پوليسياعا شاعىمدانباق بولعان. اقىرى ماسەلەگە رەسەي قورعانىس مينيسترلىگى ماسەلەگە ارالاسىپ، تۇسىنىكتەمە بەرىپتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي