BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساۋد ارابياسى مۇنايدان باس تارتتى

ساۋد ارابياسى مۇنايدان كەيىنگى كەزەڭگە اۋىستى. ەل بيلىگى سالىنىپ جاتقان «بولاشاق مەگاپوليستەر» ٴارتاراپتاندىرۋ مەن ەكونوميكانى جاقسارتادى دەپ ۇمىتتەنەدى. بۇل تۋرالى داۆوستا وتكەن فورۋمدا king abdullah economic city (kaec، كورول ابداللانىڭ ەكونوميكالىق قالاسى) جوباسىنىڭ اتقارۋشى ديرەكتورى فاحد ٴال-راشيد مالىمدەدى، دەپ حابارلايدى ۆaq.kz اقپارات اگەنتتىگى lenta.ru باسىلىمىنا سىلتەمە جاساپ.

«ٴبىز پورتتاردى، ويىن-ساۋىق يندۋسترياسىن جانە قۇرىلىستى دامىتۋعا نازار اۋدارامىز. دۇرىس باعىتتا بارا جاتقانىمىزعا سەنىمدىمىز»، - دەدى ول.

cnbc پورتالىنىڭ حابارلاۋىنشا، ٴال-راشيد ساۋد ارابياسىنىڭ ساۋداسىن دامىتاتىن kaec مەگاپوليسىن باسقارادى. قالا 2006 جىلى قىزىل تەڭىز جاعالاۋىندا دجيددادان 100 كيلومەتر قاشىقتىقتا سالىنعان. جوبانىڭ قۇنى - 100 ميلليارد دوللار. بۇل قالا الەمدىك ەكونوميكانىڭ ٴوسۋ درايۆەرى بولا الادى.

بۇدان بولەك، 2017 جىلى ساۋد ارابياسى قىزىل تەڭىز جاعالاۋىندا neom يننوۆاسيالىق قالا تۇرعىزۋ جوسپارى تۋرالى جاريالاعان. بۇل جوبانىڭ باستاپقى كەزەڭىندەگى ينۆەستيسيا 500 ميلليارد دوللار بولدى. وعان قارجىنى كورول ۇكىمەتى، ونىڭ ٴدىني قورى جانە جەكە ينۆەستورلار قۇيادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي