BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رەسەيدە زەينەتاقى رەفورماسى قابىلداندى

فوتو: РИА Новости

رەسەي مەملەكەتتىك دۋماسى پلەنارلى وتىرىستا ٴۇشىنشى جانە سوڭعى وقىلىمدا زەينەتاقى رەفورماسى تۋرالى زاڭدى قابىلدادى، دەپ حابارلايدى ۆaq.kz اقپارات اگەنتتىگى ريا نوۆوستي باسىلىمىنا سىلتەمە جاساپ.

رەسەيدە زەينەتكەرلىك جاستى كەزەڭ-كەزەڭىمەن كوتەرۋ تۋرالى ۇكىمەت ۇسىنعان زاڭ جوباسىنىڭ ٴبىرىنشى وقىلىمىن پارلامەنتتىڭ تومەنگى پالاتاسى شىلدەدە قابىلداپ قويدى. ٴبىراق مينيسترلەر كابينەتى ۇسىنعان – ەر ادامدار 65 جاستا، ايەلدەر 63 جاستا زەينەتكە شىعۋ ۇسىنىسى قوعامدا كەرى پىكىر تۋعىزدى.

تامىزدىڭ سوڭىندا پرەزيدەنت ۆلاديمير پۋتين زاڭ جوباسىنىڭ ەرەجەسىن جۇمسارتۋدى تاپسىردى. اتاپ ايتقاندا، پۋتين ايەلدەر ٴۇشىن زەينەت جاسى 60، كوپ بالالى انالارعا زەينەتكە ەرتە شىعۋ، زەينەت جاسى الدىنداعى تۇلعالارعا كومەك شاراسىن، ونىڭ ىشىندە ولاردىڭ جۇمىسسىزدىعى ٴۇشىن تولەنەتىن جاردەماقىنى ۇلعايتۋ جانە زەينەت الدىندا قىزمەتتەن قۋعان جۇمىس بەرۋشىنى جاۋاپقا تارتۋدى ەنگىزۋدى قولدادى.

26 قىركۇيەكتە پرەزيدەنت ەنگىزگەن تۇزەتۋلەردى دەپۋتاتتار ٴبىراۋىزدان قولدادى. كەيىن سارسەنبى كۇنى تومەنگى پالاتا زەينەتاقى زاڭناماسىن وزگەرتۋگە ەكىنشى رەت داۋىس بەردى. زاڭ جوباسىن بارلىق 385 دەپۋتات قولدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي