BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساياباققا كەلگەن ايەل باعالى الماز تاسىن تاۋىپ الدى

امەريكانىڭ اركانزاس شتاتىنداعى «المازدى كراتەر» ساياباعىنا اسىل تاستار ىزدەۋگە كەلگەن 71 جاستاعى ايەل 10 مينۋت ىشىندە 2،63 كاراتتى الماز تاۋىپ الدى، دەپ حابارلايدى baq.kz اقپارات اگەنتتىگى lenta.ru پورتالىنا سىلتەمە جاساپ.

كولورادو شتاتىنىڭ تۇرعىنى اسىل تاستاردى ىزدەۋگە وتباسىمەن بىرگە كەلىپتى، ولاردىڭ قاتارىندا جۇبايى، ۇلى جانە ەكى نەمەرەسى بولعان. دەگەنىمەن 7 جاستاعى ايەلدىڭ عانا جولى بولعان، ول جەردەن شاعىن اپپاق تاستى كورگەن. «جەردەگى تاستى الىپ بەتىندەگى توپىراقتى تازارتتىم، الايدا ونىڭ الماز ەكەنىن بىلگەن جوقپىن» -دەيدى ول. ودان كەيىن ٴبارى جامىلىپ ٴبىر ساعاتتاي ىزدەگەن، ٴبىراق باعالى ەشتەڭە تابا الماپتى.

تاپقان ولجالارىن جەرگىلىكتى زەرتتەۋ ورتالىعىنا اپارىپ كورسەتكەندە، ونىڭ تازا الماز تاسى ەكەنى انىقتالعان. ساياباقتىڭ قىزمەتكەرى ۆەيمون كوكس تابىلعان اسىل تاستى بىلاي دەپ سيپاتتادى: «ول اق المازدىڭ كولەمى بۇرشاقتىڭ دانىندەي، ٴپىشىنى قولدىڭ تىرناعى سياقتى. بەتكى قاباتىندا قوڭىر سەكپىل سياقتى داقتارى بار، سونىسىمەن ادەمى كورىنەدى». ونىڭ ايتۋىنشا، كەلۋشىلەر تاپقان المازداردىڭ كوبى جەردىڭ بەتكى قاباتىندا جاتقان.

ساياباق ورنالاسقان جەردە بۇرىن جانارتاۋ اتقىلاعان. بۇل الەمدەگى كوپشىلىككە قولجەتىمدى جالعىز كەن ورنى. 1990 جىلى ول جەردەن ٴتۇسسىز ستروۋن-ۆاگنەر المازى تابىلعان. ساياباق 1972 جىلى اشىلعان، سول ساتتەن بەرى 33 مىڭنان اسا باعالى تاستار تابىلىپتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي